L’ɔnɔnyi wɔ 2024 ewila efula l’andja wangonangha vɔtɛ. Koko, anto efula wapilela ase pɔlitikɛ oloko lonkina.

•   Lapɔlɔ lɔmɔtshi l’ɛnyɛ ente anto efula welá États-Unis watepela ambɔ “ase pɔlitikɛ efula ohonakawɔ ngo wapɔ wɛwɔ yɔmɛlɛ” l’edjena kɛ mpona wapɔ wɛ wana mbandja ankfumɔ. a—Pew Research Center, Ngɔndɔ kɛ djuwa 19, 2023.

 Elangala l’eseka efula wapilela ase pɔlitikɛ oloko.

•   “Mbala imɔtshi elangala l’eseka wangɔkɔpake ndjingela lá wayi wakɔ efula, koko la ankɛtɛ, dɛngɛ djɛkɔ watepela ambɔ anto wapalekɔ l’akoka wa mpɛyɛ nkando l’akambo walendana lawɔ.”—The New York Times, Ngɔndɔ kɛ ntondo 29, 2024.

•   “Ankɛtɛ amɔtshi w’ɛnyɛ djɛ dɛngɛ wilela wakamba la Youtube oloko efula ndeka ase pɔlitikɛ.”—The Korea Times, Ngɔndɔ kɛ ntondo 22, 2024.

 Tokoka ndjawola ente ase pɔlitikɛ wangɔlɔngɔsɔla akambo? Onto wɔkɔnge w’okokaso ndjela oloko?

 Angoyalake wɔlɔ ndjewa onto wɔkɔpɛ ndjilela oloko. Bible ntepelaka ante ‘onto wopalekɔ la balo angawolake nkambo nkfumɔ, koko onto wɔ nkɛsɔ angokanelake lá ntondo kɛ nangha djoyi.’—Woongo 14:15.

•   Djɛ ndjewa akambo amɔtshi wa djonyi wangokokotshɛ djɛ ndjewa nkambo dj’okokɛ ndjɛkɛ oloko kana lako, wala djamba: “Nasala nini mpo namibatela na bansango ya lokuta?.”

 Lonkina, kaanga ase pɔlitikɛ walekɔ sii edjinge la nanghedji djɛ wɔlɔ walekɔ l’akambo amɔtshi wa yopakoke nangha. Djɛkɔ ndeke Bible akfɛ ante:

•   ‘Nyotayawɛkɛke le ankfumi yel’andja, ladjikɛnde anto wapalekɔ la wolo wɔ mbikɛ.’—Yeembo 146:3, Bible na lingala ya lelo oyo.

 Bible nyɛnyɛka ante Ndjambe ambila nkfumi kelekɔ́ l’akoka ndeka ankfumi inkfumɔ edjinge k’ɛdje djɛ ndjɛkɛ oloko: Yeso Kristo. (Luka 1:32, 33) Yeso ndeke Nkfumi k’Onkfumi wɔ Ndjambe, onkfumi wɔngɔlɔndjɛ m’olongo.—Mateo 6:10.

•   Hona djɛ ndjewa ladjikɛnge okokɛ ndjilela Yeso oloko edjinge akambo wa ndongonangha djɛ nyimɛ ekakasano w’opomanaso lɔɔko kɛnɛ. Wala djamba: “Ele Nkumekanga ka Diolelo diaki Nzambi?” edjinge “Bokonzi ya Nzambe ekosala nini?”