Kolenda akambo wa wɔlama wanɛ lá kɛnɛ kelendana l’ewandji wɛ ntolo edjinge mbandji kelá Ukraine:

•   “Patriarch Kirill, owandji w’etolo kɛ Ɔrtɔdɔksɛ welá Russie, atahamɛ ase Russie lá kɛnɛ k’onanghawɔ. . . . Ase etolo kɛnde wakindjɛ ntshanghanyɛ akambo w’engolo lá nkambo dj’ase Ukraine ko Poutine akamba l’akambo w’engolo wasɔ etengo donga dj’otshinda djɛ nanyɛ mbandji.”—EUobserver, Ngɔndɔ k’asato 7, 2022.

•   “Patriarch Kirill . . . aseela owila wɔnde má ntepela ante mbandji k’ase Russie te ase Ukraine oyɛwɔ nde welo w’ilamá djɛ nanyɛ mpekanto.”—AP News, Ngɔndɔ k’asato 8, 2022.

•   “Metropolitan Epiphanius I owandji w’etolo kɛ Ɔrtɔdɔksɛ wemá Kiev lá Ukraine atshɔkɔlaka anto wande ‘djɛ ntonanyɛ ase Russie’ . . . Edijnge [nde] atepelaka ante ndjaka angala w’ase Russie apalekɔ mpekanto.”—Jerusalem Post, Ngɔndɔ k’asato 16, 2022.

•   “Iso [Andaki y’ase ntolo edjinge elonghanyelo wɛ ntolo wel’Ukraine (UCCRO)] tosuka angala w’ase Ukraine la anto ankfumɔ wasuka, taatshɔkɔla lá welo w’ilawɔ djɛ nseela ase Ukraine me antonyi edjinge taalɔmbɛla.”—UCCRO a Statement, Ngɔndɔ k’ape 24, 2022.

 Okanelɛ mo? Ntolo djetepela ambɔ oyɛwɔnde ambeki wa Yeso Kristo nkoka nkembɛ anto wawɔ djɛ ntonana mbandji? Bible otepelande nge lá nkambo djɛsɔ?

Ɔkɔndɔ wolendana la ntolo lá nkambo djɛ mbandji

 Ɛkɔndɔ nyɛnyɛka djɛ mbala efula ewandji wɛ ntolo nsukaka, nselaka edjinge kaanga ntshɔka tá mbandji djɛ ndjila vu. Amboheta ɛnɔnyi efula, Ewakɛ wɛ Yehova wakotshɛ́ka anto djɛ nyɛna nanghedji djɛ dongi mpe djelekɔ́ l’ewandji wɛ ntolo. Kolenda ndjɔmbɔmba imɔtshi y’owalawɔ l’enkanda wɛso.

•   “Les croisades: une ‘illusion tragique’” ɛnyɛ wopo wɔ ewandji wɛ Katɔlikɛ welá Ɔrɔma yawɛmbɛ lowo lɔ oyakelo w’anto wɔ yatepelaka ambɔ onanghawɔnde lá djiina djɛ Ndjambe la djɛ Kristo.

•   “L’Église catholique en Afrique” djamba djɛsɔ djɛpɛyɛ ndjɔmbɔmba kɛnyɛ wopo wɔ ewandji wɛ ntolo yotalonga djɛ nkomɛ mbandji yɛ l’antenyɛ tɔkɔlɛ la tɔkɔlɛ, kaanga mbandji kehona djɛ ndjipisanyɛ lokopo lɔmɔtshi l’anto.

•   Wamba wanɛ: “La religion est-​elle responsable ?,” “Le rôle de la religion dans les guerres,” edjinge “La religion prend parti” wasipisoyɛ wopo wɔ etolo kɛ Katɔlikɛ, Ɔrtɔdɔksɛ, la kɛ Musɔnyi yasuke ambandji efula.

Akristo nkoka nsuka mbandji?

 Kɛnɛ kɛ Yeso ndalakanyɛ: ‘Kɔpa winako onto ngo ngete oyakɔpɛ.’ (Mateo 22:39) ‘Nyokindjɛ nkɔpa antonyi wanyo.’—Mateo 5:44-47.

 Kɛnɛ kɛ Yeso ndatepela: ‘Onkfumi wɔmi wopalekɔ wɔ l’andja wanɛ. Otayalawɔ nde Onkfumi wɔmi wolekɔ wɔ l’andja wanɛ, ntshimi enkambi wɛmi watananela mbandji dj’ipa lemi nkapema.’ (Djɔanɛ 18:36) ‘Anto ankfumɔ wawɛmbɛlá anto ankina nkfula wangaayaka la nkfula.’—Mateo 26:47-52.

 Kokanela: Ntsha Akristo watanana mbandji djɛ nseela Yeso, iwɔ nkoka ndɔsa eta djɛ nana m’ɔtɛ w’elonga kɛmɔtshi? Wala djamba djelekɔ́ l’ɔtɛ wɔ djoyi ante: “Peut-on concilier guerre et christianisme ?” djɛ ndenda wopo w’Akristo wa ntondo yakilika ndjɔmbɔmba kɛ Yeso la elakanyelo wɛnde la nkɔmano nkfumɔ.

Kɛkɔnge kengokomela ntolo djesuka ambandji?

 Bible ndakanyɛka ante Ndjambe ntonaka ntolo djetepelaka ambɔ okilikawɔnde Yeso koko wapakambe l’elakanyelo wɛnde.—Mateo 7:21-23; Tito 1:16.

•   Onkanda wɔ Ndjiso nyɛnyɛka ante Ndjambe ndɔsaka ntolo djɛ nghɔsɔ etengo ikɔkɔ yɛ nyɔyi kɛ ‘anto ankfumɔ wayakemisá lá looko.’ (Ndjiso 18:21, 24) Djɛ ndjewa lamo oyɛwɔ nghɔsɔ, wala djamba djelekɔ́ l’ɔtɛ wɔ djoyi ante “Qu’est-​ce que Babylone la Grande ?”

•   Yeso atepelaka ante ntolo nkfumɔ djepawolama me Ndjambe ngootshitana m’ɔtɛ wɔ nanghedji djɛwɔ djɛ nyɛtshi, ngo ngete otamba wɔ nyɛtshi wɔtɔka mbambo yɛ nyɛtshi ‘yɔngɔkɔtama edjinge yɔngɔhɔnwama l’iyɛ.’ (Mateo 7:15-20) Wala djamba djelekɔ́ l’ɔtɛ wɔ djoyi ante “La fin de la fausse religion est proche !” djɛ ndjewa wopo wɔ nkambo djɛsɔ yongonanghema.

Photo credits, left to right: Photo by Sefa Karacan/Anadolu Agency/Getty Images; Maxym Marusenko/NurPhoto via Getty Images