NYOWADJƐKE!
Bible otepelande mo lá nkambo dj’ɔtɛmwɛlɔ wɔ tosakandole?
Lá nkilika jurnalɛ mɔtshi dj’etawɔ Catholic News Service, l’ilá kɛ selemɔni kɛmɔtshi kenanghemisá lá Basilique Saint-Pierre lá Ngɔndɔ k’asato 25, 2022, Pápa Francis emalaka lá ntondo k’isakandole yɛ Mariya, “adjipaka wiso, akfusamaka ko alɔmbaka l’oloko wɔnde.” Nde “ndalɔmbɛ nde djɛ Mariya” ndjila vu l’andja w’otondo. Djamba mɔtshi djelá sitɛ k’Ɛntɛrnɛtɛ kɛ Vatican News ntepelaka lonkina ante: “Pápa alɔmbaka ngo djɛ ndɔmba Mariya alame anto w’andja w’otondo l’oloko, pekapeka anto welá ngando kɛ Russie la k’Ukraine.”
Okanelɛ ente mo? Alekɔ wɔlɔ ndɔmba lá ntondo kɛ tosakandole kana nkamba la tɔkɔ l’ɔtɛmwɛlɔ? Tokolenda avɛrse welá Bible wanɛ:
‘Tonanghake esakandole kana ɛfɔ k’ekete kɛmɔ kel’olongo lá djiko kana kelá looko l’anse kana kelá washi l’anse kɛ looko. Tokfusamelake edjinge tookambelake olemo, ladjikɛnde lemi Yehova Ndjambe kɛko ndekɔ Ndjambe kɛlɔmbaka djɛ malema ngo nyalemi toko.”—Eposelo 20:4, 5. a
‘Tosakandole tɔwɔ tolekɔ mfɛsa la mpaonyi, olemo wɔ ɛwɔ wɛ wanaw’anto. Tɔkɔ tolekɔ la ɔlɔmɔ, koko topewaka ntepela; la wiso, koko topakoke nyɛna; tɔkɔ tolekɔ la atoyi, koko topakoke ndjoka; la welo, koko topakoke ndjoka nsolo; tɔkɔ tolekɔ l’ɛwɔ, koko topakoke nkota kaanga ekete; la ekolo, koko topakoke nkakɛnda; tɔkɔ topaposɛka kaanga djoyi má wedji wɔnde. Anto wasɛlaka wangokoma etengo tɔkɔ, nghɔsɔ ndeke yongoyala edjinge waayawɛkɛ te tɔkɔ.”—Yeembo 115:4-8.
‘Lemi ndeke Yehova. Ɔsɔ ndeke djiina djɛmi; Lemi mpapɛyɛ kaanga onto lomo lɔmi, kana mpɛyɛ lowando lɔmi te tosakandole.”—Izaya 42:8, nɔtɛ.
‘Nyolote ɔtɛmwɛlɔ wɔ tosakandole.”—1 Kɔrɛtɔ 10:14.
‘Wana wandɛngɛ, nyolote tosakandole.”—1 Djɔanɛ 5:21.
Djɛ ndjewa wayi ankina watepela Bible lá nkambo dj’okambelo wɔ la tosakandole kana mpengu l’ɔtɛmwɛlɔ, wala djamba djelekɔ́ l’ɔtɛ wɔ djoyi ante: “Ikanyi yɛ Bible—Lá nkambo djɛ tosakandole” kana lenda video djelekɔ́ l’ɔtɛ ante: Dieu veut-il qu’on l’adore avec des images ou des objets ?
Okombola ndjisola lonkina kɛnɛ kɛ Bible otepelande lá weepó wɛnɛ:
« Miracles et apparitions — Des manifestations divines ? »
Photo credit: Vincenzo Pinto/AFP via Getty Images
a Yehova nde ndjiina djɛ Ndjambe. (Yeembo 83:18) Lenda djamba “Oye Yehova na?”
Isola lonkina
NYOWADJƐKE!
Bible otepelande nge lá nkambo djɛ ntolo edjinge mbandji kelá Ukraine?
Ewandji wɛ ntolo w’enkoko epe wɛkɔ wenana mbandji wakamba la lowandji lɔwɔ lá lɛdji lotshikitanyi la kɛnɛ kɛ Yeso ndalakanyɛ ambeki wande djɛ nanghaka la dj’ipa nanghaka.
