APANDISƐ C
Wopo wɔ ndɔndjɛ wekelo wɔ Bible má nkamba l’onkanda “Sasanga la lowiko lotshinda lotshinda!”
Ndɔmbɔ yɛ nkekete la ehonelo wɛ lotshimola wenanghemaka djɛ mposɛ onkanda Sasanga la lowiko lotshinda lotshinda! Djɛ mba wapɔ efula la djɛ ndjewa nkamba l’onkanda wɔsɔ, kamba la topo tɔlɔnda tɔnɛ winá w’ekɛ Bible l’onto.
Lá ntondo kɛ nyo ndjeka
-
1. Lokalɔngɔsɔlɛ wɔlɔ. Winá wɔlɔngɔsɔlɛ, kanela ehomba w’ombeki wɔko, akambo w’okomela lá lowiko, la djawo djɛnde. Tɔnɔla lá ntondo wayi amɔtshi wakoka ndjala okakasano le nde djɛ ndjoka la nkamba. Lenda wopo wɔ akambo wa etenyi “Tokanyi tonkina” okokawɔ nkotshɛ́ ombeki wɔko, la lokalɔngɔsɔlɛ djɛ nkamba l’akambo wakɔ winá w’ekanyo ntsha nkokaka.
Winá w’ekanyo
-
2. Tateyɛ la komeyɛ la lɔlɔmbɔ, ntsha ombeki apatonisa.
-
3. Totepelake efula. Pakisola wɔlɔ la emala ngo lá akambo w’otepelanyo, ko tshika ombeki atepele efula.
-
4. Winá w’owanganyo etenyi kenkina, wala okoma wɔ etenyi kɛkɔ, la tepela lá yopasɛ tɔtɛ tɔ wayi tɔkɔpanyo ndjeka tɔ etenyi kɛkɔ.
-
5. Winá w’oshiyɛnyo etenyi kɛmɔtshi, vungola akambo wa nyombeka dj’ipa ombeki mvungɛ.
-
6. Winá w’ekanyo wekelo onkfumɔ:
-
Nyowale totenyi.
-
Nyowale avɛrse ankfumɔ wa yombofuná “Wala.”
-
Ntsha alekɔ djonyi nyowale avɛrse ankina walekɔ́ lanyi.
-
Nyolende avideo ankfumɔ wa yombofuna ambɔ “Lenda” (Ntsha avideo wakɔ walekɔ).
-
Opola ombeki weepó enkfumɔ.
-
Sepa ikanyi y’ombeki lá ntshango djɛ etenyi “Tshimola,” la lɔmbande djɛ nde mpakisola.
-
Kamba la etenyi “Okoma wɔ momoyawilela” djɛ nkotshɛ́ ombeki wɔko djɛ nde ndenda wopo wɔ ndotafule lá nyuma. Okoka ndokembɛ djɛ ndawilela okoma wɔ daambi, okoma onkina, kana ekoma epe wɛkɔ.
-
Opola ombeki ntsha akɔpaka wamba kana avideo wa etenyi “Tokanyi tonkina” winá wɔ ndalɔngɔsɔlaka wekelo.
-
Nangha la wolo djɛ ndjeka wekelo w’otondo lá mbala kɛmɔ kekanyo.
-
M’ɔkɔngɔ wɔ nyo nshiyɛ ndjeka
-
7. Kindjɛ nkanela ombeki wɔko. Lɔmba Yehova asakole efulelo w’ombeki wɔko la akɔpɛyɛ djaana djɛ ndjewa wopo w’okokɛ ndokotshɛ.
