Bible otepelande mo lá nkambo djɛ osambo wɔ nkete djɛ ndɛ wɔmbɛnyɛ andja w’otondo ndjolo?
“Ndjala djelo.” Má etepela wɛsɔ ndeke, ewandji wel’andja w’otondo yomboyawilela okoma má ekakasano wekomela anto, ambɔ lako onto wongovɔ la ndjala lonkina lá looko. a Koko wangolonga djɛ nshiyɛ ndjala lofu lɔmɔtshi? Bible otepelande ante mo lá nkambo djɛsɔ?
Bible ewoyɛka ndjala kelekɔ́ l’andja wa lɔɔko kɛnɛ
Bible djewoyɛka ante ndjala kengoyala l’etsho wɛso wɛnɛ, etsho w’etande ante ‘etsho w’ekomo.’ (2 Timɔte 3:1) Ndjambe apalekɔ ikɔkɔ yɛ ndjala, koko nde atewolaka ante kengoyala. (Djakɔbɔ 1:13) Tolende prɔfɛsi ipe yɛ Bible ndatepela.
‘Ndjala yɛ nkasa ingoyala . . . lá djena la djena.’ (Mateo 24:7) Prɔfɛsi yelá Bible yewoyɛka djɛ ndjala yɛ nkasa yengoyala lá ewila efula. Kɛsɔ osakisolande nge, lɔpɔlɔ lɔmɔtshi lɔ bango l’ewoyɛka nghɔnɛ: “Andja wambotshutshɛ ntatshi djɛ looko djɛ mba mbamba kɛ nshiyɛ ndjala, djɛ nama nkete djɛ ndjɛ edjinge lá olelo wɔ pɔlɔ wɔlɛ anto.” b Lá ewila djomi, nunu djɛ anto wapalekɔ la mbamba kɛ mba olelo w’oyɛwɔ la djonyi djɛ ndɛ. Nkambo djɛ yɛnyi nde, anto efula l’anteyi kɛwɔ wavɔ.
“Nyolende! mpunda kɛ tshulu, edjinge kanga lombapemisá akotaka kilo.” (Ndjiso 6:5) Lá prɔfɛsi kɛnɛ, mpunda edjinge kanga l’apemisá osakisolawɔ nde ndjala l’etsho w’ekomo. c Kanga lapemisá akotaka kilo kɛ ndjɛndjɛ nkete lá lɔwɔ. Lá winá wɔ ndotalote, djoyi mɔtshi ntepela ate oshinga wɔ nkete wongohanda lombombe edjinge alɔmba anto dj’ipa ntshita nkete deka ntshina. (Ndjiso 6:6) Kɛsɔ ɛnyɛwɔ ngo osambo wɔ nkete djɛ ndɛ wɔ lɔɔko kɛnɛ kana nunu dj’anto wapa koke kaanga nsomba olelo wɔ wɔlɔ ladjikɛnde oshinga womboleka efula.
Wopo wɔ ndjala yongoshila
Andjewi wa wayi ambɔ, looko lɔso mposɛka nkete djɛ ndɛ djɛlɔmbama djɛ ndesɛ anto ankfumɔ. Iya, akambo wakɔnge waposɛ ndjala? Edjinge lá nkilika Bible, Ontongi wɔso, Yehova, d oyɛnde ladjɛ nangha nge djɛ nyomɛ ikɔkɔ yɛ nkambo djɛsɔ?
Nkambo: Aguvɛrnɛma wapakoke nshiyɛ ɔmvɔ edjinge ntshamba djɛ olelo wɔ wopo wɔk’ɔmɔ, woposɛ ndjala.
Nkando: Aguvɛrnɛma wa wana w’anto wapalekɔ djɔ wangɔhɛnama má guvɛrnɛma mɔtshi djɛ djɔ, Onkfumi wɔ Ndjambe. (Danyele 2:44; Mateo 6:10) Lɔɔko kɛnɛ, alekɔ itondo yɛ mbalaka l’efula kɛ ase ɛmvɔ djɛ ntana kaanga ekete kɛ ndɛ, koko l’Onkfumi wɔ Ndjambe, akambo wangotshikitana. Bible ntepelaka lá nkambo djɛ Yeso Kristo, Nkfumi k’Onkfumi wɔ Ndjambe ate: ‘Nde angowikɛ ase ɛmvɔ woweta djɛ ndaakotshɛ, ko ndɛngɛ ole onto onkfumɔ wopalekɔ l’onto w’okotshɛ. . . . Mbambo ingoyala tshanghana tshanghana lá looko, lá tɔsɔdji t’enkoko nkete ngoya efula.”—Yeembo 72:12, 16.
Nkambo: Ambandji yeposɛ andjala, yeshimba okapanyelo wɔ nkete.
Nkando: ‘[Yehova] angokomɛ ambandji lá looko lotondo. Nde angɔwɛngɛ ota la angongola nkɔnga; angotshita pusupusu yɛ mbandji l’iyɛ.’ (Yeembo 46:9) Ndjambe angotshita angala wá mbandji edjinge walekɔ l’odjito w’akambo w’ambandji. Djɛko ndeke, anto ankfumɔ wangokoka mba olelo mbala kɛkɔ kɛmɔ edjinge la vu. Bible ndakaka ate: ‘Anto wa sii wangofula efula, edjinge vu ngoyala efula.’—Yeembo 72:7.
Nkambo: Ekakasano weyɛ má taane tɔ wolo edjinge ndjolo yeyɛ má nkete djetongamisá djetshita deko la nkfumbo.
Nkando: Ndjambe alekɔ la nkfulu lá djiko djɛ nkete djetongamisá lá yopo yɛ wɔlɔ lá nkambo dj’oposelo wɔ nkete djɛ ndɛ. Bible ntepelaka ante: ‘[Yehova] mvumbɛka mpoye; anyɛnghu wa ndjale yɛ nkekete. . . . Nde ntshikitanyɛka lɔsɛnga la odjiya wombodjingama l’asɔsɔmbɔ edjinge looko l’onkawo la ikɔkɔ yɛ loshi. Nde nyitasɛka ase ndjala . . . Wangokonaka awedji la wangokonaka awedji wa vinyo, edjinge awedji wakɔ wangoposɛ mbambo efula yɛ mvuka.’—Yeembo 107:29, 35-37.
Nkambo: Anto wa lokaki la wa dongi mpe waposɛ nkete djepalekɔ́ wɔlɔ djɛ ndɛ kana wanangha dj’ipa nkete djɛkɔ djɛ ndɛ nkoma le waalekɔ́ la djonyi.
Nkando: Onkfumi wɔ Ndjambe wongimɛ anto ankfumɔ wapalekɔ́ sii la w’enkonda. (Yeembo 37:10, 11; Izaya 61:8) Bible ndjetaka Yehova Ndjambe ete ngo, ‘Kanga lopaka akambo wa anto yosandjaka, Kanga lɔpɛyɛka mampa le anto wayalaka la ndjala.’—Yeembo 146:7.
Nkambo: Ɔnɔnyi onkfumɔ l’andja w’otondo má nkete ntshato ekete kɛmɔ ketshitana kana djevunga.
Nkando: Má Onkfumi wɔ Ndjambe, bomba djɛ nkete djengokapanyema wɔlɔ efula. Winá wɔ ndayalaka lanɛ lá looko, Yeso ananghaka la wolo dj’ipa ntshita olelo otshita tshita. Ndjɔmbɔmba, lofu lɔmɔtshi, alesɛka anto 5 000 lá wopo wɔ nsese. M’ɔkɔngɔ, nde ashimelaka ambeki wande ante: ‘Nyɔtɔnghɔnɛ tofusa tombotshikala, dj’ipa nkete ntshitana nghotoko.’—Djɔanɛ 6:5-13.
Ladjikɛnde Onkfumi wɔ Ndjambe wongimɛ ndjala, anto ankfumɔ wangoyala l’osasa wɔ ndjalá la nkete djɛ ndɛ dj’efula, olelo wɔ piyɔɔ edjinge djɛ wɔlɔ. (Izaya 25:6) Djɛ ndjewa winá wɔkɔnge Onkfumi wɔ Ndjambe yongokotshɛ akambo wasɔ, lenda djamba: “Etena kakɔna kayolɛ Diolelo diaki Nzambi la nkɛtɛ?”
a Agenda 2030 de développement durable, adopté en 2015 par les États membres des Nations Unies.
b L’État de la sécurité alimentaire et de la nutrition dans le monde 2022, mposa me Fonds des Nations Unies pour l’enfance, le Fonds international de développement agricole, l’Organisation des Nations Unies pour l’alimentation et l’agriculture, l’Organisation mondiale de la santé et le Programme alimentaire mondial des Nations Unies.
c Djɛ ndjewa akambo ankina efula walendana l’ampunda inɛyi yel’onkanda wɔ Ndjiso, lenda djamba: “Ambahemi wa mfalasa anɛi—Waa na wewɔ?”
d Yehova nde djiina djɛ Ndjambe. (Yeembo 83:18) Lenda djamba: “Ele Jehowa?”
Isola lonkina
WAMBA ANKINA EFULA
Ekakasano wɛ wayi wa mfalanga wengoshiya lofu lɔmɔtshi?
Onkfumi ɔmɔtshi wolekɔ wokoka ndɔndjɛ wayi welá looko wɔlɔ wɔlɔ, nyimɛ ɔmvɔ edjinge ntshamba djɛ vu lotshinda lotshinda.
