WEKELO 09

Sukana nya Ndjambe má lɔlɔmbɔ

NDJOKA LÁ

Ongoyalake la djonyi djɛ ɛlɔndjɛlɔ lá lowiko lɔko? Olekɔ la weepó ɛmɔtshi wɛ djonyi efula wókombolakɛ mba nsakiso? Olekɔ la djonyi djɛ ekembelo? Wɛ nkɔpaka ndawoka ente olekɔ entshupa nya Yehova? Lɔlɔmbɔ nkoka nkokotshɛ́ l’akambo ankfumɔ wasɔ. Ko wopo wɔkɔnge wolekɔ wɔlɔ ndɔmba? Ndjambe ndjokaka ndɔmbɔ y’anto ankfumɔ? Kɛkɔnge k’okokɛ nangha djɛ ndashikikɛ ente nde angoka ndɔmbɔ yɛko? Kɛsɔ ndeke ɔkɔpaso nyɛna.

1. Onto wɔkɔna w’oyɛso ladjɛ ndɔmba edjinge lá akambo wakɔnge?

Yeso alakanyɛka ante iso ladjɛ ndɔmbaka ngo Papa kɛso kel’olongo. Edjinge nde nyɔmɛlɛ alɔmbaka Yehova. Nde atepelaka ante: ‘Nyɔngɔlɔmbake nkɔkɔnɛ ente: “Papa kɛso kel’olongo . . .”’ (Mateo 6:9) Winá wɔlɔmbaso Yehova, iso nkembɛka djokanelo djɛso lande.

Iso nkokaka ndɔmba lá kɛnɛ kelendana l’akambo ankfumɔ. Ɛ̂wo, djɛ Ndjambe nkadjimola ndɔmbɔ yɛso, ngo ndɔmbɔ yɛkɔ ndjokana la ɛkɔpa kɛnde. ‘Kenkfumɔ kɔlɔmbaso k’okana l’ɛkɔpa kɛ [Ndjambe], nde ntokaka.’ (1 Djɔanɛ 5:14) Yeso atɔpɛyɛka ndjɔmbɔmba k’akambo w’oyɛso ladjɛ ndɔmbaka. (Wala Mateo 6:9-13.) Má djiko djɛ ndɔmba lá nkambo djɛ ehomba wɛso, topakoke mvungɛ djɛ mpɛyɛ Ndjambe lokasa lá kenkfumɔ kɛ ndombotonanghela la ndɔɔlɔmba djɛ nde nkotshɛ́ anto ankina.

2. Wopo wɔkɔnge w’okokaso ndɔmbaka?

Bible ntokembe dj’iso ‘ndjipola eloko wɛso lá ntondo kɛ Ndjambe.’ (Yeembo 62:8) Djɛkondeke, ndɔmbɔ yɛso ladjɛ ndjala yɛ m’anse k’oloko. Iso nkoka ndɔmba la djoyi djɛ wolo kana l’eteyi k’oloko edjinge la pozisiɔ kenkfumɔ k’ɛnyɛ dilɛmɛlɔ. Iso nkoka ndɔmba lá winá onkfumɔ edjinge lá edjena kenkfumɔ.

3. Wopo wɔkɔnge Ndjambe okadjimolakande ndɔmbɔ yɛso?

Nde nkadjimolaka lá topo totshikitanyi. Yehova atɔpɛyɛka Otepela wɔnde, Bible, l’eteyi iso ntanaka mbala efula nsakiso lá weepó wɛso. Badji dj’Otepela wɔ Ndjambe ‘nkoka [mpɛyɛ] kanga lopakɔmɛ akambo balo.’ (Yeembo 19:7; wala Djakɔbɔ 1:5.) Nde nkoka ntɔpɛyɛ vu djelá yimba winá w’opomanaso l’ekakasano. Nde nkoka lonkina ntshinda enkambi wɛnde ɛmɔtshi djɛ ntokotshɛ́ winá w’oyɛso la djonyi dj’okotshɔ.

TSHIMOLA

Lenda wopo w’okokɛ ndɔmba lá yopo yesasangɛ Ndjambe, edjinge isola wopo wɔ lɔlɔmbɔ okokawɔ nkokotshɛ́?

4. Akambo wa Ndjambe ɔtɔlɔmbande djɛ nangha lá kɛnɛ kelendana la lɔlɔmbɔ

Akambo wakɔnge washikikɛ djɛ Ndjambe angawola ndɔmbɔ yɛso kana lako? Lenda VIDEO.

VIDEO: Ndjambe ndjokaka ndɔmbɔ inkfumɔ?—Video dj’itenyi (2:42)

Yehova nkɔpaka dj’iso ndɔɔlɔmba. Wala Yeembo 65:2, ko kadjimola lá weepó wɛnɛ:

Okanela ente “Ondjoki wɔ ndɔmbɔ” nkɔpaka djɛ wɛ ndɔɔlɔmba? Ladjikɛnge?

Iso ladjɛ nangha la wolo djɛ mbika lá yopo y’okana l’ɛlɛmbɛ wɛ Ndjambe ntsha iso nkɔpaka djɛ nde ndjoka ndɔmbɔ yɛso. Wala Mika 3:4 edjinge 1 Pɛtɛlɔ 3:12, ko kadjimola lá woopó wɔnɛ:

Wopo wɔkɔnge w’okokaso ndashikikɛ ente Yehova angoka ndɔmbɔ yɛso?

Winá wɔ mbandji kɛmɔtshi onanemawɔ, wedji wɛkɔ epe ndɔmbaka djɛ ntolonga. Oyɛwɔ mo, tokoka nkanela ente Ndjambe angokadji’mola ndɔmbɔ yɛ wopo wɔsɔ?

5. Ndɔmbɔ yɛso ladjɛ mposa m’anse k’oloko

Anto amɔtshi wambalakanyɛká dj’iwɔ nkalɔka ngo l’etepela wɛkɔ ɛmɔ lá ndɔmbɔ yɛwɔ. Ya nghɔsɔ ndeke Yehova ɔkɔpande dj’iso ndɔɔlɔmbaka? Wala Mateo 6:7, ko kadjimola lá woopó wɔnɛ:

Okokɛ nangha mo dj’ipa nkalɔka ngo “l’akambo wakɔ amɔ” winá w’ɔlɔmbaso?

Lofu la lofu tɔnɔlaka lá nkambo mɔtshi djɛ wɔlɔ djengokotshinda djɛ kawoyɛ Yehova lokasa. Ntsha mfu inkfumɔ wɛ mponaka nkambo mɔ djɛ nkawoyɛ Yehova lokasa, mbɔ mbengo inkfumɔ ongoyalaka l’akambo esambele wa nkawoyɛ Yehova lokasa.

Papa kɛ wɔlɔ nkɔpaka djɛ wɔnande ndooshimela kenkfumɔ kelekɔ́ lande l’oloko. Wopo wɔk’ɔmɔ ndeke, Yehova nkɔpaka djɛ ndɔmbɔ yɛso ndjɛ m’anse k’eloko wɛso

6. Lɔlɔmbɔ lolekɔ opapɛyɛ w’ime Ndjambe

Wopo wɔkɔnge lɔlɔmbɔ okokande ntɔpɛyɛ lokembo lá deko djɛ wɔlɔ kana djɛ nyɛtshi? Lenda VIDEO.

VIDEO: Lɔlɔmbɔ ntokotshɛka djɛ nkfulumeyɛ ekakasano (1:32)

Bible ntolakaka ante lɔlɔmbɔ nkoka ntɔpɛyɛ vu djɛ nsɔsɔlɔ djelá yimba. Wala Filipɛ 4:6, 7, ko kadjimola lá weepó wɛnɛ:

Kaanga apalekɔ winá enkfumɔ ndeke lɔlɔmbɔ ndoshiyɛka ekakasano wɛso, iya okotshɔ wɔkɔnge w’okokaso mba má lɔlɔmbɔ?
Akambo wamɔtshi wakɔnge w’okombolɛ ndɔmba?

Ongewake?

Itepela “amɛ” nsakisolaka ante “ayale ngo nghɔsɔ” kana alekɔ “nsɔsɔlɔ.” Ntateyɛ má etsho wefunamaki Bible, anto wangotepelake ambɔ “amɛ” l’ekomo kɛ ndɔmbɔ yɛwɔ.—1 Ɛkɔndɔ 16:36.

7. Honaka winá wɔ ndɔmbaka

Winá ɛmɔtshi tokoka ndjala l’akambo efula wa nangha ko tombovungɛ ndɔmba. Wopo wɔkɔnge Yeso ndɔsaka lɔlɔmbɔ? Wala Mateo 14:23 edjinge Marko 1:35, ko kadjimola lá weepó wɛnɛ: