Ntateyɛ má etombo wɛ Olympics wɛ 2024 yombowanga, anto etengo miliyara itano walenda ase etomba wemá ewila 206. Tomas Bach, président kɛ kɔmite k’andja w’otondo kelenda wayi wa etombo wɛ Olympics, atepela ante: “Totomba etombo wesanghanyɛ andja w’otondo lá vu. Nyontshɔ toyale l’ikanyi ete ngo y’ase Olympics yɛ ndjala vu, ete ngo onto ɔmmɔ edjinge owila ɔmmɔ, wombosanghanyema l’andja w’otondo.”

 Etombo wɛ Olympics nkoka nkotshɛ okoma wɔso? Iso nkoka ndjala nsɔsɔlɔ la vu edjinge l’osanga?

 Etombo wɛ Olympics w’ɔnɔnyi wɔnɛ wopakomisa ngo lá bale toko. Etombo wembopikaka nghɔmɔ ɛnsɔsɔ lá wayi wa lowiko l’anto ole wayi wa pɔlitikɛ wakapola anto. Nkambo djɛsɔ ndendanaka edjinge la lotshungɔ lolekɔ́ l’anto, loposo, ɔtɔmbɔkwɛlɔ wɔ ntolo, edjinge wopo w’anto yopalekɔ́ wopo ɔmmɔ.

 Etombo wel’andja w’otondo wɔ ete ngo Olympics nsasangɛka anto. Koko, etombo wɛsɔ wɛnyɛ má nanghedji ente watshinda la wakembɛ nanghedji mpɔlɔ l’edjena kɛ nkotshɛ anto djɛ ndjala vu la ndjala l’osanga.

 Bible djelakaka lá nanghedji djekomɛ djɛ djokanelo ndjala ante, ngokotshama. (2 Timɔte 3:1-5) Djɛ ndjewa akambo ankina walendana la prɔfɛsi yɛ Bible, wala djamba: “La Bible a-t-elle prédit la mentalité et la conduite des gens de notre époque ?”

 Bible ndola kfu la akambo walendana nkongi djɛ nsɔsɔlɔ l’andja lá nkambo djɛ vu la osanga. Djewoyɛka ante anto ankfumɔ welá looko wangoyala l’osanga wɔ onkfumi wel’olongo etande ante: “Onkfumi wɔ Ndjambe.”—Luka 4:43; Mateo 6:10.

 Owandji w’Onkfumi nde, Yeso Kristo angila vu l’andja w’otondo. Bible ntepelaka ante:

•   “Anto wa sii wanghɔmɔngha, ole vu ngoyala efula.”—Yeembo 72:7.

•   “Nde angowikɛ kanga ɔmvɔ winá w’owetande djɛ ndookotshɛ. . . . Nde angaawikɛ má ndjolo la má lɔnyɔkɔ.”—Yeembo 72:12, 14.

 Akambo waheta lɔɔko, nyɛnyɛka djɛ elakanyelo wɛ Yeso wesanghanyɛka wa miliɔ anto lá ewila 239. Ete ngo Akristo, Ewakɛ wɛ Yehova ndjekaka djɛ ndjala vu l’onto onkfumɔ. Djɛ ndjisola akambo wasɔ, wala akambo welá Etange k’Olami kelekɔ́ l’ɔtɛ wɔ djoyi: “Briser le cercle de la haine.”