Lɔpɔlɔ lɔmɔtshi lɔ Nations Unies lotepela ante:

•   Má Ngɔndɔ kɛ djomi 7 tii Ngɔndɔ kɛ djomi 23, 2023, mbandji kɛ l’anteyɛ Gaza l’Isariyɛlɛ kemboyaka anto ndekana 6 400 la anto wapalekɔ́ angala 15 200 walekɔ l’ampota. Ndjila edjinge nunu nkama yɛ anto wambɔsɛkɔ olalo.

•   Lá Ngɔndɔ kɛ djuwa 24, 2023, anto wapalekɔ́ angala 9 701 wambotshutshɛ mbiko lá mbandji kɛ Russie nya Ukraine edjinge anto 17 748 walekɔ l’ampota lá Ukraine.

 Nkongi djɛkɔnge djɛpɛyɛ Bible anto wɛna ndjolo má ambandji?

 Bible djewoyɛka djɛ Ndjambe ‘angokomɛ ambandji lá looko.’ (Yeembo 46:9) Nde angokamba la guvɛrnɛma djɛ l’olongo kana Onkfumi, djɛ mpɛnyɛ aguvɛrnɛma ankfumɔ wa wana w’anto. (Danyɛlɛ 2:44) Onkfumi wɔ Ndjambe wongoshiyɛ ekakasano w’anto.

 Lenda kɛnɛ kengonangha Yeso Kristo, Nkfumi k’Onkfumi wɔ Ndjambe:

•   ‘Nde angowikɛ ase ɔmvɔ waweela djɛ mpona okotshɔ, ole anto ankfumɔ w’okitshakitshɛ wapalekɔ́ l’anto wakoka ndakotshɛ́. Nde angoka anto w’okitshɛkitshɛ djandji edjinge kanga ɔmvɔ nkɛtshi, ole nde angowikɛ mbiko y’ase ɛmvɔ. Nde angawikɛ má ndjolo la má wayi wa lopango.’​—Yeembo 72:12-14.

 Má lotshimbo lɔ Onkfumi wɔnde, Ndjambe angimɛ ndjolo ole djɛmɔ yeyɛ má ambandji la wayi má wa lopango.

•   ‘Nde angodjoola wisɔyi ankfumɔ má wiso wawɔ, nyɔyi kepangoyala lonkina, ntshaka mpangoyala lonkina, tɛɛndjɛ topangoyala lonkina, olando wapangoyala lonkina. Akambo wa ntondo wamboshiya.’​—Ndjiso 21:4.

 Lako ilá, Onkfumi wɔ Ndjambe wonangha etshikitano wɛ nkekete efula lá looko. Bible djewoyɛka ante tongokaka “ambandji la nsango y’ambandji” y’okaso lɔɔko kɛnɛ. (Mateo 24:6) Akambo wasɔ la ankina wɛnyɛ ente towika ‘l’etsho w’ekomo’ wɛ ɛlɔndjelo kɛ wana w’anto.​—2 Timɔte 3:1.