Yeso Kristo asimelaka ambeki we nd’eko ante: “Djɛdjɛ dj’inyoko nghainghe lá ntondo k’anto, dje wɛnyi elemo w’inyoko we wɔlɔ la watombole Papa k’inyoko onalekɔ l’olongo.” (Mateo 5:16) Dje nangha wopo ɔkɔsɔ, tokambake l’akambo we teknoloji w’etsho we lɔko, tɔsi te Internet. Site jw.org nde site ke Internet k’isoko. L’anko nde anto wakokawɔ nyɛna akambo we Atemwe ye Yehova awolakawɔ la elemo wɛnɛ okambawɔ. Okoke nyɛna efula efula akambo akɔ nke lá site ɛkɔ?

Ndjɔndɔ ye Bible lá wepó w’anto opolakawɔ efula. Oyokoka nyɛna ndjɔndɔ ye Bible lá wepó we gkekete efula we anto oyawopolakawɔ. Ndjɔndɔ ye wepó esamalo ɛmɔtshi we gkekete ilekɔ lá trakte Ɔngɔkɔpa ndjewa solo? [Aimeriez-vous connaître] la vérité?; eleko lá Internet l’etepela ndekana 600. Oyokoka nyɛna ko Bible Okadjimwelo w’andja we bango [Traduction du monde nouveau] l’etepela ndekana 130, la ekanda efula we ndjeka Bible, tɔsi te okanda Bible olakanyɛnde solo ante mo? [Qu’enseigne réellement la Bible ?], ole koko nimero ye bango ye wajurnale Etange k’Olami [La Tour de Garde] la Nyowetshɔ! [Réveillez-vous !] Okoka ntanga kondo nanghameyɛ ekanda ɛkɔ lá Internet, kondo ko mposɛ ma Internet lá wopo we ndjoka l’atoyi, we PDF, kondo we EPUB. Okoka kondo emprimɛ akambo amɔtshi dje ntshɔ tɔpɛyɛ onto ɔmɔtshi l’otepela w’iwɔkɔ! Wambilá ekanda lombombe lá video l’etepela efula w’ase limi. Okoka mposɛ ma Internet wadrame ye ntanga Bible, wadrame inkina inɛ itepelá akambo we Bible, la tembo te wɔlɔ te wɛ nkoka ndjoka lá wíná wonɛ ɔkɔpɛ.

Akambo we solo lá gkambo dj’Atemwe ye Yehova. Lá site ɛkɔ, wilake ole nsango ye bango la wavideo inɛnyɛ olemo w’isoko l’andja w’otondo, akambo analendana l’Atemwe ye Yehova, l’akambo we sombonangha dje nkotshɛ winaso wanambowa mbalaka. Oyokoka nyɛna nsango ye nsanghanyɛ y’isoko ye gkekete inɛ iyayé ole adrese ye wabiro y’afiliale.

Ma akambo akɔ wopo la wopo, tonangha dje solo ke Bible enghainghe tii t’ekomo ke looko. Anto l’ewila enkfumɔ, kondo lá Antarctique, wingelake lá site k’isoko. Tɔlɔmbɛla Ndjambe dje “otepela we Yehova wokindjɛ ntshanghana osadju osadju” lá looko onkfumɔ, dje Ndjambe ntombolama.​—2 Tesalɔnikɛ 3:1.

• Site jw.org okotshɛwɔ anto efula dje iwɔ ndjeka Bible wopo ɔkɔ nke?

• Okoke nkopa ndenda nke la site ke Internet k’isoko?