Lofu l’anɛyi etsho 24, Ngɔndɔ k’ape 2023, ayalaka bokfɔ djɛ ntondo djɛ ntondo djɛ mbandji kelá Ukraine. Lá nkilika alapɔlɔ am-tshi, angala w’ase Ukraine la Russie etengo 300 000 wayakemaka kana mpotala edjinge wawala lonkina ase mbandja etengo anto 30 000 wavɔka má mbandji kɛsɔ. Djɛkondeke, lofulo lɔ nsɔsɔlɔ nkoka ndekana lɔ yombɔpɛyɛ lɔnɛ.

 Yɛnyi nde, ekomo kɛ ntshamba djɛ djokanelo djepalekɔ lɔɔko la lomi.

•   “Nsuke la ɔnɔnyi ɔmɔ mɔkɔngɔ wɔ ase Russie nanyɛ Ukraine, lako ilembetelo yɛnyɛ nsɔsɔlɔ ente ntshamba djɛ djokanelo djɛnɛ ngoshila. Lako kaanga nkambo mmɔ djɛnyɛ kɔɔ ente wamɔtshi wangowa mpongo, wangintasɛ lá mɛsa kɛ djokanelo djɛ ndɔngɔsɔla akambo koko k’enkfumɔ k’otepelawɔ wapokana.”—NPR (National Public Radio), Ngɔndɔ k’ape 19, 2023.

 Efula anto wambowanga ndjala la lowiko lɔ ndjolo yeyɛ m’ambandji edjinge ankina wɛna ndjolo lá looko l’otondo ipa lowo lɔ mba. Nkongi djɛkɔnge Bible ɔpɛyɛnde? Ambandji ingoshiya lofu lɔmɔtshi?

 Bible ntepelaka djɛ mbandji kɛmɔtshi kepangotshitá andja, koko kengowikɛ́. Mbandji kɛkɔ ndjetamaka Armagɛdɔ, la oyɛnde nde ‘mbandji kɛ lofu l’ekekete lɔ Ndjambe Kanga-Nkfulu-Ikfumɔ.’ (Ndjiso 16:14, 16) Má mbandji kɛsɔ, Ndjambe angokomɛ ɛlɔndjɛlɔ kɛ wana w’anto, wanɛ walekɔ́ la lowo lá wopo w’otshitawɔ looko. Djɛ ndjeka wopo wɔ Armagɛdɔ yongokomɛ anto lá vu djɛ lotshinda, wala wamba wakilika wanɛ:

•   “Ta di’Aramangɛdɔna kɛdikɛdi na?”

•   “Armaguédon : une bonne nouvelle !”