Mbandji kɛ Ukraine, nsanghanyɛ l’otshikitano wɔ deko, kekindjɛ ndjaka anto lá osambo wɔ nkete djɛ ndɛ l’andja w’otondo. Kɛsɔ kɛnama pekapeka l’etatshi kɛ looko kɛ anto efula oyɛwɔ l’okakasano wɔ mba nkete djɛ ndɛ.

•   “Oposelo la owayelo wɔ olelo womboyala wolo má evungusano, otshikitano wɔ deko, eshinga wɛ nkete edjinge kaanga nkete nkina.”​—António Guterres, UN secretaire général, Ngɔndɔ k’esambele 17, 2023.

•   “Ndjewi imɔtshi yɛ wayi watepela ambɔ wimelo wɔ Russie má djokanelo djɛ oyakalelo wɔ mbambo wongoposɛ osambo wɔ nkete djɛ ndɛ l’andja edjinge wongoyakala ohandelo w’oshinga wɔ nkete djɛ ndɛ l’ewila welekɔ́ la mfalanga, pekapeka l’Afrique du nord la moyen-Orient.”​—Atalayar.com, Ngɔndɔ k’esambele 23, 2023.

 Tokolenda kɛnɛ kɛ Bible otepelande lá nkambo djɛ osambo wɔ nkete djɛ ndɛ l’etsho w’eyaye.

•   Yeso ewoyɛka ante: ‘Owila wongonanyɛ owila onkina edjinge onkfumi wongonanyɛ onkfumi onkina, ndjala yɛ nkasa ingoyala.’​—Mateo 24:7.

•   Onkanda wɔ Bible wɔ ndjiso w’ɛnyɛ mpunda inɛyi yɛ djingingi. Mpunda kɛmɔtshi l’anteyi kɛwɔ kelekɔ ɛfɔ kɛ mbandji. K’ɔwɔlama kelekɔ l’ɛfɔ kɛ ndjala, lá winá wɔ yongokapanyɛ nkete djɛ ndɛ la yongosandjɛ́ lá ntsho dj’efula. ‘Lemi nyɛnaka mpunda kɛ tshulu edjinge kangapemisá ayalaká la kilɔ lá lɔwɔ lɔnde. Ko ndjokaka djoyi mɔtshi ngo ngete. . . ntepela ante: ‘Kilo k’emponga kengokoma lofuto lɔ lofu l’otondo! Edjinge kilo 3 yɛ ɔrjɛ ingokoma lofuto lɔ lofu l’otondo.’’​—Ndjiso 6:5, 6, Contemporary English Version.

 Prɔfɛsi yɛ Bible yɛsɔ lá nkambo dj’osambo wɔ nkete djɛ ndɛ ilekɔ nkotshama win’ɔso, l’etsho wɛ Bible etande ante ‘etsho w’ekomo.’ (2 Timɔte 3:1) Djɛ ndjewa akambo ankina efula lá nkambo djɛ ‘etsho w’ekomo’ edjinge djapamelo djɛ mpunda inɛyi yelá Ndjiso, lenda video Le monde a changé depuis 1914 edjinge wala djamba djelekɔ́ l’ɔtɛ wɔ djoyi ante: “Les cavaliers de l’Apocalypse : qui sont-​ils?”

•   Bible mbolola kfu l’alako wa djɔ wakoka nkokotshɛ́ djɛ mpikama lá ntondo k’ekakasano, ndjila edjinge ohandelo w’eshinga wɛ nkete djɛ ndɛ kana osambo wɔ nkete djɛ ndɛ. Lenda ndjɔmbɔmba imɔtshi lá djamba “Comment vivre avec moins.”

•   Bible ntɔpɛyɛ lonkina nkongi ante akambo wangɔwɔnga. Ntolaka winá wɔ ‘mbambo yongoyala tshangana tshangana lá looko’ edjinge w’onto onkfumɔ ndongoyala la nkete djɛ ndɛ lombombe. (Yeembo 72:16) Djɛ ndjewa akambo ankina efula walendana la nkongi dj’etsho weyaye edjinge lamo okokɛ ndawɛkɛ l’eteyi, wala djamba “Une espérance réelle pour des jours meilleurs.”