WOPO WƆ MBANGA NTSHAWO NYA ONTO
WEKELO 5
Nkamba la topo tɔ mayɛlɛ
Ikfɔ: ‘Nyoposɛke winá enkfumɔ etepela wɛ wɔlɔ.’—Kɔl. 4:6.
Kɛnɛ kɛ Poolo ndananghe
1. Lenda VIDEO, kana wala Elemo 17:22, 23. Ko tɔnɔla lá weepó w’ɛlɔnda wɛnɛ:
-
Poolo ndoke ngete mo winá wɔ ndɛnyi nanghedji djɛ ntolo dj’engolo dj’ase Atɛnɛ?—Lenda Elemo 17:16.
-
L’edjena kɛ mpɛla ase Atɛnɛ, wopo wɔkɔnge Poolo, lá mayɛlɛ kenkfumɔ, ndakambe la djawo djɛwɔ djɛ ndashimela losango lɔ wɔlɔ?
Owaso olakanyelo wɔkɔnge me Poolo?
2. Mbala efula anto wangawolake ntekameyɛ ntsha tomboyala la djaana djɛ nsɔna winá, wopo la akambo wa ntepela.
Okola Poolo
3. Sɔna etepela wɛ wɔlɔ. Ndjɔmbɔmba, winá w’opoposanyɛ onto wopalekɔ́ Okristo, angoyala wɔlɔ ndjala la mayɛlɛ djɛ ndjewa ntateyɛ la djamba djelendana la Bible kana la Yeso.
4. Toyalake entshupa djɛ nsembola onto. Tshikande atepele ipa l’okakasano kɛnɛ kelekɔ́ l’oloko wɔnde. Ntsha ambotepela nkambo mɔtshi djepokana la Bible, tomalake. (Dja. 1:19) Má ndowekameyɛ, ongewa djawo djɛnde l’akambo wawolande, edjinge lamo awolande.—Woo. 20:5.
5. Ntsha onto ambotepela nkambo djɛ wɔlɔ, awola la edjɛnde. Nkoka ndjala, angawolake l’oloko ɔmɔ ante etolo kɛnde ndakanyɛka nsɔsɔlɔ. Hona djɛ ntepela ntondo ntondo akambo wa nyape kɛkɔ awolanyo, ko ndambo ndambo kotshɛ́nde djɛ nsipisoyɛ kɛnɛ kɛ Bible olakanyɛnde.
