ETENYI 3
Lowiko yoyalaká mo lá Paradiso?
Yehova apeyeka Adama l’Eva gkete efula dje wɔlɔ. Ewangelo 1:28
Yehova ananghaka womoto we ntondontondo, Eva, ko oyakalaka ye Adama dje nde ndjootshuka.—Ewangelo 2:21, 22.
Laye Yehova nyaatonge, tokanyi l’alemba w’iwoko yoyalaká ngo wɔlɔ, lako kondo ekɔmɔ.
Adama l’Eva yoyalaká nde lá bedji dje Edene—etena ke wɔlɔ efula; ndjale kayalaki l’anko, l’esongo we mbambo, l’anyama.
Yehova awambaki l’iwo, aalakaki alako. Yotowokela, nkina watayala la lowiko l’itshinda lá Paradiso l’ane lá looko.
Ndjambi aakinyeka ndɛ mbambo y’osongo omotshi. Ewangelo 2:16, 17
Andjelo omotshi aamanaka la Ndjambi. Andjelo oko w’owe nde Satana Djabolo.
Yehova ɛnyɛka Adama l’Eva osongo omotshi lá bedji dj’Edene ko aasimelaka ante nde nyombolɛ mbambo y’osongo oko, nyongovɔ.
Satana atakopá Adama l’Eva wokele Yehova. Ko nyombeta lotshimbola me ndjɔ emotshi, nyombosimela Eva ante nde ombolɛ mbambo y’osongo oko, opangovɔ; ongoyala ngo te Ndjambi. Ntshende ongolo.—Ewangelo 3:1-5.
