Akambo wa pɔlitikɛ wambokapola efula k’anto wel’andja w’otondo. Lá nkilika ehonelo welá 2022 me Pew Research Center, “pursa 65% yɛ dɛngɛ djɛ yopola djemá ewila 19 wakadjimolaka ambɔ ntshamba djɛ djokanelo djetaleke ngo ndeka lá ewila wɛwɔ l’anteyi kɛ wasuka eloyi wɛ pɔlitikɛ.”

 Lá edjena k’oyalɛ ɛna wopo wɔ wayi wa pɔlitikɛ okindjɛwɔ ndjatola anto? Lamo? Nkando kɛmɔtshi kelekɔ? Tokolenda kɛnɛ kɛ Bible otepelande.

 Bible alakaka ante l’etsho wɛso wɛnɛ, ntepela ente ‘etsho w’ekomo,’ efula k’anto wangoyala la nanghedji djengotshinda anto dj’ipa ndjokana.

•   ‘Lá etsho w’ekomo djena djɛ ndjolo la wolo nkfulumeyɛ djengoyala. Anto wangoyakɔpa, . . . wapangɔkɔpa ndjokana.’—2 Timɔte 3:1-3.

 Kaanga anto efula ilawɔ welo, enkfumi w’ɛna ndjolo ndɔndjɛ lá yopo yɛ wɔlɔ. Anto wapalekɔ́ la djokanelo walekɔ l’okakasano edjinge wapokana djɛ nkamba esanga djɛ nkandola ekakasano wel’andja. Lɔɔla loposa nde kɛnɛ kɛ Bible ndalake amboheta ɛnɔnyi efula.

•   ‘Onto ndɔndjɛka winande onto ngo djɛ ndɔɔwɛnyɛ ndjolo.’—Losanghanyɛ 8:9.

 Djɛkondeke, Bible atolaka nkando: Onkfumi ɔmɔtshi wɔngɔlɔndjɛma me onto ɔmɔtshi wongokoka nshiyɛ ekakasano w’ɛnyɛ anto ndjolo lɔɔko kɛnɛ.

 Bible ɛnyɛ owandji wolekɔ́ l’akoka: Yeso Kristo. Yeso alekɔ la nkfulu, la lowandji edjinge mposɛ kɛ ndjokanyɛ anto la ndjila vu lá djena nkfumɔ.

•   ‘Lá etsho wɛnde onto wɔ wɔlɔ angoyala etengo wilo wa bango, edjinge vu djengoyala efula.’—Yeembo 72:7.

•   ‘Ewila enkfumɔ wangookambela.’—Yeembo 72:11.

 Yeso alekɔ owandji wɔ wɔlɔ lombombe ladjikɛnde nde ntilaka yimba edjinge nkɔpaka nkotshɛ́ anto, pekapeka anto wa yombonanghela akambo la ntshamba djɛ sii.

•   ‘Nde angowikɛ kanga ɔmvɔ w’owitá djɛ mpona, edjinge ilɛngɛ la kanga lopalekɔ́ l’onto w’oseelá. Nde angoyala la djandji djɛ ilɛngɛ edjinge djɛ kanga ɔmvɔ ko angowikɛ lowiko lɔ kanga ɔmvɔ. Angowikɛ kanga ɔmvɔ má ndjolo la má wayi wa lopango.’—Yeembo 72:12-14.

 Eka akambo amɔtshi walendana l’Onkfumi wɔ Ndjambe, onkfumi wel’olongo wɔ Yeso ndongoyala nkumi. Isola wopo w’okokɛ mba ɛtshɔkɔ m’eteyi la w’okokɛ nsuka owandji wɔkɔ.

•   Lenda video Onkfumi wɔ Ndjambe osakisolawɔ nge? (lá OT)

•   Wala djamba: “Onkfumi wɔ Ndjambe—Lowandji lopalekɔ la bɔndjɔ.” (lá OT)