NYOWADJƐKE!
Mbandji kel’Ukraine kemboyakala ntshamba djɛ nkete l’andja w’ontondo
Lá Ngɔndɔ k’atano 19, 2022, ase Conseil de sécurité des Nations Unies wekameyɛka ase elemo ndekana 75 watepela ambɔ, “osambo wɔ nkete wombingila l’andja w’otondo, wamboshiyɛ mvundama má opela wɔ COVID-19 edjinge otshikitano wɔ deko, djembofudjɛ ndjala lá looko l’otondo má mbandji kelá Ukraine.” Ndambo m’ɔkɔngɔ, jurnalɛ The Economist ntepelaka ante, “mbandji ntshindaka andja wa wɔdju tá ndjala.” Ndeke Bible ndasakola ante osambo wɔ nkete wongoya lá etsho wɛso wɛnɛ, koko atokotshɛ́ dj’iso ndjewa mpikama.
Bible ewoyɛka osambo wɔ nkete djɛ ndɛ
Yeso ewoyɛka ante: “Owila wongonana l’owila onkina edjinge onkfumi wongonanyɛ onkfumi onkina, ndjala yɛ nkasa [ingoyala].”—Mateo 24:7.
Onkanda wɔ Ndjiso welá Bible atepela nkambo djɛ mpunda inɛyi yɛ djingingi. Mpunda kɛmɔtshi osakisolande nde mbandji. Kɛmɔtshi k’ɔwɔlama osakisolande nde ndjala, winá ɛmɔtshi wɛ nkete djɛ ndɛ yongoyala wolo ntanema ko kana oshinga wɔ nkete yongohanda lombombe. “Ko lemi ndendaka, nyɛnyi ngo mpunda kɛ tshulu edjinge kanga lowapemisá ayalaki la kilo lá lɔwɔ lɔnde. Ko ndjokaka djoyi . . . Djetepela ante: ‘Kilo k’emponga kembokoma dɛnariyɔ mmɔ edjinge kilo! Kilo isato y’asami dɛnariyɔ mmɔ.’”—Ndjiso 6:5, 6.
Prɔfɛsi kelá Bible kɛsɔ kɛnyɛ osambo wɔ nkete kekotshama lɔɔko kɛnɛ lá deko djɛ Bible etande ante ‘etsho w’ekomo.’ (2 Timɔte 3:1) Djɛ ndeka ndjewa akambo efula walendana ‘l’etsho w’ekomo’ edjinge nsakiso kɛ nyama inɛyi yelá onkanda wɔ Ndjiso, lenda video: Mokili ebongwaná banda 1914 edjinge wala djamba “Ambahemi wa mfalasa anɛi—Waa na wewɔ?”
Wopo wɔ Bible okokande nkokotshɛ́
Bible alekɔ l’alako wa wɔlɔ wa koka ntokotshɛ́ dj’iso mpikama lá ntondo k’ekakasano, ndjila edjinge ohandelo w’eshinga wɛ nkete djɛ ndɛ ko kana okakitelo wɔ nkete djɛ ndɛ. Ndjɔmbɔmba lenda ndjamba: “Comment vivre avec moins.”
Bible atɔpɛyɛ nkongi lonkina ante akambo wangɔlɔngɔswama. Atolaka winá wɔ ‘nkete djɛ ndɛ ngoyala tshangana tshangana lá looko’ edjinge anto ankfumɔ wangoyala la nkete djɛ ndɛ. (Yeembo 72:16) Djɛ ndeka djewa akambo efula walendana la nkongi djɛtɔpɛyɛ Bible l’etsho weyaye edjinge lá donga dj’okokɛ ndawɛkɛ tende, wala djamba djelekɔ́ l’ɔtɛ: “Elikya ya solosolo mpo na mikolo ezali koya.”
