WOPO WƆ MBANGA NTSHAWO NYA ONTO
WEKELO 3
Yala l’oloko wɔlɔ
Ikfɔ: ‘Ngandji . . . kelekɔ la oloko wɔlɔ.’—1 Kɔ. 13:4.
Kɛnɛ kɛ Yeso ndananghe
1. Lenda VIDEO, kana wala Djɔanɛ 9:1-7. Ko tɔnɔla lá weepó w’ɛlɔnda wɛnɛ:
-
Yeso ndananghe ntondo ntondo nge: Nsadjɛ mpame kembowodjɛ wiso ndo koko ndopoposanyɛ losango lɔ wɔlɔ?—Lenda Djɔanɛ 9:35-38.
-
Ladjikɛnge wopo wɔ Yeso ndananghe wɔsɔ yatshinde mpame kembowodjɛ wiso djɛ ndjekameyɛ losango lɔ wɔlɔ?
Owaso olakanyelo wɔkɔnge me Yeso?
2. Onto angoyala entshupa djɛ ndjekameyɛ losango lɔso ntsha ɛna ante towila yimba la tokiyana lá nkambo djɛnde.
Okola Yeso
3. Lokawile l’edjena k’onto. Nangha la wolo djɛ ndjewa wopo w’olawokande.
-
Kolawopola ente: ‘Nkambo djɛkɔnge djokiyanyɛ? Ekete kɛkɔnge kekoka ndokotshɛ́ kana ndosasangɛ?’ Nangha nghɔsɔ angokokotshɛ́ djɛ nyɛnyɛ onto oloko wɔlɔ lá wopo w’okoka la wɔ wɔlɔ.
-
Ndjekameyɛ onto angɛnyɛ ente ilá yimba lá kɛnɛ kelekɔ́ djonyi le nde. Ntsha ambokoshimela wopo w’okande m’ɔtɛ wɔ nkambo mɔtshi, kana ambokoshimela okakasano ɔmɔtshi w’opomana la nde, totshikitanyɛke ntshawo.
4. Tepela la ngandji ole la dilɛmɛlɔ. Má otepela wɔko, onto anghɛna ante owoka djandji la ɔkɔpa ndokotshɛ́ lá nsɔsɔlɔ. Sɔna etepela la kɔdjɛ djoyi djɛko (ntsha otepela la wolo kana ɔkɔkɛ), la toposɛke etepela w’ekoka ndokiyanyɛ.
5. Yala entshupa djɛ nkotshɛ́. Hona mbamba ikoka djɛ nkotshɛ́ onto lá topo tɛnama. Nyɛnyɛ onto oloko wɔlɔ nkoka ndotshinda djɛ ndjawola nsawola laso.
