Isankfumɔ tolekɔ la djonyi djɛ washi djɛ mbika. Koko “lá looko l’otondo osambo wɔ washi wotetela ngo mfula,” ete ngo secretaire général kɛ ONU António Guterres ndewoyɛ, “topomana l’akambo wa nkekete walendana l’osambo wɔ washi.” Miliyara y’anto yɛ lá looko l’otondo wapalekɔ la washi wa wɔlɔ wa piyɔɔ.

 Isankfumɔ tongowa washi wa wɔlɔ lofu lɔmɔtshi? Kana iso tongoyalaka winá enkfumɔ ngo l’osambo wɔ washi wa wɔlɔ? Bible otepelande mo lá nkambo djɛsɔ?

Kɛnɛ ketolaka Bible lá nkambo djɛ owayelo wɔ washi

 Bible ntepelaka ante topangosamba washi lofu lɔmɔtshi. Nkambo djɛ nsɔsɔlɔ nde, washi wa wɔlɔ la wa ntshitshi duu wangoyala efula.

 ‘Washi wangokfukɔ kfukɔ l’osowe wɔ lɔsɛkɛ, edjinge tɔkɔkɔ tɔngɔkɛla l’osowe wɔ papoo papoo. Looko lonkawo longokadjimɔ odjiya wombolola kfu la ansɔsɔmbɔ, la looko lopalekɔ́ la washi, edjiya wɛ washi.’​—Izaya 35:6, 7.

 Lamo okokaso ndjawola kɛnɛ kelaka Bible? Tokolenda kɛnɛ kɛ Bible otepelande lá yopo yɛ lotshimola lá nkambo djɛ wopo wɔ looko lɔso lɔnɛ yatongama.

Kɛnɛ kɛ Bible otepelande lá nkambo djɛ looko la dj’otshimbelo wɔ washi

 ‘[Ndjambe] atatonga [looko] etongatonga, koko otongaka djɛ anto nyintasɛ.’​—Izaya 45:18.

 ‘[Ndjambe] nsepaka alɔyi wa washi; iwɔ ntshumanaka djɛ ndjala mvula má bonge djɛnde; makɔ awonde ndakfɛyɛka, wangɔkfɔke ete ngo mvula le anto.’​—Djɔbɔ 36:27, 28.

 ‘Langhɔnyɔtɔngɛyɛ amvula lá winá w’okaka, ko looko longoposɛ nkete edjinge etamba w’awedji wɛngɔtɔ mbambo yɛwɔ.’​—Lew. 26:4.

 Ndjambe alakaka djɛ nsakola nkokolo dj’ase Isariyɛlɛ, owila woyapɛyɛki lá wayi w’awedji, la mvukelo djɛ wɔlɔ dj’apɛyɛki winá enkfumɔ washi. Nde ndjewaka ante djɛ nkete mposa wɔlɔ ngo mvula yɛ wɔlɔ ntɔnga.

 Kɛnɛ kɛ Ndjambe ndananghe lá Isariyɛlɛ yɛ ntondo, onanghela anto lako ilá lá looko l’onkfumɔ. (Izaya 30:23) Koko, lá ewila efula welá looko, osambo wɔ washi wotetela ngo mfula edjinge wopo w’amvula yopatɔngɛ alekɔ ikɔkɔ y’ekakasano. Bible otepelande mo lá nkambo djelendana l’ekakasano wɛ washi lɔɔko kɛnɛ?

Wopo wɔ osambo wɔ washi yongoshiya

 Bible nyɛnyɛka ante má lotshimbo lɔ Onkfumi wɔ Ndjambe, nde angosiyɛ ekakasano wɛso welá looko, ndjila edjinge osambo wɔ washi. (Mateo 6:9, 10) Onkfumi wɔ Ndjambe oyɛwɔ nde lowandji lɔ l’olongo lɔngɔlɔndjɛ looko. (Danyɛlɛ 2:44; Ndjiso 11:15) Lá djiko djɛ lasɔ, Onkfumi wɔ Ndjambe wongonangha kɛnɛ kɛ guvɛrnɛma djɛ wana w’anto yopakoke nangha: wongimɛ ekakasano enkfumɔ walendana l’osambo wɔ washi.

 Okakasano: Otshikitanelo wɔ deko ntshikitanyɛka otshimbelo wɔ washi. Ambalaka yɛ má nkambo djɛsɔ nde, ɔhɔ wɔ wolo womɛ washi, dola djɛ nkekete ayale má amvula kana má andjale yɔmɛlɛ.

 Nkando: Onkfumi wɔ Ndjambe wɔkɔpa ndɔngɔsɔla wayi wa pɔlɔ wamboyakala andja apɔlɔ wanɛ djɛ looko lɔso nkalɔ ndjala wopo wɔ yayalaka ntondo. Ndjambe alakaka ante: ‘Lenda! Lemi lonangha nkete nkfumɔ bango.’ (Ndjiso 21:5) Looko lɔ lɔsɛkɛ longolola kfu la washi, lɔngɔwɔngɛ mbiko kaanga lá ndjena djɛ winá wɔsɔ anto wapakoke nyintasɛ. (Izaya 41:17-20) Onkfumi wɔ Ndjambe wolekɔ l’akatshi wa Yeso Kristo kaanga lɔngɔkɔmɛ la lolembetela nkfulu kelekɔ́ la ntonghami djelá looko.

 Okakasano: Anto wapakanela lá ekakasano weyɛ má nanghedji djɛwɔ la asosiete yɛ nkaki ntshitaka andjale, weembo edjinge ndjena djɛ l’anse kɛ looko dj’owombawɔ washi, kɛnɛ keleka nsambɛ anto washi wa wɔlɔ.

 Nkando: Ndjambe angɛdjɛ looko, andjale, ndoshi, weembo edjinge looko. Looko longokadjimɔ paradiso. L’etepela ɛmɔtshi wɛ yeembo, Bible ntepelaka ante: ‘Osowe wɔ lɔsɛkɛ wongoyala la osasa edjinge osowe wɔ papoo papoo wongosasanga ete ngo ansoso wa safra.’​—Izaya 35:1.

 Okakasano: Anto walekɔ nkamba lá wopo wɔ nyɛtshi efula la tɔkɔkɔ tɔ washi, edjinge djena djeposa washi dj’oma lankeke lankeke.

 Nkando: Mpeyi la Onkfumi, ɛkɔpa kɛ Ndjambe ape kɛ anto wa lokaki, ‘keyale . . . lá looko.’ (Mateo 6:9, 10) Onkfumi wɔ Ndjambe wɔngɔpɛyɛ anto ɛtshɔkɔ wɛ ndjeka akambo wa wɔlɔ. Izaya 11:9 ntepelaka ante: ‘Looko longolola kfu la balo djɛ Yehova.’ a Má mba balo djelá djiko, la ngandji k’efula kɛ me Ndjambe edjinge la nanghedji djɛnde nkfumɔ, anto wangɔlɔngɔsɔla looko ayale kaanga lá looko lɔso kana ntongami djɛnde.

•    Djɛ ndjisola akambo ankina efula wangonangha Onkfumi wɔ Ndjambe, lenda djamba: ‘Que fera le royaume de Dieu ?’

•    Tshɔka tá onkanda wɔ Bible wɔ Izaya, shapitrɛ 35, djɛ nyɛna wopo wɔ looko yongokadjimɔ paradiso.

•    Lenda video: Lande na kakatonge Nzambi nkɛtɛ? djɛ ndjewa akambo ankina efula lá nkambo djɛ akano wa Ndjambe walendana la looko edjinge l’anto.