Lá nsanghanyɛ y’iwɔkɔ, mbala efula akristo we ntondo watshumbaki tembo, walɔmbelaki Ndjambe, watangaki la wasipisoyɛki Afundelo; nsanghanyɛ y’iwɔko itayalaká l’esambo lako. (1 Kɔrɛntɔ 14:26) Akambo we wopo ɔkɔsɔ nde okoke nyɛna lá nsanghanyɛ y’isoko.

Elakanyelo we ma Bible la we nkoka ntokotshɛ. Lá mpɔsɔ kondo lá lobengo, otshumano ɔmɔmɔ wosanghanake dje ndjoka Djambá ma Bible dje minite 30. Djambá gkɔ ntɛnyɛká wopo ɔkɔ nke Afundelo olendanawɔ la lowiko l’isoko kankina ko l’akambo w’etsho we lɔko ɛkɛnɛ. Walombake onto l’onto alande lá Bible dje nd’eko. Nde djambá gkɔ mbosila, tonanghake “Wekelo w’Etange k’Olami” lá wíná ɔmɔ we ntango. Onto l’onto l’otshumano akoka mpɛyɛ ikanyi ye nd’eko lá wíná wɔnɛ ekakiso djambá mɔtshi ma jurnale Etange k’Olami [La Tour de Garde] dje wekelo. Wekelo ɔkɔ wotokotshɛke dje iso ndjewa nama wɔlɔ alako we Bible lá lowiko l’isoko. Ngo djambá mɔko gkɔ nde Atemwe ekakakawɔ l’etshumano ndeka 110 000 l’andja w’otondo.

Watokfumbake dje iso ndjewa ndakanyɛ. Tosanghanake koko lofu onkina l’antei ke lobengo lá losanghanyɛ le dtenyi 3. Tonanghake ntondo Wekelo we Bible w’Otshumano lá minite 30. Oyalakawɔ nde djambá mɔtshi dje wepó-la-ndjɔndɔ dje ntokotshɛ dje iso ndjewa wɔlɔ tɔkfɔ́ la esakó we Bible. Kankina koko tonanghake Kalasa k’Olemo we Teokrasi lá minite 30. Dje mbanga, tolendake etenyi ɛmɔtshi ke Bible ke ase otshumano yowale onto l’onto ntondo. Ambeki we kalasa ɛkɔ wapeyeke wamba we totenyitotenyi, ko wetsha ɔmɔtshi aapɛyɛke alako lá toyoyi tɔmɔtshi dje iwɔ ndjewa ntanga la ntepela wɔlɔ. (1 Timɔte 4:13) L’ekomekomo, tonanghake Losanghanyɛ l’Olemo lá minite 30. Eyalake wamba, wandjɔmbɔmba, la wepó dje iso ndjewa ndakanyɛ anto Bible.

Nde omboyɛ ya nsanghanyɛ y’isoko, opangosamba ntɔla djambá lá nyɛna wopo w’elakanyelo we wɔlɔ we nghongoka l’anko.​—Izaya 54:13.

• Okoke ndjoka akambo akɔ nke lá nsanghanyɛ y’Atemwe ye Yehova?

• Okope ntshɔ ta losanghanyɛ ɔkɔ nke loyayé?