Okanelɛ nde ente olelo ɔmɔtshi wolekɔ l’antenyɛ kɛnɛ kelekɔ nyɛtshi la wɔlɔ? Anto efula lɔɔko kɛnɛ watshindama má akambo wokashimɔwɔ la wokanelawɔ koko ape má kɛnɛ kelekɔ́ nsɔsɔlɔ la kenanghema. Ndjɔmbɔmba, otepela “ndjisola nsɔsɔlɔ,” woyisá ndoposá djɛ ntepela nkambo djɛnɛ, woyɛka ndoposa ntshɛkɛ. a Wosipisoyɛka wɔlɔ andja w’otondo lɔɔko kɛnɛ, lá lɛdji lɔ anto efula wakanela ambɔ lako nkambo kina dekɔ ngo nsɔsɔlɔ.

 Ikanyi yɛsɔ yepalekɔ bango. Amboheta ɛnɔnyi etengo 2 000, Pɔsɔ Pilato guvɛrnɛrɛ dj’ose Ɔrɔma ashimelaka Yeso ante: “Nsɔsɔlɔ osakisolande nge?” (Djɔanɛ 18:38) Kaanga Pilato ndotewa nsakiso, woopó wɔnde woyalaka djonyi. Bible apɛyɛ nsakiso k’okokɛ nsasanga la nsakiso kɛkɔ nkoka nkokotshɛ́ djɛ wɛ mba mboka kɛ nkilika ndjisola nsɔsɔlɔ l’andja wanɛ.

Nsɔsɔlɔ kelekɔ mɛtɛ?

 Ee. Bible nkambaka l’otepela ‘nsɔsɔslɔ’ djɛ mvungɔ kɛnɛ kelekɔ́ nsɔsɔlɔ edjinge kelekɔ́ djɔ. Angolakanyɛke ante Yehova b Ndjambe toko ndeke Ikɔkɔ yɛ nsɔsɔlɔ, angowetake ‘Ndjambe kɛ nsɔsɔlɔ.’ (Yeembo 31:5) Bible ndola kfu la wayi wa nsɔsɔlɔ wayɛ me Ndjambe, edjinge angɛdjɛke nsɔsɔlɔ yɛkɔ la owaya, etengo okokande ntɔlɔndjɛ dj’ipa mpeta tá djena nkfumɔ djevungusano djel’andja wa lɔɔko wanɛ.​—Yeembo 43:3; Djɔanɛ 17:17.

Wopo wɔkɔnge w’okokaso ndjila nsɔsɔlɔ?

 Ndjambe apakɔpɛ dj’iso ndjawola lodjipa wiso wayi wa nsɔsɔlɔ kimá Bible. L’edjena kɛ nangha nghɔsɔ, nde ntɔlɔmbaka dj’iso nshishima nsɔsɔlɔ kɛkɔ má nkamba l’ɛkɔpa kɛso koko ape ndawɛkɛ lá nkakanyi yɛso. (Ɔrɔma 12:1) Nde nkɔpaka dj’iso ndjewa la nkɔpa má nkambaka ‘la yimba yɛso inkfumɔ’, edjinge atɔlɔmba dj’iso nshikikɛ nsɔsɔlɔ kekaso má Bible.​—Mateo 22:37, 38; Elemo 17:11.

Ongolo yaye mampe?

 Bible ntepelaka ante ongolo yaye nde me ontonyi wɔ Ndjambe, Satana Djabolo, kanga Bible etande ante ‘papa k’ongolo.’ (Djɔanɛ 8:44) Nde atepelaka ongolo wɔ ntondo le anto lá nkambo djɛ Ndjambe. (Ewangelo 3:1-6, 13, 17-19; 5:5) Ngo masɔ, Satana akindjɛ ngo ntepela ongolo edjinge isa nsɔsɔlɔ kɛ Ndjambe.​—Ndjiso 12:9.

Lamo ongolo yombotshanghana lɔɔko kɛnɛ?

 Lá etsho wɛso wɛnɛ, wɛ Bible etande ante ‘etsho w’ekomo,’ wayi wa lodjimbo wa Satana wambofula lombombe l’andja. (2 Timɔte 3:1, 13) Ongolo woheta lá efula kɛ ntolo lɔɔko kɛnɛ. Etengo Bible ndalake lá etsho wɛso wɛnɛ, anto ‘wangohona wetsha djɛ ndashimelaka akambo wasasangɛ eloko wɛwɔ,’ wangɔsɔna djɛ ’ndjipa atoyi wawɔ dj’ipa ndjoka akambo wa nsɔsɔlɔ.’​—2 Timɔte 4:3, 4.

Lamo nsɔsɔlɔ oyɛwɔ djonyi?

 Nsɔsɔlɔ mpikaka edje wɛ djawo l’antenyɛ anto yɔmɛlɛ. Ntsha djawo lako, djokanelo edjinge olonghanyelo ntshitanaka. Bible ntepelaka ante Ndjambe nkɔpaka djɛ ɔtɛmwɛlɔ wɔso mpikama lá nsɔsɔlɔ. Ntepelaka ante: ‘Antɛmɔdji [Ndjambe] ladjɛ ndɔtɛmɔla lá nyuma edjinge lá nsɔsɔlɔ.’ (Djɔanɛ 4:24) Djɛ ndjewa wopo wɔ nsɔsɔlɔ kemá Bible okokawɔ nkokotshɛ djɛ ndjisola etolo k’ongolo edjinge mposa m’eteyi, wala ɔnɔnghɔ wɔ wamba wolekɔ́ l’ɔtɛ wɛ djoyi: “Wetshelo wa kashi wakonya anto dia mfɔnya ɔnɛ Nzambi hakoke nangema.”

Lamo Ndjambe ɔkɔpande djɛ lime ndjewa nsɔsɔlɔ?

 Ndjambe nkɔpaka djɛ wɛ mba lowiko, edjinge wɛ ladjɛ ndjeka nsɔsɔlɔ djɛ nangha nghɔsɔ. (1 Timɔte 2:4) Ntsha eka ɛlɛmbɛ wa Ndjambe wa wɔlɔ la wapɔlɔ edjinge mbika l’ɛlɛmbɛ wɛkɔ, ongoyala la djokanelo djɛ wɔlɔ. (Yeembo 15:1, 2) Djɛ nkotshɛ́ anto dj’iwɔ ndjewa nsɔsɔlɔ, Ndjambe atomaka Yeso lá looko. Ndjambe nkɔpaka dj’iso ndjekameyɛ elakanyelo wɛ Yeso.​—Mateo 17:5; Djɔanɛ 18:37.

Ndjambe angimɛ ongolo lotshinda?

 Ee. Ndjambe ntonaka winá wɔ anto odjimbawɔ winawɔ. Nde alakaka djɛ anto wakindjɛ ntepela ongolo wapangokita looko. (Yeembo 5:6) Winá wɔ Ndjambe onanghande nghɔsɔ, nde nkotshɛka alaka wande: ‘Ntɔmbɔ djetepelaka nsɔsɔlɔ djengotshikala lotshinda.’​—Woongo 12:19.