Ndjala la tolongo ntokotshɛka dj’ipa ndawoka olengedji—Wopo wɔ Bible okokande ntokotshɛ
Lá 2023, tofulumɛ efula tel’andja w’otondo wɛnaka ambɔ anto efula wambowanga ndaawoka olengedji, djɛko ndeke elando wɔnɛ yomboleka mfulanela. Nkambo djɛsɔ djengoshiya hanɛ?
“Dawoka olengedji la ntona djɛ ndjala esanga l’anto alekɔ ikanyi yekoka ntshita demba edjinge vu dj’onto.” Lá wopo wɔkɔnge? Ntsha lofu la lofu tɔngɔsake winá djɛ nkembɛ djokanelo djɛso l’anto ankina.” a—Dr. Vivek Murthy, U.S. surgeon general.
Ndawoka olengedji angoyɛke apengo winá w’onto oyɛnde nyɔmɛlɛ. Anto amɔtshi wangoya wokake olengedji kaanga walekɔ l’anteyi k’anto efula. Ayale kaanga nkambo djɛkɔnge djenanghaka djɛ ndawoka olengedji, Bible nkoka nkokotshɛ. Ndekɔ la alako wa djonyi wakoka nkokotshɛ djɛ nkembɛ djokanelo ny’anto ankina djɛ wɛ ndeka enanghedji kɛkɔ wolo.
Tɔkfɔ tɔ Bible tokoka nkokotshɛ
Ewa nsawola ny’anto. Kɛsɔ kepasakisola nshimela onto wopo woyawokɛ, koko ole ndoowekameyɛ. Ntsha ongilelake anto amɔtshi yimba efula, lotombe lɔnyo longoyala wolo.
Tɔkfɔ tɔ Bible: ‘Nyotalendake ngo wapɔ wanyo toko, koko nyolendake edjinge wapɔ w’anto ankina.’—Filipɛ 2:4.
Nangha djɛ ndjala la tolongo. Hona djɛ nkɔpɛ tolongo nya anto wepo la wepo, nkokolo, dɛngɛ, anto w’etepela enkina kana edjinge w’ewila enkina.
Tɔkfɔ tɔ Bible: ‘Nyodjipole eloko wɛnyo.’—2 Kɔrɛtɔ 6:13.
Djɛ ndjewa akambo ankina walendana la wopo wɔ nkomɛ djokanelo djɛso l’anto ankina wolo, wala djamba: “Comment combler notre besoin d’amitié.”
a Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.