Anto wel’andja w’otondo wayawoka olengedji edjinge walekɔ l’otshutshumalo. Anto amɔtshi w’ewa akambo wa demba nkanelaka ambɔ wangokotshɛ́ anto ankina djɛ nkindjɛ nana la nsaki yɛ nghɔsɔ.

•   “Nkotshɛ́ anto ankina walekɔ́ la djonyi nkoka mpɛyɛ nsakiso lá mbiko yɛso edjinge ntokotshɛ́ djɛ nana l’ikanyi y’olengedji kana y’ɔlɛmbɛlɔ.”—U.S. National Institutes of Health.

 Bible atɔpɛyɛ tokanyi lá kɛnɛ k’okokaso nangha djɛ nkotshɛ́ anto ankina. Nkamba la etepela wɛsɔ nkoka ntotshɛ́ djɛ nana l’ikanyi y’olengedji.

 Yala la lokapo. Lenda mbamba kɛ wɔlɔ djɛ mpetshɛ winá l’anto ankina. Yala entshupa djɛ nkapana lande kɛnɛ k’ewɛ. Winá wananghelɛ, wangoyala entshupa djɛ nyɛnyɛ lokapo lɔwɔ, ekete kengatshinda djɛ ndjala la tolongo.

•   Tɔkfɔ tɔ Bible: ‘Nyoyale l’ekfumbo kɛ nkapa, ko wangɔnyɔpɛɛyɛ.’—Luka 6:38.

 Nsasadjɛ anto ankina. Hona wopo wɔ nkotshɛ́ anto wapomana la deko djɛ wolo. Kɛsɔ nsakisolaka ndaawekameyɛ la nkɛtshi kenkfumɔ kana ndaalɔmba djɛ nangha tolelemo tɔ ntshina tokoka nkapola edjito.

•   Tɔkfɔ tɔ Bible: ‘Ilongo yɛ wɔlɔ angɔkɔpake winá enkfumɔ.’—Woongo 17:17, Contemporary English Version.

 Djɛ ndjewa akambo ankina lá wopo w’okokaso ndjala la djokanelo djɛ wɔlɔ l’anto ankina, wala djamba: “Lɔsɛnɔ la lo nkumbo ndo lɔngɛnyi.”