“Kaanga opela COVID-19 yopoyakala anto wel’andja w’otondo ambalaka l’alemba, totakanelake ente womboshila. Tewe ente winá wongoyɛ opela onkina wɔ lɛdji lɔkɔ lɔmɔ lá looko l’otondo, iso ladjɛ ndalɔngɔsɔla djɛ nkambo djɛsɔ.”​—Dr. Tedros Adhanom Ghebreyesus, Directeur général de l’Organisation mondiale de la santé, Ngɔndɔ k’atano 22, 2023.

 Efula k’anto lɔɔko kɛnɛ wakindjɛ nyɛna ndjolo lá demba la lá tiimba m’ɔtɛ wɔ nkambo djɛ opela wɔ nyɛtshi wɔ COVID-19. Wa guvɛrnɛma la elonghanyelo welenda wayi wa demba wangoyala l’akoka wa nana l’opela ɔmɔtshi wongoyɛ́ edjinge wakoka ntokotshɛ́ lá wopo wɔ wɔlɔ?

 Bible ntepelaka djɛ guvɛrnɛma mɔtshi dekɔ djengoshiyɛ ekakasano enkfumɔ welendana la demba. Djetepela ante: ‘Ndjambe kɛ l’olongo angoposɛ onkfumi,’ kana lowandji. (Danyɛlɛ 2:44) L’anse kɛ guvɛrnɛma djɛkɔ, ‘lako onto wintasɛ l’eteyi wongotepela ante: ‘Lemi ndekɔ l’olando.’ (Izaya 33:24) Onto onkfumɔ angoyala la demba djɛ wɔlɔ la angokawoyɛ wolo wɔnde wɔ m’ɔlɛngɛ.​—Djɔbɔ 33:25.