NYOWANDJƐKE!
Taane t’indeko l’andja w’otondo—Kɛkɔnge kɛ Bible otepelande?
Lá Ngɔndɔ k’esambele 2022, taane t’indeko tolekaka la wopo wɔ yotananghemaká ntondo l’andja w’otondo, etengo losango lɔmɔtshi ɛnyɛwɔ:
Lá mbala k’epe kɛ Ngɔndɔ kɛnɛ, ewandji wɛ ngando kɛ Chine w’ewoyɛka anto ambɔ yaane ingoyala wolo efula lá angando nsuke la 70.”—Ngɔndɔ k’esambele 25, 2022, shɛnɛ yɛ TV CNN.
“Etengo lá Europe taane tomboleka efula, kɛsɔ keposɛ tɔyɛ djɛ ntshumba ekonda la nkete dj’anto.”—Ngɔndɔ k’esambele 17, 2022, jurnalɛ The Guardian.
“Lofu lɔ lobengo lá angando efula yel’États-Unis, yaane iwalaka lá lɛdji lɔ yotawalaká ntondo. Taane tɔsɔ toyalaka lá angondo yelá Est, lá djena mɔtshi djelá Sud la lá ngando kɛmɔtshi k’etawɔ Midwest.”—Ngɔndɔ k’esambele 24, 2022, jurnalɛ The New York Times.
Kenkfumɔ kɛnɛ osakisolawɔ nge? Looko lɔnɛ longoyala lá wopo wɔ sopakoke mbika? Bible otepelande nge?
Bible alakaka ante taane tɔ nghɔnɛ tongoyala?
Ee. Efula kɛ taane tɔ wolo tokota andja w’otondo mfɛnaka la akambo wa Bible ndewoyɛ djɛ eleko kɛso kɛnɛ. Ndjɔmbɔmba, Yeso alakaka ante tɔngɛna ‘nkete djɛ wɔma’ kana ‘tolembetelo tɔ nkekete.’ (Luka 21:11; Bible Haut fleuve) Etengo taane yomboleka wolo, anto efula wambotateyɛ ndjoka wɔma ambɔ akambo w’anto onanghawɔ nkoka ndoleka ntshita looko dj’ipa anto ndintasɛ l’eteyi.
Anto wapangintasɛ lonkina lá looko?
Lako. Ndjambe ananghaka looko djɛ anto nyintasɛ lotshinda l’eteyi. (Yeembo 115:16; Losanghanyɛ 1:4) Apangawola dj’anto ntshita looko, Nde alaka ante, ‘angotshita anto watshita looko.’—Ndjiso 11:18.
Toko shishima prɔfesi ipe yɛnyɛ kɛnɛ kɛ Ndjambe ndalake lá nkambo djɛ looko:
‘Esowe la nkɛtɛ y’onkawo yengoyala l’osasa edjinge nkɛtɛ yɛ lɔsɛnga yengoyala l’osasa la yengopɛsɛ ansoso lombombe.’ (Izaya 35:1) Ndjambe apangotshi djɛ looko nyoma ko nkoma lɔsɛnga, koko angɔlɔngɔsɔla todjena tɔkɔ tɔnkfumɔ.
‘Ongilake looko yimba, djɛ wɛ mpɛyɛ (looko) nkete efula, ko ongokomɛ la nkete efula.’ (Yeembo 65:9) Ndjambe angɔtshɔkɔla djɛ looko nkoma paradiso.
Djɛ ndjesa akambo ankina wɛnyɛ wopo wɔ etshitanelo kɛ looko okotshɛwɔ alaka welá Bible, wala djamba “Les changements climatiques et notre avenir : qu’en dit la Bible?.”
Djɛ ndjewa akambo ankina walendana la prɔfɛsi yelá Bible yɛnyɛ ente akambo walendana la taane tɔngɔsɔnga, wa djamba “Qui sauvera la terre?”