Lá nkilika olonghanyelo wel’andja w’otondo wolendana la alemba w’anto, ntepela ente Organization Mondial de la santé (OMS), má bango dj’opela wɔnɛ tii lá Ngɔndɔ k’atano 23, 2022, anto miliyɔ 6.27 wavɔka l’opela wɔ COVID-19. Koko, lá jurnalɛ imɔtshi yɛ bango yeposisá Ngɔndɔ k’atano 5, 2022, ase OMS watepela ambɔ lofulo lɔ waavwisá lolekaka lasɔ otalee. Watepelaka ambɔ l’ɔnɔyi wɔ 2020 edjinge 2021, “anto ankfumɔ wavwisá ayale m’opela kana m’ekakasano enkina weyisá m’opela wɔ COVID-19 . . . ayalaka nsuke la miliyɔ 14.9.” Bible tepelaka nkambo mɔtshi lá kɛnɛ kelendana l’akambo wa yɛnyi efula wa nghɔsɔ?

•    Yeso atepelaka epela kana ‘elando wɛ nkekete,’ wengoyala lá deko dj’etewɔ ambɔ “etsho w’ekomo.”—Luka 21:11, Contemporary English Version; 2 Timɔte 3:1.

 Prɔfɛsi kɛ Yeso kɛsɔ kekotshama lɔɔko kɛnɛ. Djɛ ndjewa akambo ankina efula lá nkambo djɛsɔ, wala djamba djelekɔ́ l’ɔtɛ wɔ djoyi ante “Akambo wakɔnge wɛnyɛ ente towika ‘l’etsho w’ekomo,’ kana lá ‘deko dj’ekomo’?“ (lá Otetela)

•    ‘Ndjambe k’ekembelo kenkfumɔ . . . tokembɛka lá ndjolo yɛso inkfumɔ.’—2 Kɔrɛtɔ 1:3, 4.

 Efula k’anto wambovusɛka onto wɔwɔ ɔmɔtshi wɔ ngandji wambowaka lokembo má losango lɔ Bible. Lenda akambo ankina lá djamba djélekɔ lɔtɛ wɔ djoyi ante: ‘Kɛnɛ k’okokɛ nangha etsho wɛnɛ—Djɛ ndongela yɛnyi’ edjinge ‘Okotshɔ woleká wɔlɔ le waalekɔ́ la yɛnyi.’ (lá Otetela)

•    ‘Onkfumi wɔkɔ woye. Ɛkɔpa kɛko kenangheme lá looko etengo onanghemawɔ l’olongo.’—Mateo 6:10.

 Lako ilá ‘Onkfumi wɔ Ndjambe’ wonghonangha dj’ipa ‘kaanga onto ɔmɔ wongintasɛ l’eteyi ntpepela ante: ‘ndekɔ l’olando.’” (Marko 1:14, 15; Izaya 33:24) Lenda video djelekɔ́ l’ɔtɛ wɔ djoyi ante: Oye Onkfumi wɔ Ndjambe? (lá Otetela) djɛ ndjewa akambo efula lá nkambo dj’Onkfumi wel’olongo wɔsɔ edjinge akambo wa Onkfumi wɔkɔ yongonangha.

 Tombɔkɔlɔmba djɛ wɛ ndjeka djɛ ndjewa akambo ankina efula wa Bible otepelande djɛ wɛ la nkfumbo kɛko mba wapɔ má alako wande wa balo edjinge má alaka wa Ndjambe walekɔ l’eteyi.