Lá todjena efula lá looko, anto efula w’ɛna ndjolo la dola djetshita looko. Ndjɔmbɔmba, lenda alapɔlɔ wanɛ:

•   “Lá etsho wemboheta, ntateyɛ má lofu lɔ mpɔsɔ tii l’asato, lá ngando kɛ owila wɔ Chine, amvula yɛ nkekete yeposɛka dola djɛ nkekete lá lɛdji lɔ washi mpanda tii tá lɛdji lɔ . . . 744.8 milimètres. Ɔsɔ ayalaka amvula yɛ nkekete yetatɔngaka kaanga lofu l’ilá k’ɛnɔnyi etengo 140 wemboheta.”​—AP News, 02/08/2023.

•   “Lompopo l’ekekete l’etawɔ Typhon Khanun lɔtɔngɛka amvula yeyalaki la mpoye yɛ nkekete yɛ lofu l’ontondo lɔ lofu l’asato tii lofu l’anɛyi lá sud kɛ Japon, edjinge anto ape wavɔka. . . . Ɛnama ente lompopo lɔkɔ lɔngɔtɔngɛ amvula yɛ nkekete efula yengotshanghanyɛ washi lá looko etengo milimètres 600 lá Taïwan.”—Deutsche Welle, 03/08/2023.

•   “Dola djenanghemisá lofu l’akfuka wa lɔkɛndɔ [lá Nouvelle-Écosse] yaposende má amvula yɛ nkekete itɔngisá lá wopo wɔ yɔtɛnaka ntondo lá onkoko wɔ atlatique kelá Canada lá ɛnɔnyi 50 wemboheta wɛnɛ.”​—BBC News, 24/07/2023.

 Kekɔnge kɛ Bible otepelande lá kɛnɛ kelendana l’akambo wa dola?

 Bible ntɛnyɛka ante towika l’etsho w’etawɔ ambɔ: “etsho w’ekomo.” (2 Timɔte 3:1) Yeso ewoyɛka ante, l’eleko kɛsɔ, tɔngɛna ‘akambo wa wɔma lombombe.’ (Luka 21:11) Otshikitano wɔ deko alekɔ etenyi kɛmɔtshi k’ekekete kelendana la wayi wa deko wapɛyɛ wɔma winá enkfumɔ, mbala efula edjinge mbala la mbala.

 Bible ntewoyɛka ante akambo efula wa wɔma wananghema lɔɔko lá looko wapakoke ntokɛ wɔma, koko koka ntɔpɛyɛ nkongi. Ladjikɛnge ? Yeso atepelaka ante: ‘Winá wɔ nyɔnghɛna akambo wanɛ wamboposa ntshɛkɛ, nyewe ente Onkfumi wɔ Ndjambe womboyala entshupa.’​—Luka 21:31; Mateo 24:3.

 Akambo waheta l’andja w’ɛnyɛ ente lako ilá Onkfumi wɔ Ndjambe wangapemela nkete djɛ Ndjambe ndombonangha, ndjɔmbɔmba washi.​—Djɔbɔ 36:27, 28; Yeembo 107:29.

 Djɛ ndjewa akambo ankina lombombe wa wopo wɔ Onkfumi wɔ Ndjambe yɔngɔlɔngɔsɔla looko, lenda djamba: “Qui sauvera la terre?”