NYOWADJƐKE!
Wayi wa lopango wanaghá ase pɔlitikɛ—Kɛkɔnge kɛ Bible otepelande?
Wayi wa lopango w’ase pɔlitikɛ wananghema lá lɛdji l’efula l’andja w’otondo.
Lá Mexique, wayakaka anto 39 wilisá dongi lá pɔlitikɛ, nkambo djɛsɔ ndjila edjinge akambo ankina wa lopango w’ase pɔlitikɛ onanghawɔ waposɛka ovunghusano lá vɔtɛ djɛ 2023-2024.
Atahete ilá, akambo wa lopango efula wananghemaka me ase pɔlitikɛ ndjila ole wopo wɔ yakɔpɛ ndjaka ministrɛ wɔ ntondo lá Slovaquie Ngɔndɔ k’atano 15, 2024 lá Europe.
Ase États-Unis wayalaka l’okiyano efula winá wɔ yahone ndjaka presida
Ladjikɛnge wayi wa lopango w’ase pɔlitikɛ yomboleka efula nghɔsɔ? Wayi wakɔ wangoshila lofu lɔmɔtshi? Bible otepelande ante nge?
Bible ewoyɛka djɛ wayi wa pɔlitikɛ wangokapola anto
Bible ewoyɛka djɛ l’etsho wɛso wɛnɛ, etsho w’etande ante ‘etsho w’ekomo,’ anto efula wangoyala la nanghedji mposɛ́ wayi wa lopango edjinge ntshamba djɛ djokanelo.
‘L’etsho w’ekomo, ntena djɛ ndjolo djɛ wolo nkfulumeyɛ ngoyala. Ladjikɛnde anto. . . . wangoyala la ntshamba djɛ djedjɛ, wapangoyala la nkɔmano, . . .wangoyala la ntshamba djɛ djokanelo, . . . enkonda, . . . ankampi, ɛtɛ welo, lotamanyɛ.’—2 Timɔte 3:1-4.
Bible ewoyɛka lonkina ante akambo w’ente ngo ɔtɔmbɔkɛlɔ la evunghusano wɛ wayi wa pɔlitikɛ wangoyala ilembetelo y’eleko k’owikaso kɛnɛ. (Luka 21:9, nɔtɛ) Koko, wayi wa lopango w’ase pɔlitikɛ edjinge djatɔnelo wapangotshikala lotshinda lotshinda.
Ekomo kɛ wayi wa lopango w’ase pɔlitikɛ
Bible mpakisolaka ante Ndjambe angokitshanyɛ enkfumi enkfumɔ wɛ wana w’anto la Onkfumi wɔnde wɔ l’olongo.
‘Ndjambe kɛ l’olongo angoposɛ onkfumi . . . wongotshitá enkfumi [enkina] enkfumɔ la wongaashiyɛ pɛ, ko ngo wɔkɔ toko ndeke longotshikala lotshinda lotshinda.’—Danyɛlɛ 2:44.
Nsɔsɔlɔ Onkfumi wɔ Ndjambe wongonangha dj’anto ndjala iwoke imɔ la wongila vu l’andja w’otondo.
Bible ndjetaka Yeso Kristo, Nkfumi k’Onkfumi wɔkɔ ante ‘Owandji wɔ Vu,’ edjinge nde angonangha djɛ ‘vu ndjala ipa l’ekomo.’—Izaya 9:6, 7.
Kaanga má winá wɔsɔ, anto walɔndjama má Onkfumi wɔsɔ weka wopo wɔ ndjala la vu l’anto ankina. Eposelo welekɔ la nkambo djɛsɔ nde, Bible atepela ante: ‘Iwɔ wangotshula nkfula yɛwɔ ndjongo edjinge akɔnga wawɔ tɔsɔlɔ topawɔ ndɛngɛ. Owila ɔmɔtshi wopangɔwɛmbɛla owila onkina lokfula lɔ mbandji edjinge iwɔ wapangeka mbandji lonkina.’—Izaya 2:3, 4.
Djɛ ndjewa akambo ankina, wala djamba “Que fera le royaume de Dieu ?” edjinge lenda video Diolelo diaki Nzambi kɛdikɛdi na?
Isola lonkina
NYOWADJƐKE!
Anto wapilela ase pɔlitikɛ oloko lonkina—Kɛkɔnge kɛ Bible otepelande?
Bible ntɛnyɛka dj’iso mbadjɛ le anto woyawɛkɛso edjinge ntɛnyɛ ɛtɔyi kɛ nkando kɛ wɔlɔ kel’andja wa wɔlɔ wayaye.
NYOWADJƐKE!
Lamo wayi wa pɔlitikɛ okapolawɔ anto?—Bible otepelande nge?
Akambo wa pɔlitikɛ wayakala ntshamba djɛ djokanelo l’andja w’otondo. Bible atolaka nkando, owandji ɔmɔtshi angɔlɔndjɛ angokoka ndjokanyɛ anto ankfumɔ.
