Tɛna ente anto nsuke la miliyara 5 wangolenda bale djɛ FIFA djetaema l’andja w’ontondo ntateyɛ má Ngɔndɔ kɛ djomi l’ɔmɔ 20 tá Ngɔndɔ kɛ djomi l’ape 18, 2022. Anto efula nkanelaka ambɔ etombo wɛnghɔnɛ wenangha djɛ anto ndawoka l’osanga winá w’olendawɔ bale.

•   Nelson Mandela, president kɛ Afrique du Sud atepelaka ante: “Etembo wɛ bale welekɔ la nkfulu kɛ ntshikitanyɛ andja. Welekɔ la nkfulu kɛ nsasangɛ eleko. Welekɔ la nkfulu kɛ nsanghanyɛ anto tá ɛtɔyi kɛ mboka kɛmɔtshi.”

•   Gianni Infantino, president kɛ FIFA a atepelaka ante: “Etombo wɛ bale . . . nsanghanyɛka anto, ndapɛyɛka nkongi, ndaapɛyɛka osasa, nanghaka dj’ente wayale la mposɛ kɛ nangha nkambo mɔtshi, nanghaka dj’iwɔ nyɛnyɛna ngandji, edjinge wɛnyi ambɔ yankfumɔ walekɔ la tokanyi tɔ wopo ɔmɔ.”

 Etombo wɛ bale djel’andja w’otondo kana etombo enkina enkfumɔ, wengokoka nkotshɛ́ anto lá ekoma wɛwɔ? Tolekɔ la nkongi ente lofu lɔmɔtshi tongoyala nsɔsɔlɔ la vu edjinge l’osanga?

 Anto wambotepela efula lá etombo wɛ bale w’ɔnɔnyi wɔnɛ. Etombo wɛkɔ wembonangha djɛ anto ndeka ntepela akambo walendana la lowiko, akambo wa pɔlitikɛ walendana la lotshungɔ l’anto, nkambo djɛ nsɔna mposo la akambo ankina.

 Kaanga oyɛwɔ nghɔsɔ, anto efula nkɔpaka ndenda wa fɛtɛ y’etombo yesanghanyɛka ewila efula, ndjɔmbɔmba ettombo bale wel’andja w’otondo. Koko, djɛ ntshikitana la wopo w’anto okanelawɔ, etombo wɛsɔ wapananghaka djɛ anto ndjala l’osasa wɔ nsɔsɔlɔ. Ntshende, oposɛkawɔ ngo akambo watshindaká djɛ anto nkapwana la nanghedji djɛ Bible otepelande ante angɛnyɛ djɛ tombokoma lá eleko k’etawɔ ambɔ ‘etsho w’ekomo.’—2 Timɔte 3:1-5.

 Bible dekɔ nkongi djɛ nsɔsɔlɔ djɛ andja ndjala l’osanga. Ntolakaka ante anto ankfumɔ lanɛ lá looko wangoyala l’osanga lánse k’ɛlɔndjɛlɔ kɛ onkfumi ɔmɔtshi wel’olongo w’etawɔ ‘Onkfumi wɔ Ndjambe.’—Luka 4:43; Mateo 6:10.

 Nkfumi k’Onkfumi wɔkɔ, Yeso Kristo, angonangha djɛ vu ndjala lá looko l’otondo. Bible ntepelaka ante:

•   ‘Onto wɔ sii angɔmɔngha etengo wilo wa bango, edjing vu djengoyala efula.’—Yeembo 72:7.

•   ‘Angowikɛ kanga ɔmvɔ lolela djɛ mpona okotshɔ . . . Angowikɛ mbiko yɛwɔ má ndjolo la má wayi wa lopango.’—Yeembo 72:12, 14.

 Kaanga lɔɔko kɛnɛ, elakanyelo wɛ Yeso wenangha djɛ wa miliyɔ y’anto l’ewila 239 ndjala l’osanga. Iwɔ wekaka wopo wɔ ntshika lotono lɔ winawɔ. Djɛ ndjewa akambo ankina efula, wala ɔnɔnghɔ wɔ wamba walekɔ́ l’ɔtɛ wɔ djoyi: “Sho koka mbidja lohetsho otshumba.”