Lá Ngɔndɔ k’atano 24, 2022, nkambo mɔtshi djɛ wɔma nanghemaka lá mbandja kɛ Uvalde kelá ngando kɛ Texas, lá États-Unis. Lá nkilika jurnalɛ The New York Times, djetepelaka ante, “onto ɔmɔtshi woyalaki l’ota ayakaka dɛngɛ 19 edjinge wetsha 2 . . . lá nkalasa kɛ Robb Elementary School.”

 Nkambo djɛ nyɛnyi efula, akambo wa wopo wɔnɛ wanenghema lombombe. Jurnalɛ mɔtshi USA Today ntepelaka ante ngo lá États-Unis toko, “wambo kandaká asase lá ankalasa mbala 249 l’ɔnɔnyi womboheta wɔnɛ, koko nkambo djɛso djetananghemaka ntateyɛ má 1970.”

 Ládjikɛnge akambo wa wɔma wa nghɔnɛ onanghemawɔ? Wopo wɔkɔnge w’okokaso nangha l’akambo wapɔlɔ wanɛ? Tokoka ndjala la nkongi ente akambo wa lopango wangoshila? Bible atɔpɛyɛ nsakiso.

•    Bible ntepelaka dj’eleko k’oyɛso ante “etsho w’ekomo” deko djɛ anto efula “wapa kɔpanaka la ngandji k’onto la wananyɔ” edjinge walekɔ “anto w’enkonda,” wakɔpaka ngo akambo wa lopango la wa wɔma. Anto wasɔ “watatshu ngo ta nyɛtshi.” (2 Timɔte 3:1-5, 13) Djɛ ndjewa akambo ankina efula, wala djamba “La Bible a-​t-​elle prédit la mentalité et la conduite des gens de notre époque ?”

 Efula k’anto wayawopola ambɔ: ‘Lamo Ndjambe ndopashimbe akambo wanghɔnɛ, w’etengo okandelo w’asase lá nkalasa, nanghema?’ Djɛ ndjewa nsakiso yɛpɛyɛ Bible, wala djamba “Mpo na nini makambo mabe ekómelaka bato malamu?”

•    “Akambo wafunamisá l’etsho wɛ ntondo wafunamaka djɛ ntɔpɛyɛ olakanyelo, djɛ má . . . osukɔ wemá Afunelo, iso ndjalaka la nkongi.”—Ɔrɔma 15:4.

 Tɔkfɔ tɔ Bible tokoka ntokotshɛ́ djɛ mpikama lá ntondo kɛ andja wa lopango wanɛ. Djɛ ndewa akambo efula, wala Réveillez-vous ! wolekɔ́ l’ɔtɛ wɔ djoyi: agazine entitled “La violence cessera-t-elle un jour?”

 Ambotshi, djɛ ndjewa wopo wɔ nkotshɛ́ wana wanyo lá winá wɔ nsango yɛpɛyɛ wɔma, nyowale djamba “Enfants et actualités troublantes.”

•    “Angowikɛ mpomo yɛwɔ má ndjolo edjinge má wayi wa lopango.”—Yeembo 72:14.

•    “Wangotshula nkfula yɛwɔ yɛ mbandji ndjongo edjinge akɔnga wawɔ tɔsɔlɔ tɔ nkɔlɔnga wilo. Owila ɔmɔtshi wopangowɛmbɛla owila onkina tokfula tɔ mbandji, edjinge iwɔ wapangeka wayi w’ambandji lonkina.”—Mika 4:3.

 Ndjambe angonangha nkambo djɛ anto yopakoke nangha. Onkfumi wɔnde, guvɛrnma djel’olongo, ngotshita mpeko nkfumɔ edjinge ngokome wayi wa lompango. Djɛ ndjewa akamba ankina walendana la wopo w’Onkfumi wɔ Ndjambe yongonangha, wala djamba djelekɔ l’ɔtɛ : ‘Sous le royaume de Dieu, “la paix abondera.”’