Lɔɔko kɛnɛ, lofulo l’anto walekɔ́ nyimi lolekɔ ete ngo miliyɔ 70 wel’andja w’otondo edjinge anto efula wasawolá má nkamba la otepela mɔtshi w’ase nyimi má etepela 200 wɛ ase nyimi. Nkambo djɛ yɛnyi nde, ase limi wapɔsamaka la ntshina me anto efula, ete ngo alapɔlɔ wanɛ ɛnyɛwɔ:

•   Alapɔlɔ wa Association nationale des sourds (U.S.) watepela ambɔ: “Lá andja w’otondo, anto wapewe ntelela edjinge wapoke, wapalekaka mba lotshungɔ lɔwɔ l’oyɛwɔ la djonyi.”

•   “Lá ewila wɛ okfudji, anto wa nyimi walekɔ l’anteyi k’anto waleka omvɔ, wapewe enkanda efula, wapawa elemo edjinge wapaleke ndjewa nsango.”—Fédération mondiale des personnes sourdes.

 Ndjambe okanelande mo lá nkambo dj’ase nyimi? Kɛkɔnge kɛ Bible otepelande lá nkambo dj’ase nyimi? Edjinge wopo wɔkɔnge Ewakɛ wɛ Yehova ákotshɛ́wɔ lɔɔko kɛnɛ?

Ikanyi yɛ Ndjambe lá nkambo dj’ase nyimi

 Bible nyɛnyɛka djɛ Yehova a Ndjambe ndjilaka ase nyimi yimba. Nde nkɔpaka dj’iwɔ ndɔsama la ntshina edjinge mba ɛtshɔkɔ weyɛ má olakanyelo wɔ ápɛyɛnde.

 Efunelo: “Opakoke ladjɛ ndɔka kanga limi.”​—Ase lewi 19:14.

 Efunelo: ‘Ndjambe apasɔnaka dongi.’​—Elemo 10:34.

 Efunelo: ‘Yeso atakindolaki l’a ewila enkfumɔ . . . , atapoposanyɛ losango lɔ bango l’Onkfumi.’​—Mateo 9:35.

 Efunelo: Yeso ananghaka kaanga djɛ ‘ndawekameyɛ edjinge djɛ nsawola nyawɔ.’​—Marko 7:37.

 Efunelo: ‘Atoyi w’anto wapoke wangodjipɔ.’​—Izaya 35:5.

 Nsakiso: Yehova alakaka ante ase nyimi wangoka.​—Izaya 29:18.

Wopo wɔkɔnge Ewakɛ wɛ Yehova okotshɛwɔ ase nyimi lɔɔko kɛnɛ

 Ewakɛ wɛ Yehova watshanghanyɛ losango lɔ nkongi lɔ Ndjambe le nyimi inkfumɔ yelá looko l’otondo. Kɛkɔnge k’onanghaso djɛ nkotshɛ nkambo djɛsɔ? Toposɛ avideo wa wekelo wemá Bible edjinge Bible l’etepela w’ase nyimi ndekana 100. Tɔlɔndjɛ lonkina wekelo wɔ Bible edjinge tolonghanyɛ nsanghanyɛ y’Akristo lá otepela w’ase nyimi. Akambo wasɔ ankfumɔ onanghaso ngo ofele le onto onkfumɔ wɔkɔpa mba okotshɔ wɔ Ndjambe. Lamo? Ladjikɛnde Yeso atɔlɔmba ante: ‘Nyolongolaka ofele, nyɔpɛyɛ ofele.’​—Mateo 10:8.

 Wɛ nkoka ndjingela lá mpeko djɛsɔ má ɛntɛrnɛtɛ kana ndateleshargɛ lá aparɛyi wako má ndjingela lá lien lɔnɛ:

 Lá JW.ORG. Mɔnya ilembetelo y’otepela lá djiko djɛ nkishi lá sitɛ djɛ ndjisola tokanyi telá otepela kɔɔ wɔ ase nyimi.

 Lá JW Library Sign Language app. Telechagɛ aplikasiɔ ofele lá aparɛyi wako edjinge wɛ nkoka nteleshargɛ kana nkapana avideo welá otepela wɛ nyimi.

Elakanyelo wemá Bible w’olakanyɛso oyɛwɔ mampe?

 Bible lá otepela wɔ nyimi. New World Translation of the Holy Scriptures alekɔ Bible dj’otondo djɛ ntondo dj’otepela w’ase nyimi lá otepela w’ase Amèrique. The New World Translation dekɔ win’ɔsɔ l’otondo kana etenyi l’etepela efula w’ase nyimi, l’etepela efula w’apema ɔnɔnyi onkfumɔ. (Djɛ ndenda listɛ lɔ etepela kana djɛ ndenda Bible djelá ɛntɛrnɛtɛ, lenda ipapango: “ Bible Ekadjimwelo k’Andja wa bango l’Otepela w’ase nyimi.”)

•   Lenda video La Traduction du monde nouveau en entier est maintenant disponible en langue des signes américaine djɛ ndjewa akambo walendana l’olemo wonanghema djɛ mposɛ Bible l’otepela w’ase nyimi.

•   Djɛ mba balo má ndɔngɔsɔla mbadji djɛ Bible, teleshargɛ aplikasiɔ wa JW Library Sign Language. Aplikasiɔ wasɔ wangɔkɔtɔla djɛ nkoposeyɛ vɛrse kɔɔ l’otepela w’ase nyimi la Bible.

•   Dmytro nya Vita walekɔ ambotshi wa nyimi, edjinge la wana wawɔ woka. Lenda wopo wɔ nkfumbo kɛwɔ owawɔ ɛtshɔkɔ má ndenda Bible lofu la lofu lá otepela w’ase nyimi.

 Video djɛ wekelo wɔ Bible. Ewakɛ wɛ Yehova waposɛ avideo efula w’otepela w’ase nyimi djɛ nkotshɛ́ anto djɛ ndjoka edjinge nkamba la Bible lá wayi w’ete ngo . . .

•   Antshukanyi edjinge nkfumbo

•   Dɛngɛ edjinge endjemba

•   Wana

 Wekelo wɔ Bible w’onto nyɔmɛlɛ. Eka losango lɔ Bible má otepela w’ase nyimi má okotshɔ wɔ wetsha ɔmɔtshi. Lɔmba ndjɔmbɔmba kɛmɔtshi kɛ wekelo wɔ Bible wɔsɔ.

 Jeson Senajonon kanga lowika lá Philippines. Wekelo wɔnde wɔ Bible wokotshɛ́ka djɛ nde mfudjɛ djokanelo djɛnde nya Ndjambe.

 Mario Antúnez kanga loyalaki pastɛrɛ l’etolo kɛ Honduras. Lenda wopo wɔ ndisola nsakiso lá weepó wɛnde welá Bible, ete ngo ndasipisoyɛ l’ɔkɔndɔ wɔnde: “Nazalaki na mituna mingi kasi ezangaki biyano.”

 Nsanghanyɛ yɛ daambi edjinge yɛ nkekete. Tolekɔ la ntshumano la toloyi tɔ ntshumano l’andja w’otondo, tɔ ase nyimi osanghanawɔ djɛ ndjeka la ntɛmɔla lobengo lonkfumɔ. Tɔlɔngɔsɔla lonkina nsanghanyɛ l’akambo ankina wa djonyi wemá Bible lá otepela w’ase nyimi ɔnɔnyi onkfumɔ. Lá winá wɔ nsanghanyɛ la elonghanyelo wɛso, tonghonangheke yopo imɔtshi le anto wapoke la wapɛnyi. Tilá nkete nkfumɔ djɛsɔ ofele edjinge la otepela wɔ braille.

•   Isola otshumano ɔmɔtshi wolekɔ́ entshupa la wɛ.

•   Hona djɛ ndjewa losanghanyɛ lɔmɔtshi lɔ rɛjɔ la nsanghanyɛ yɛ nkekete.

•   Ingela lá Bokfɔ djɛ Nyɔyi kɛ Yeso, losanghanyɛ lɔso loleki djonyi efula lel’ɔnɔnyi.

 José Luis Ayala wawika lá Mexique. Nde awotshɔka ambowodjɛ wiso. Eka djɛ ndjewa wopo wɔ yokotshɛ́ djɛ ndjala ombeki wɔ wɔlɔ wɔ Bible.