WEKELO 04
Ndjambe oyende na?
Ngo máasɔ, anto efula wangɔtɛmɔlake andjambe y’ampame, y’engolo edjinge andjambe y’amato. Koko, Bible ntepelaka lá nkambo djɛ Ndjambe kɛmɔtshi ‘[kapamelá] tondjandjambe tonkfumɔ.’ (2 Ɛkɔndɔ 2:5) Ndjambe kɛsɔ na? Edjinge kɛkɔnge kotshikitanyɛ la tondjandjambe tonkfumɔ t’anto ɔtɛmɔlawɔ? Lá wekelo wɔnɛ, wɛ ongɛna wopo wɔ Ndjambe oyawisolande lá Bible.
1. Djiina djɛ Ndjambe na, ko kɛkɔnge kɛnyɛ ente nde nkɔpaka dj’iso ndjewa djiina djɛnde?
Lá Bible, Ndjambe nyɔmɛlɛ ndawisolaka leso. Nde ntepelaka ante: ‘Lemi ndeke Yehova. Ɔsɔ ndeke djiina djɛmi.’ (Wala Izaya 42:5, 8.) “Yehova” alekɔ djiina djɛ má Hebero djesakisola ante ‘Nde nanghaka djɛ ndjala.’ Yehova nkɔpaka iso ndjewa djiina djɛnde. (Eposelo 3:15) Kɛkɔnge kɛnyɛ nsɔsɔlɔ kɛ nkambo djɛsɔ? Djiina djɛnde ntanemaka lá Bible ndekana mbala 7 000! a Yehova alekɔ djiina djɛ ‘Ndjambe kɛ nsɔsɔlɔ ngo kɛmɔ l’olongo kana lá looko.’—Mvungo k’Ɛlɛmbɛ 4:39.
2. Bible otolakanyɛnde nge lá nkambo djɛ Yehova?
Bible ntepelaka ante lá tondjandjambe tonkfumɔ tɔ anto ɔtɛmɔlawɔ Yehova toko ndeke ɛtɔyi kɛ Ndjambe kɛ nsɔsɔlɔ. Lamo? Tolekɔ la donga lombombe. Yehova alekɔ la lowandji l’apamela nkete nkfumɔ, la ngo nde toko ndeke lolekɔ́ ‘Kanga-Lapamela ládjiko djɛ looko l’otondo.’ (Wala Yeembo 83:18.) Nde ndeke ‘Kanga-Nkfulu-Inkfumɔ,’ ntepela ente alekɔ la wolo wɔ nangha djoyi nkfumɔ dj’ɔkɔpande. Nde ndeke ‘ontongi wɔ nkete nkfumɔ’—ayale djel’andja kana djelá looko. (Ndjiso 4:8, 11) Djɛ ndatshikitanyɛ la ndjambe inkina, Yehova toko ndeke kanga lomboyalaká má bangabanga edjinge nde ndeke longokindjɛka ndjala lotshinda lotshinda.—Yeembo 90:2.
TSHIMOLA
Tokoshishima wayi ankina lá kɛnɛ kelendana l’otshikitano wolekɔ́ l’antenyɛ nkombo yɛ Ndjambe la djiina djɛnde. Tokolenda lonkina wopo wɔkɔnge edjinge lamo ndokisola djiina djɛnde.
3. Ndjambe alekɔ la titrɛ efula, koko oyɛnde ngo l’ɛtɔyi kɛ djiina
Tokolenda otshikitano wolekɔ́ l’antenyɛ ekopo kana titrɛ k’onto la djiina djɛnde, lenda VIDEO, ko kadjimola lá woopó wɔnɛ.
-
Otshikitano wɔkɔnge wolekɔ́ l’antenyɛ ekopo kana titrɛ k’etengo “Nkfumi,” la djiina djɛnde?
Bible ntepelaka ante anto wangɔtɛmɔlake tondjandjambe edjinge ankfumi efula. Wala Yeembo 136:1-3, ko kadjimola lá woopó wɔnɛ:
-
Kange ‘Ndjambe kɛ wa ndjambe’ la ‘Nkfumi kɛ ankfumi’?
4. Yehova nkombolaka wɛ ndoowewa edjinge nkamba la djiina djɛnde
Kɛkɔnge kɛnyɛ ente Yehova nkɔpaka djɛ wɛ ndjewa djiina djɛnde? Lenda VIDEO, ko kadjimola lá weepó wɛnɛ.
-
Ngete le wɛ, okanelɛ mo Yehova nkɔpaka djɛ djiina djɛnde ndjewama? Lamo?
Yehova nkɔpaka djɛ anto nkamba la djiina djɛnde. Wala Ɔrɔma 10:13, ko kadjimola lá weepó wɛnɛ:
-
Wopo wɔkɔnge w’oyɛwɔ djonyi nkamba la djiina djɛ Ndjambe, Yehova?
-
Wopo wɔkɔnge w’oyawokakɛ ntsha onto ambovungɔ djiina djɛko ko amboketa má djiina djɛkɔ?
-
Ngete lewɛ, Yehova oyawokakande mo, ntsha omboweta má djiina djɛnde?
5. Yehova nkɔpaka wɛ ndjala ilongo yɛnde
Soten omoto ɔmɔtshi w’ose Cambodge atepelaka ante ndjewa djiina djɛ Ndjambe ɔ́pɛyɛka “osasa wɔ ndotokaká ntondo.” Lenda VIDEO, ko kadjimola lá woopó wɔnɛ.
-
Lá video djɛnɛ, Soten ndananghe mo winá wɔ ndisola djiina djɛ Ndjambe?
Djɛ nkɔpɛ ilongo ny’onto ɔmɔtshi, ongohona ndjewa ntondo djiina djɛnde. Wala Djakɔbɔ 4:8a, ko kadjimola lá weepó wɛnɛ:
-
Kɛkɔnge kɛkɔlɔmba Yehova djɛ nangha?
-
Wopo wɔkɔnge w’okokɛ ndjewa djiina djɛ Ndjambe la ndoowetaka má djiina djɛkɔ okokande nkokotshɛ́ djɛ wɛ nkoma ilongo yɛnde?
ANTO EFULA NTEPELAKA AMBƆ: “Ndjambe oyɛnde ngo kɛmɔ, apalekɔ la djonyi djɛ ndooweta lá djiina djɛnde.”
-
Oyɛwɔ mo, wɛ awola ente djiina djɛ Ndjambe nde Yehova?
-
Wopo wɔkɔnge w’okokɛ nyɛnyɛ onto ente Ndjambe nkɔpaka dj’iso ndooweta má djiina djɛnde?
LÁ YOPASƐ
Djiina dj’ɛtɔyi kɛ Ndjambe kɛ nsɔsɔlɔ nde Yehova. Nde nkɔpaka dj’iso ndjewa djiina djɛkɔ la ndoowetaka dj’iso nkoma tolongo tɔnde.
Mvungo
-
Lamo Yehova otshikitanande la tondjandjambe tonkina t’anto ɔtɛmɔlawɔ?
-
Ladjikɛnge oyɛso ladjɛ ndjetaka Ndjambe má djiina djɛnde?
-
Kɛkɔnge kɛnyɛ ente Yehova nkɔpaka wɛ nkɔpɛ ilongo nyape?
TOKANYI TONKINA
Tokoshishima akambo atano watɛnyɛ ente Ndjambe alekɔ.
Tokolenda ladjikɛnge oyɛwɔ wɔlɔ ndjawola ente Ndjambe amboshiyɛká ndjala ngo másɔɔ.
‘Otongisá Ndjambe na?’ (Etange k’Olami, Ngɔndɔ k’enanɛyi 1, 2014 lá Otetela)
Eka lamo oyɛwɔ djonyi nkamba la djiina djɛ Ndjambe ayale kaanga topewɛ ndjeta djiina djɛkɔ.
Oyɛwɔ mo, alekɔ nyɛtshi ndoolumola ente Ndjambe? Lenda ladjikɛnge okokaso ntepela ente nde alekɔ ngo l’ɛtɔyi kɛ djiina.
a Djɛ ndjewa akambo ankina walendana la nsakiso kɛ djiina djɛ Ndjambe edjinge lamo yimɛ djiina djɛkɔ má wa Bible amɔtshi, lenda Apandisɛ A4 lá Bible-Ekadimwelo k’andja w’oyoyo.
