Lokasa, lokasa te nghombosa wíná dje ndenda ikakanda ikinɛ dje nkoka ntewa iso Atemwe ye Yehova wɔlɔ, dje ndjewa elemo w’isoko, la dje nyɛna wopo ɔkɔ nke olonghanyelo w’isoko ɔkambawɔ. Tokanela ente akambo akɔ wambokokotshɛ dje wɛ nyɛna ente iso nde anto wananangha ɛkɔpa ke Yehova lɔko ɛkɛnɛ. Tɔkɔlɔmba dje wɛ nkindjɛ ndjeka dje mba ewo ke Ndjambe, dje wɛ nsimela ase nkfumbo k’ɛko l’ambayi y’ɛko akambo wana weke, la dje wɛ nkindjɛ nsanghana l’iso lá nsanghanyɛ y’isoko.​—Hebero 10:23-25.

Onghɛna ente nde oyaleke ndjewa Yehova wɔlɔ, wiso wɛko ko wangodjifɔ efula dje wɛ ndembetela ente ntshende akɔkɔpake efula. M’anko, ongoka ngandji ke nangha la wolo w’ɛko onkfumɔ akambo we nkoka ndjɔwɛnyɛ ente wɛ koko wɔɔkɔpa. (1 Djɔanɛ 4:8-10, 19) Yako okoke nyɛnyɛ lá lowiko l’ɛko ente ɔkɔpa Ndjambe wopo ɔkɔ nke? Ewɔ wɔlɔ dje wɛ nɛmɛyɛ tɔkfɔ́ te nd’eko lá gkambo dje wɔlɔ l’owe la nke? Kankina ko ekete ɛkɔ nke kekoká nkokotshɛ dje wɛ nkɔpa nangha ɛkɔpa ke Ndjambe esanga l’isɔ? Temwe enekaka Bible la wɛ angoyala l’osasa dje nkɛɛnyɛ ndjɔndɔ ye wepó ɛkɛsɔ, dje wɛ nya nkfumbo k’ɛkɔ nyokoke “ntshikala ngo lá ngandji ke ndjambe, . . . la nkongela lowiko l’itshinda.”​—Yuda 21.

Tomboketa dje we nkindje nfula lá mboka ke solo ma ndjeka onkanda “Tshikala lá ngandji ke Ndjambe“(Oetetela).