•   “Anto efula lá États-Unis w’ɛnyɛ ambɔ wangokake ambɔ wambosamba tolongo, efula l’efula nde dɛɛngɛ.”​—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.

•   Lá Ngɔndɔ kɛ djomi l’ɔmɔ 15, 2023, olonghanyelo wɔ ONU walendaka wayi wa bɔki djelá demba, djetepelaka ante: “[Olonghanyelo wɔ ONU walendaka wayi wa bɔki djelá demba] wonanghaka oloyi ɔmɔtshi w’anto djɛ nkilika djokanelo djelekɔ l’anto edjinge nshiyɛ nkambo djelendana la wopo w’anto okawɔ lá nkambo djɛ ndjala yengenga ladjikɛnde mbokoma mbalaka. Nkambo djɛsɔ ngokotshɛ anto dj’iwɔ ndjalaka entshupa l’anto ankina, ayale l’ewila w’okfudji kana w’ɔmvɔ.”

 Bible ntɔpɛyɛ alako wa djonyi djɛ ntokotshɛ djɛ nkɔpɛ tolongo tɔ wɔlɔ l’anto ankina.

 Tonanghake akambo walɔmbaka ndjala ngo nghɔmɛlɛ. Ndjɔmbɔmba, l’edjena kɛ ndapɛyɛ lá wa sitɛ yɛ nsawola l’anto, koko hona nde mbamba kɛ nsawola ny’anto la wiso la nkɔpɛ ilongo yɛ wɔlɔ.

•   Ikfɔ yɛ Bible: ‘Ilongo yɛ nsɔsɔlɔ angɔkɔpake winá inkfumɔ alekɔ wɔnanyɔ wɔ nkfundu mmɔ lá winá wɛ ndjolo.’​—Woongo 17:17.

 Honaka akambo wa nkotshɛ́ anto ankina. Nangela anto ankina akambo wa wɔlɔ nkomɛka djokanelo djɛko nyawɔ koko kengotokotshɛke dj’iso ndawoka wɔlɔ.

•   Ikfɔ yɛ Bible: ‘Osasa wɔ mpɛyɛ ndeka osasa wɔ ndongola.’​—Elemo 20:35.

 Ingelá lá sitɛ kɛso djɛ ndjisola akambo ankina efula wemá Bible walendana la wopo wɔ mba tolongo tɔ wɔlɔ.