Le anto efula, ikanyi yɛ anto watshikitanyi ndjala wopo wɔk’ɔmɔ oyɛwɔ nde dɔ koko apalekɔ nkambo djekoka ndjala nsɔsɔlɔ.

•   António Guterres, sɛkrɛtɛrɛ général kɛ UN afunaka ante: “Lotono lɔ mposo y’alemba lotankindjɛ ntshita ankalasa, djokanelo dj’anto edjinge mbiko y’efula k’anto lá djena lombombe. Lokindjɛ ntɔla ngo dj’ipa iwɔ ndjokana.”

 Mposo inkfumɔ ingoyala la djokanelo lofu lɔmɔtshi? Kɛkɔnge kɛ Bible otepelande?

 Bible ntolakanyɛka wopo wɔ Ndjambe ɔsakande anto wa mposo itshikitanyi.

•   ‘[Ndjambe] me onto ɔmɔ ndeke ndatonge anto wel’ewila enkfumɔ dj’iwɔ nyintasɛ lá djiko djɛ looko.’—Elemo 17:26.

•   ‘Ndjambe apasɔnaka dongi, koko nde ndjawolaka onto onkfumɔ wowoka wɔma edjinge wonangha kɛnɛ kelekɔ́ sii, kaanga oyɛnde mampe.’—Elemo 10:34, 35.

 Bible ntepelaka ante anto ankfumɔ ndjɛ má nkfumbo kɛmɔ la Ndjambe ndjawolaka anto wemá mposo y’alemba inkfumɔ.

 Ndjokanelo djɛ mposo y’alemba nghonanghema me Onkfumi wɔ Ndjambe, onkfumi wem’olongo. Onkfummi wɔkɔ wolakanyɛ anto wopo w’okokawɔ ndɔsa anto wa mposo inkina wɔlɔ. Anto weka wopo w’okokawɔ ndjatɔna la mposɛ inkfumɔ lotono lɔ mposo lá lɛndji lonkfumɔ.

•   ‘Anto wa l’ewila wangeka akambo wa sii.’—Izaya 26:9.

•   ‘Sii kɛ nsɔsɔlɔ djengoposɛ vu edjinge sii kɛ nsɔsɔlɔ kengoyakala vu la lotoyi ntshitshi lotshinda lotshinda.’—Izaya 32:17.

 Lɔɔko kɛnɛ, Bible ambokotshɛ́ miliyɔ y’anto djɛ ndjeka wopo wɔ ndɔsa winawɔ anto la ntshina edjinge la ntshó.

•   Djɛ ndjeka akambo ankina efula, wala djamba djelá Wetshɔ! jurnalɛ djelekɔ́ l’ɔtɛ: “Kakɔna kayotokimanyiya diaha nkanɛ anto kɔlɔ?”

•   Wala djamba: “Comment parler de racisme à votre enfant” djɛ ambotshi ndjeka wopo w’okokawɔ nsawola akambo wanɛ lá nkfumbo.