NYOWADJƐKE!
Nkɔnga djɛ ntango k’ekekete k’ekomo k’andja djɛmbɔsɛmɛla—Kɛkɔnge kɛ Bible otepelande?
Lá Ngɔndɔ kɛ ntondo 24, 2023, oloyi w’ase siansɛ wakɛndjɛka nkɔnga djɛ ntango k’ekekete k’ekomo k’andja. a L’ikanyi yɛwɔ, nkɔnga djel’andja djetakoke nsukana kaanga ndambo l’anteyi kɛ deke.
“Má lofu l’asato, nkɔnga djɛ ntango k’ekekete k’ekomo k’andja, djɛsɛsa ndjɛdjɛ okakasano woposá l’andja, djepakome l’anteyi kɛ deke. Ɔkɛndelɔ wɔ nkɔnga olendanawɔ nde la mbandji kelá Ukraine, la wanelo wɔ okandelo w’eta wɛ nkekete edjinge ekakasano weyɛ má taane, amvula la ntshitshi.”—AFP International Text Wire.
“Ase siansɛ wewoyɛka lofu l’ape ambɔ ‘nkɔnga djɛ ntango’ k’ekekete k’andja djɛmbɔkɛnda tii tá sekɔndɛ 90 yɛ anteyɛ deke, koko andja watayale entshupa lá armagɛdɔ.”—ABC News.
“Oloyi ɔmɔtshi w’ase siansɛ wemá ewila wetshikitanyi w’ewoyɛka ambɔ lowiko lel’andja lotatshitana.”—The Guardian.
Andja waso wanɛ edjinge looko lɔso lolekɔ entshupa djɛ ntshitana? Iso koka ndjala la wɔma wɔ kɛnɛ kengotokomela l’etsho weyaye? Kɛkɔnge kɛ Bible otepelande?
Kɛnɛ ketokongela l’etsho weyaye
Lá nkilika Bible, ‘looko longotshikala lotshinda lotshinda’ edjinge anto ‘wangowika lotshinda lotshinda l’eteyi.’ (Losanghanyɛ 1:4; Yeembo 37:29) Djɛkondeke wana w’anto wapangotshita looko kaanga nangha dj’ipa anto nyintasɛ.
Wopo wɔk’ɔmɔ ndeke, Bible djɛ ekomo wɔlɔ wɔlɔ. Ndjɔmbɔmba, atepela ante, ‘andja wanɛ watahete.’—1 Djɔanɛ 2:17.
Djɛ ndjewa kɛnɛ kɛ Bible osakisolande winá w’otepelande lá nkambo djɛ ekomo k’andja, wala djamba djelekɔ́ l’ɔtɛ: “Onde ekomelo k’andja kaya suke? Ko elɛwɔ apɔkalipsɛ?”
Djɛ ndjeka kɛnɛ kɛ Bible otepelande lá nkambo djɛ kɛnɛ kengoheta l’andja la wina wɔkɔnge, wala djamba: “Nsuka ya mokili ekoya ntango nini?”
Tshikala ngo vu
Bible nkoka ntokoshɛ́ dj’iso ntshikala vu kaanga l’anteyi k’ekakasano wel’andja. Lá wopo wɔkɔnge?
Bible atɔpɛyɛ alako wa wɔlɔ lombombe lá nkambo djɛsɔ. (2 Timɔte 3:16, 17) Ndjɔmbɔmba, wala djamba: “Nasala nini mpo namitungisa koleka ndelo te?” djɛ ndenda wopo wɔ Bible okande nkokotshɛ́ djɛ ntshikala vu kaanga opomanaso l’ekakasano.
Bible apɛyɛ nkongi djɛ wɔlɔ djɛ l’etsho weyaye. (Ɔrɔma 15:4) Djepakisola wɔlɔ wɔlɔ wopo wɔ akambo yongoheta mbala kɛkɔ kɛmɔ edjinge l’ilá k’etsho. Djetokotshɛ́ djɛ nama djawo djɛso kaanga opomanaso l’ekakasano l’andja wanɛ.
Djɛ ndjisola akambo ankfumɔ wa Bible okokande nkoyakala, sɛsa má win’ɔsɔ djɛ ndjeka wekelo wɔ Bible ipa la mfuta mfalanga.
a “Nkɔnga djɛ ntango k’ekekete k’ekomo k’andja oyɛwɔnde ntango kewola anto ‘winá’ wotokakitola la etshitanelo kɛ yopo yɛso yɛ lowiko lá nkilika wayi wa nkamɔ wa technologies wa iso somɛlɛ ndeke loposisá. Ɔsɔ alekɔ ilembetelo yetovungola nkambo djɛkɔnge dj’oyɛso ladjɛ ndɔngɔsɔla djɛ nshikikɛ lowiko l’anto edjinge lɔ looko l’otondo.”—Bulletin of the Atomic Scientists.
Isola lonkina
ISO MO
Lɔmba djɛ onto ɔmɔtshi aye ndokowembola
Sawola la Ewakɛ wɛ Yehova djɛ ndjewa akambo ankina efula, kana djɛ nkambo mɔtshi djɛ Bible.
