L’etsho we akristo we ntondo, iloyi imɔtshi y’“apɔstɔlo l’ankɔlɔma lá Yerusaleme” wayalaki iloyi inalɔndjɛ dje ndjɔsaka akano we gkekete lá gkambo dje otshumano w’akristo ankfumɔ wanɛ wambokfutamá awuta. (Elemo 15:2) Dje yankfumɔ nsanga djoyi m-mɔ lá akano w’iwɔko, walendaki ntondontondo wopo we Afundelo otepelawɔ, la watshikaki edjimo ke Ndjambe kaakɛndjɛ. (Elemo 15:25) Lɔko ɛkɛnɛ, akambo onanghemakawɔ ngo wopo ɔkɔ.

Ndjambe akamba la wɔ dje nangha ɛkɔpa ke nd’eko. Akristo wanambokfutamá awuta wanɛ wakambá l’Iloyi inalɔndjɛ wakopake Otepela we Ndjambe efula, la wewa efula wopo we nonghanyɛ olemo w’isoko la nsembola akambo wanalendana la Ndjambe. Wayalake la losanghanyɛ lobengo la lobengo dje ndenda akambo wanonama dje nkotshɛ nkfumbo k’Atemwe l’andja w’otondo. Ngo te yoyalaká l’etsho w’akristo we ntondo, watomake alako we ma Bible ma losamvɔ l’ekanda la le alami wanetetaka, kondo ko ma wopo onkina. Ɔsɔ nkɔtshɛká ankambi we Ndjambe dj’iwɔ ndjalá djɔyi ngo m-mɔ, eyale lá tokanyi, eyale l’elemo w’iwɔkɔ. (Elemo 16:4, 5) Iloyi inalɔndjɛ walendake olemo we nonghanyɛ toma te l’edjimo, watɔkɔkɔmiɛke amɔ onto l’onto ile olemo we nsakola losango le wɔlɔ lá ntondo, la walendake olemo we mpɛyɛ akristo amɔtshi edjito l’otshumano.

Watshikake edjimo ke Ndjambe k’aalɔndjɛ. Iloyi inalɔndjɛ olendakawɔ wiso ngo te Yehova, Nkfumi Lapamela l’Andja w’otondo la te Yeso, Nkfumi k’otshumano, dje iwɔ ndjaalɔndjɛ. (1 Kɔrɛntɔ 11:3; Ɛfɛsɛ 5:23) Ase Iloyi ikɔ wapayawosaka te ankfumi y’anto we Ndjambe. Esanga l’akristo ankina wanɛ wambokfutamá awuta, iwɔ “wakindjɛ ngo ndɔnda Won’e Mpanga [Yeso], eyale etena ekɔ nke nyoyatshu.” (Ndjiso 14:4) Iloyi inalɔndjɛ watokaloyɛke lokasa efula nde tɔlɔmbɛla Ndjambe lá gkambo dj’iwɔko.

• Lá etsho we akristo we ntondo, oyalaki l’iloyi inalɔndjɛ na?

• L’etsho we lɔko, Iloyi inalɔndjɛ onanghakawɔ mo dje Ndjambe ndjaalɔndjɛ?