“Tolekɔ l’etsho wɛ akambo walendana la taane edjinge l’amvula watatshu ngo tá nyɛtshi. Efula k’angando ye nkekete idjinda la dola. Taane tɔ wolo totayalaká ntondo. Mpowe yɛ wɔma inanghema. Ntshamba djɛ washi la djena nkfumo. Otshitanelo wo nkopo yɛ miliyo y’etamba la y’anyama. Ɔsɔ apalekɔ ɛfɛnyɛlɔ kana ɛmɛmɛ kɛ djamba. Kɛsɔ ndeke lɔpɔlɔ lotoshimela adjeyi yɛ wayi wa siansɛ.” Kɛsɔ ndeke lotepelisá António Guterres, sɛkrɛtɛrɛ kɛ Nations-Unies lá djamba djɛnde la winá wɔ oloyi wɔ ewila la kɛneɛ kelendana l’etshikitano wɛ akambo wa taane la w’amvula lá Ngɔndɔ k’anɛyi, 2022.

 “Ase siansɛ wewoyɛ anto ambɔ l’ɛnɔnyi weyaye otshikitano wɔ akambo walendana la wopo wotatshikitana taane l’amvula wongotshita wa parkɛ 423 inkfumɔ [yelá Etats-Unis], ladjikɛne taane tongoyala wolo efula. Akambo wasɔ wapɔlɔ wakoka nanghema ndjɛlama la kɛnɛ kɛ Bible otepelande, ndjɔmbɔmba: iye la elola, enkókó wɛ wa glasɛ wevutshɛ, washi wa andjale yɛ nkekete watafule ngo mfula edjinge yaane yetaleke ngo ndeka.”—“Djamba Flooding Chaos in Yellowstone, a Sign lá jurnalɛ,” The New York Times, lofu 15 Ngɔndɔ k’asamalo 2022.

 Akambo wa looko walendana la etamba edjinge la djena dj’owikaso wangɔwɔnga? Ntsha nghɔsɔ, kangɔngɔlɔngɔsɔla na? Lenda kɛnɛ kɛ Bible otepelande.

 Bible ntepelaka ante Ndjambe ‘angoyaka waatshita looko.’ (Ndjiso 11:18) Vɛrse djɛnɛ ntolakanyɛ akambo asato:

1.  1. Elemo w’anto onanghawɔ wetshita looko.

2.  2. Etshitanelo kɛ looko kengoshiya.

3.  3. Ndjambe ndeke lɔngɔlɔngɔsɔla looko, apalekɔ anto.

 Bible atepela ante ‘looko longoshikimala etshinda etshinda.’ (Losanghanyɛ 1:4) Anto wangowikaka l’eteyi lotshinda lotshinda.

•   “Anto wa djɔ wangokita looko edjinge wangowikaka l’eteyi lotshinda lotshinda.”—Yeembo 37:29.

 Looko lɔso lɔngɔwɔnga nsɔsɔlɔ

•   “Lá ewila wɛ lɔsɛnga la esowe wangosasanga, edjinge djena djɛ onkawo djɛ washiyomboshiyaká wangoyala l’osasa edjinge angoposɛ alɛmboɔlɛmbɔ ngete safra.”—Izaya 35:1.