Bible ntepelaka djɛ Armagɛdɔ, ape ete ngo mbandji kengonanema l’etatshi kɛmɔtshi kɛ looko, koko oyɛwɔ nde mbandji kɛ andja w’otondo kɛ Ndjambe ndongonana nya waguvɛrnɛma inkfumɔ yɛ wana w’anto.

•   ‘Topela toyɛ me ɛdjɛngɛ . . . wengotshɔ te nkfumi yɛ nkanga yɛ lá looko l’otondo djɛ ndásanghanyɛ dj’iwɔ ndonana mbandji kɛ lofu l’ekekete lɔ Kanga-Nkfulu-Inkfumɔ. . . . Ko wasanghanyɛka l’edjena k’etawɔ lá Hebero ambɔ Armagɛdɔ.’​—Ndjiso 16:14, 16.

 Itepela ‘Armagɛdɔ’ ndjɛ má otepela wɔ Hebero Har Meghid·dohnʹ, isakisolá ‘onkókó wɔ Megiddo.’ Megiddo oyɛwɔ nde ngando kɛmɔtshi kɛ l’Isariyɛlɛ yɛ ntondo. L’ɔtɛ w’elonga kɛsɔ, anto amɔtshi wangokanelake ambɔ mbandji k’armagɛdɔ kengonanema má Isariyɛlɛ. Koko, ayale onkoko wɔ Megiddo kana etatshi kɛmɔtshi kɛ ase Moyen-Orient kepalekɔ ekekete djɛ nsanghanyɛ “ankfumi yɛ nkanga inkfumɔ yelá looko l’otondo” ole angala wawɔ.

 Onkanda wɔ Ndjiso wofunamaka ‘lá tolembetelo’ kana l’etepela wɛ djingingi. (Ndjiso 1:1) Armagɛdɔ, wapalekɔ edjena kɛ nsɔsɔlɔ, koko nkambo djelendana l’andja w’otondo djɛ ewila enkfumɔ yongosanghana mbala k’ekomo djɛ nana la ɛlɔndjɛlɔ kɛ Ndjambe.​—Ndjiso 19:11-16, 19-21.