“Nkete nkfumo l’andja w’otondo dekɔ lonkina lá mbalaka”, kɛsɔ ndeke owandji (nkfumi) kɛ Banque mondiale (Bankɛ dj’andja w’otondo) ndewoyɛ la lɔpɔlɔ lɔmɔtshi lɔ Ngɔndɔ k’asamalo 2022. Ante: “Mbala kɛnɛ ohandelo w’eshinga wolo wɛ nkete womboleka mpanda mbala kɛmɔ la ofulelo wɔ nkete ndambondambo.”

 “Eshinga wɛ nkete ngete wa esansɛ la nkete djɛ ndɛ wembohanda lankeke, wembokota anto wa w’ɛmvɔ wawika l’ewila wepalekɔ́ l’okfudji,” sɔndeke lɔ funisá Fonds Monétaire International.

 Bible ntokotshɛka dj’iso ndjoka ladjikɛnge opomanaso l’ekakasano welendana la ewayelo kɛ nkete, wopo wokonge w’okokaso mpikama, la nkongi djɛkɔnge dj’oyɛso djengosiyɛ akambo aso win’enkfumo.

•   Bible eta etsho w’owikaso wɛnɛ ante “etsho w’ekomo.”—2 Timɔte 3:1.

•   Yeso atepelaka ante ansese wa wɔma kaanga wayi wa wɔma wangoyala l’eleko kɛnɛ (Luka 21:11). Ohandelo w’eshinga wɛ nkete mpɛyɛka wɔma. Anto wakiyana dj’etsho wɛwɔ weyaye la ntsha wangokoka nkotshɛ ehomba wɛ nkfumbo yɛwɔ.

•   Onkanda wɛ Ndjiso ewoyɛka ohandelo w’eshinga wɛ nkete djɛ ndɛ l’eleko kɛnɛ. “Ndjokaka edjipo kɛ djoyi dj’etengo dj’onto. . . . Atepela ante : ‘Oshinga wɔ kilo k’emponga kembokoma denariyo mmɔ edjinge kilo isato y’asami denariyo mmɔ wangelama oshinga la lofuto lɔ lofu l’otondo.’”—Ndjiso 6:6.

 Djɛ ndjewa wayi efula walendana “l’etsho w’ekomo,” prɔfɛsi k’onkanda wɔ Ndjiso, lenda video: Le monde a changé depuis 1914 edjinge wala djamba “Les cavaliers de l’Apocalypse : qui sont-ils”

•   “Wango pika mvulu ko wango wika l’eteyi (wango yala l’eteyi), la wangokona awedji (vinyo) ko wangɔlɔ mbambo. Wapangopika dj’onto onkina ndoyala, kana wapangokona dj’anto ankina ndɔlɛ.”—Izaya 65: 21, 22.

•   “Mbambo ingoyala efula la loko, la nsodji y’enkoko ingokfukokfukoka.”—Yeembo 72:16.

•   “‘Ladjikɛnde anto wɛna ndjolo wɛna nkɛtshi, l’ɔtɛ waalelo w’ase ɔmvɔ, lemi nkɔpa nangha nkambo mɔtshi,’ ndeke Yehova otepelande.”—Yeembo 12:5. a

 Lak’ila, Ndjambe angokomeye topo tipa djɔ tolendana la nkete djɛ ewayelo, apalekoɔ ngo l’owila ɔmɔ toko koko l’andja w’otondo. Djɛ nyɛna wopo wɔkɔnge, wala djamba: “Peut-on espérer un système économique plus juste?”

 Koko kaanga lɔɔko kɛnɛ, Bible nkoka nkokotshɛ djɛ wɛ mpikama la ntondo k’ohandelo w’eshinga. La wopo wɔkɔnge? Alekɔ l’alako w’onanghelo la wopo wɔ nkota mfalanga la wopo wɔ wɔlɔ. (Woongo 23 : 4, 5; Losanghanyɛ 7:12) Djɛ ndjewa akambo efula, wala wamba: “Protégez vos moyens de subsistance” la “Comment vivre avec moins.”