“Winá wɔ mayalaka ilɛngɛ, nkaana kɛmi anyɛnyɛki nkɛtshi lá demba la l’otepela lofu la lofu. M’ɔkɔngɔ wɔ bala djɛmi, okilo wɔmi w’omoto akindjɛka nyɛnyɛ ndjolo. Nde nya okilo wɔmi wɔ mpame wananghelaki akambo ete ngo mfumbe. Nanaka mbandji l’ikanyi yɛ ndaayaka.”—Madhu, a Inde.

 Lɔpɔlɔ l’olonghenyelo w’etawɔ: World Health Organization wasuyɛ ambɔ, “amato wakindjɛ nyɔkwama l’andja w’otondo.” Lá winá ɔmɔtshi wɔ lowiko lɔwɔ, akoka ndjala entshupa la omoto ɔmɔ m’anteyi k’amato asato, wanyɔkwama lá demba kana l’akambo wa mbindo.

 Ntsha ombopomaná la nkambo djɛ nghɔsɔ, okoka ndjoka ete ngo onto ɔmɔtshi akɔpa nkokesola má etepela, lá demba kana la akambo wa mbindo. Akambo ankfumɔ wasɔ nde, ngo ladjikɛnde olekɔ omoto kana okoka ndɛna ete ngo anto efula wapɔshi amato ambɔ walekɔ́ la ntshina.’ Iya amato walekɔ la djonyi lá wiso wa Ndjambe?

 Afunelo: ‘Ndjambe atongaká mpame l’omoto.’—Ewangelo 1:27.

 Nsakiso: Ndjambe atongaka mpame la omoto. Nde ndɔsaka onto onkfumɔ l’odjito ole la dilɛmɛlɔ. Ladjiko djɛ lasɔ, nde nkɔpaka djɛ mpame kenkfumɔ kɛ l’anteyi kɛnyo ‘nkɔpa wadjɛnde ngo ngete olakɔpande,’ tosɛsake ndopika wiso, apalekɔ la etepela wɛ wolo wɛkɔta la wɛ lopango. (Ɛfɛsɛ 5:33; Kɔlɔsɛ 3:19) Lá nsɔsɔlɔ, Ndjambe ndeke onsedji w’amato wɔ wɔlɔ.

 “Winá wɔ mayalaka ilɛngɛ, ewoto kɛso k’entshipa amvundaka djɛ nsanga mbeto la wolo. Winá wɔ mawa ɛnɔnyi 17, owandji wɔmi w’olemo anyanaka djɛ nyimɛ ntsha mpawolisa nsanga mbeto isande. Winá wɔ mayale ekokolo, nshiyaka okfunda me womɛmi, ambotshi wami la me ansukanyi. Koko ndjekaka akambo walendana la Yehova, b Otongi. Nde ndɔsaka amato la ntshina. Kɛsɔ kenshikikɛka ente nde nkɔpaka lemi la ente ndekɔ la ntshina lá wiso wande.”—Maria, Argentine.

 Afunelo: ‘Ilongo imɔtshi nkɔpanaka ndeka kaanga wɔnanyɔ.’—Woongo 18:24.

 Nsakiso: ilongo yɛ wɔlɔ angokokotshɛ. Angokokotshɛ́ ntsha olawoka nghɔsɔ, shimela onto ɔmɔtshi wilelɛ oloko wopo wolawokɛ.

 “L’ila k’ɛnɔnyi 20 ntashimela onto ente wewanaka la lemi la wolo. Lɔɔla loposisá nde, ndjɛka ndokoma kanga djandji djandji, ankɛlɛ la ntshimbaka yimba. Koko winá wɔ mashimela onto ɔmɔtshi woyalisá entshupa djɛ ndjekameyɛ akambo wami, ndjokaka wɔlɔ efula.”—Elif, Türkiye.

 Afunelo: ‘Nyosodjɛ ekiyano wɛnyo enkfumɔ le [Ndjambe], ladjikɛnde nde ndakiyanyɛka lá nkambo djɛnyo.’—1 Pɛtɛlɔ 5:7.

 Nsakiso: Winá wɔlɔmbɛ, Ndjambe ndjokaka. (Yeembo 55:22; 65:2) Ladjikɛnde ayakiyanyɛ, nde akoka nkokotshɛ́ djɛ nyɛna tii la lɛdji lɔkɔnge oyɛ la ntshina lá wiso wande.

 “Wekelo wɔmi wolendana la Yehova wowangaka nkotshɛ́ djɛ nkɔnɔ lá ampota yɛmi yɛ l’eteyi k’oloko. Winá wɔsɔ nkoka ndɔmba Ndjambe la ndoshimela wopo w’olawokami. Nde alekɔ ete ngo ilongo yoka mposɛ yɛmi.”—Ana, Belize.

 Afunelo: ‘Yehova . . . angɛnyɛ sii kɛnde te wɔna etshike la wanɛ wambatshatshɛ, dj’ipa onto w’ovɔ wɔ lá looko ndowokɛ wɔma.’—Yeembo 10:​17, 18.

 Nsakiso: Lako ila Ndjambe imɛ akambo wa ntshamba djɛ sii ankfumɔ, ndjila ole akambo w’onkonda la w’ɛnyɛ amato ndjolo.

 “Alekɔ ete ngo okanga wombonsadjɛ má ndjewa ente lako ila Yehova imɛ akambo ankfumɔ wanyɔkɔla amato la eseka. Kɛsɔ kɛmpɛyɛka vu djɛ yimba.”—Roberta, Mexique.

 Djɛ ndjewa akambo ankina efula la wopo wɔ Bible ɔpɛyɛnde nkongi, lamo oyɛ la djɛ ndjila oloko lá alaka wande ole wopo wɔkɔnge Ewakɛ wɛ Yehova ɛnyɛwɔ la osukawɔ Bible lɔɔko kɛnɛ, lɔmba mbembo kɛ ofele le onto wɔmbɔkɔpɛyɛ nkishi djɛnɛ.

 Teleshargɛ la posɛ otondo wɔ djamba djɛnɛ.