Nsango yɛnyɛ asawo, ambalaka yeyɛ má lotono, oyakanelo l’antenyɛ tɔkɔlɛ edjinge yɛ ambandji.

•   “Kɛnama má mbandji kɛ l’antenyɛ Israyɛlɛ la Gaza, la tokanyi tɔ antɔmbɛki, wamba wa lotono w’opoposanyɛwɔ la wa rɛzo sosio.”​—The New York Times, Ngɔndɔ kɛ djomi l’ɔmɔ 15, 2023.

•   “Má Ngɔndɔ kɛ djomi 7, lotono lombokokanela l’andja w’otondo, etepela wɛ lotono edjinge oyakanelo wombokoma efula.”—Dennis Francis, président kɛ l’Assemblée générale des Nations Unies, Ngɔndɔ kɛ djomi l’ɔmɔ 3, 2023.

 Wamba wa lotono, oyakanelo, edjinge ambandji yembowangaka ape lɔɔko. Kaanga Bible ntepelaka djɛ anto amɔtshi wa l’etsho wɛ ntondo “[waposɛki] etepela ete ngo akfula”, wasukaka ambandji edjinge wayi wa lopango. (Yeembo 64:3; 120:7; 140:1) Koko Bible nyɛnyɛka djɛ lotono l’ɛnaso lɔɔko kɛnɛ l’andja lolekɔ la nsakiso.

 Bible nyɛnyɛka donga mpe djɛ lotono yomboyala efula lɔɔko kɛnɛ.

1.  1. Djewoyɛka eleko kɛmɔtshi kɛ winá wɔ ‘ngandji kɛ anto efula yɔngɔhɔla.’ (Mateo 24:12) Lá edjena kɛ nyɛnyɛ ngandji, anto efula wamboyala nde l’enanghedji kɛ lotono.​—2 Timɔte 3:1-5.

2.  2. Ete ngo lotono yotafule efula lɔɔko kɛnɛ, kɛsɔ k’ɛnyɛ ikanyi yɛpɔlɔ yɛ Satana Djabolo. Bible ntepelaka ante, ‘andja w’otondo walekɔ lá lɔwɔ lɔ onto wɔpɔlɔ.’​—1 Djɔanɛ 5:19; Ndjiso 12:9, 12.

 Koko, Bible ntepelaka ante lako ilá Ndjambe imɛ akambo ankfumɔ wamboposɛ lotono. Lá djiko dj’akambo wasɔ, angimɛ akambo ankfumɔ wapɔlɔ wa lotono ndomboposɛ. Bible alakaka ante:

•   Ndjambe ‘angodjola wisɔyi má wiso wawɔ ankfumɔ, ko nyɔyi kepangoyala lonkina, ntshaka mpangoyala lonkina, tɛɛndjɛ topangoyala lonkina edjinge ndjolo ipangoyala lonkina. Akambo wantondo wamboheta.”​—Ndjiso 21:4.