Lá Ngɔndɔ k’asamalo 17 2024, Dr. Vivek Murthy, owandji w’adɔkɔtɛrɛ welá États-Unis atepela ante: “Elando wɛ dɛngɛ otatawɔ l’ɔtɛ alekɔ nkambo dj’oyɛso ladjɛ ndjila yimba edjinge wa rɛzo socio wemboyala ikɔkɔ yɛ nkambo djɛsɔ.”

 Wopo wɔkɔnge ambotshi okokawɔ nama wana wawɔ má ambalaka yeyɛ má wa rɛsɔ socio? Bible djepɛyɛ alako wa balo lá nkambo djɛsɔ.

 Tokolenda tɔkfɔ tɔ Bible tɔnɛ.

 ‘Kanga nkɔmɛ angɔtɔnɔlake lá djina nkfumɔ dj’otapolande.’—Woongo 14:15.

 Má ndenda ambalaka yeposá, totshikake wɔnako kana ndopɛyɛ mbamba kɛnde nkamba la rɛzo socio kana Ɛntɛrnɛtɛ. Lá ntondo kɛ wɛ mpɛyɛ wɔnako lotshungɔ lɔnde nkamba la rɛzo socio kana l’ɛntɛrnɛtɛ, yashikikɛ ente wɔna ambokoma ekokolo djɛ nde ndjewa ndɔsa akano la nɛmɛyɛ winá, ndewa ndashikikɛ djokanelo djɛ wɔlɔ edjinge nkamba lá lɛdji lɔɔ wɔlɔ.

•   Djɛ ndjewa akambo ankina, wala djamba: “Mon enfant devrait-il utiliser les réseaux sociaux ?” edjinge “Protégez votre adolescent des dangers des réseaux sociaux.”

 ‘[Kamba] la winá wɛnyo lá wopo woleká wɔlɔ.’—Ɛfɛsɛ 5:16.

 Ntsha ambɔpɛyɛ wɔnako lotshungɔ lɔ nkamba la rɛzo socio, ilelande ɛlɛmbɛ lá wopo wɔ nkamba edjinge lembetshiyɛnde wopo wɔ nde ndalama má okambelo wɔ l’ɛntɛrnɛtɛ. Wadjɛ l’etshikitano enkfumɔ w’okokande nyɛnyɛ má nanghedji wekoká nkɔpɛyɛ mbamba kɛ wɛ ndɔsa nkano djɛ ndooshimba dj’ipa nde nkamba lonkina la rɛzo socio.

•   Kamba la tablo kɛ mpɛmbɛ Onga la yewo lo réseaux sociaux djɛ nkotshɛ wɔnako djɛnde ndjewa lamo ndawilela elelo oyɛwɔ ndjonyi.

  Bible atepela ante towika ‘l’etsho wɛ wolo nkfulumeyɛ.’ (2 Timɔte 3:1-5) Lá winá wɔk’ɔmɔ, djɛpɛyɛ alako wakoka ntokotshɛ djɛ mpikama. Bible apɛyɛ listɛ lɔ wamba 20 lɔ ambotshi la wana okokawɔ mba okotshɔ lá timba tɔ elangala l’eseka. Ekakasano wetshimbɛ yimba wepomana l’elangala l’eseka.