DJAMBA 11
Otshɔkiso ta nsanghanyɛ ye gkekete la nke?
Mexique
Allemagne
Botswana
Nicaragua
Italie
Anto akanɛ ewɔ dongi osasa nghɔnɛ la nke? Gkambo nde walekɔ lá losanghanyɛ l’isoko ɔmɔtshi l’ekekete. Ngo te ankambi we Ndjambe w’etsho we ntondo wanɛ yosimelá amɔ wangosanghanaka mbala isato lá mvula, iso ko tokongelake nsanghanyɛ y’isoko ye gkekete l’osasa efula. (Mvungo K’ɛlɛmbɛ 16:16) Mvula la mvula, toyalake la nsanghanyɛ isato: nsanghanyɛ ye ndjingandjinga ipe ye otsho ɔmɔ la losanghanyɛ le rejiɔ ɔmɔ le etsho esato. Wɔlɔ ɔkɔ nke owakiso ma nsanghanyɛ ikɔ?
Ikembieke djokanelo dj’isoko dje wana’a nkfumbo. Ngo te ase Israele yokaká osasa we ndjumiɛ Yehova “lá nsanghanyɛ ye gkekete,” iso koko toyalake l’osasa dje nyumiɛ Yehova esanga lá nsanghanyɛ ye gkekete. (Yeembo 26:12, note;111:1) Nsanghanyɛ ikɔ itopeyeke mbamba ke ndjɛ yopomana la yɛnana l’Atemwe m’etshumano enkina kondo m’ewila enkina. La midi, tolɛke toma esanga l’etena ke losanghanyɛ; ɔsɔ alekɔ djoyi nkina dj’osasa lá nsanghanyɛ ikɔ y’akambo we Ndjambe. (Elemo 2:42) Lá nsanghanyɛ ye gkekete, tenake pololo ngandji kɛnɛ kesanghanyɛ́ “nkfumbo enkfumɔ ke boto” dj’isoko l’andja w’otondo.—1 Pɛtɛlɔ 2:17.
Itokotshɛke dje mfula l’edjimo. Wɔlɔ onkina we ase Israele yowaká nde “wasipoyɛki etepela” w’Afundelo wɛnɛ yaasakisolaká. (Nɛhɛmiya 8:8, 12) Iso koko tɔkɔpake efula alako we Bible wanɛ ɔtɔpɛyɛkawɔ lá nsanghanyɛ y’isoko ye gkekete. Losanghanyɛ la losanghanyɛ ndjalaká la ɔtɛ we djoyi we ma Bible. Lá ndjoka wadiskuru ye wɔlɔ, la wadiskuru ye dtenyi efula, la wamba we mfɛnyɛ akambo we somɛná, tekake dje ndjewa wopo we nangha ɛkɔpa ke Ndjambe lá lowiko l’isoko. Etokiembieke otema lá ndjoká wamba w’anto wanɛ wapakalɔ mbisa lá lowiko l’ose Kristo l’etsho ɛkɛnɛ w’ekakatano. Lá nsanghanyɛ ye rejiɔ, wadrame imɔtshi inanghemake l’ɔlɔtɔ w’anto we ntondo; wadrame ikɔ yɛnyɛke ɛkɔndɔ we Bilble pololo kape ko itopɛyɛke alako we wɔlɔ efula. Lá losanghanyɛ la losanghanyɛ, anto wakɔpá nyɛnyɛ lá wiso w’anto amɔ wambopɛyɛ lowiko l’iwɔko le Ndjambe wosake batisimo.
-
Gkambo gkɔ nke oyalakiso l’osasa dje ntshɔ ta nsanghanyɛ ye gkekete?
-
Wɔlɔ ɔkɔ nke okoke mba nde ombotshɔ ta losanghanyɛ l’ekekete?
