WEKELO 13
Wopo wɔ nkɛlɛsiya dj’engolo ɔnyɔlawɔ Ndjambe
Ntsha Ndjambe alekɔ ngandji, ladjikɛnge nkɛlɛsiya djetepela ambɔ watɛmɔla Ndjambe onanghawɔ akambo wapɔlɔ? Lá yopasɛ, nkɛlɛsiya djɛsɔ dekɔ dj’engolo, ladjikɛnde iwɔ nyɔnyɔlaka Ndjambe. Lá wopo wɔkɔnge w’ɔwɔnyɔlawɔ? Wopo wɔkɔnge w’oyawokande lá nkambo djɛsɔ? Ko ndonghonangha nge la nkɛlɛsiya djɛsɔ?
1. Wopo wɔkɔnge nkɛlɛsiya dj’engolo ɔnyɔlawɔ Ndjambe má elakanyelo wɛwɔ?
Nkɛlɛsiya dj’engolo ‘wahenghenolaka akambo wa nsɔsɔlɔ wa Ndjambe la w’ongolo.’ (Ɔrɔma 1:25) Ndjɔmbɔmba, nkɛlɛsiya efula dj’engolo wapalakanyɛ anto wawɔ djiina djɛ Ndjambe. Koko Bible ntepelaka ante alekɔ djonyi efula nkamba la djiina djɛ Ndjambe. (Ɔrɔma 10:13, 14) Lonkina, winá wɔ akambo amɔtshi wapɔlɔ oposawɔ, ewandji ɛmɔtshi wɛ nkɛlɛsiya ndakanyɛka ambɔ oyɛwɔ nde ɛkɔpa kɛ Ndjambe. Koko ɔsɔ alekɔ nkambo dj’ongolo. Ndjambe apalekɔ ikɔkɔ yɛ akambo wapɔlɔ. (Wala Djakɔbɔ 1:13.) Nkambo djɛ yɛnyi nde, engolo wɛ nkɛlɛsiya wɛsɔ mbangoyɛka anto me Ndjambe.
2. Wopo wɔkɔnge nkɛlɛsiya dj’engolo ɔnyɔlawɔ Ndjambe má nanghedji djɛwɔ?
Nkɛlɛsiya dj’engolo wapananghela anto akambo ngete Yehova ánanghelande. Bible ntepelaka lá nkambo djɛ nkɛlɛsiya dj’engolo ante ‘ekata kɛ mpekanto yɛwɔ imbokoma tii l’olongo.’ (Ndjiso 18:5) Ambokoma nkama y’ɛnɔnyi yɛ nkɛlɛsiya ingelawɔ lá wayi wa pɔlitikɛ, osukawɔ ambandji, edjinge ɔsawɔ opiko lá nyɔyi yɛ lofulo l’anto lopewama mbala. Ewandji ɛmɔtshi wɛ nkɛlɛsiya nkɔpaka ndjalal’okfudji (ɔnghɔnyi), djɛkondeke opikawɔ antɛmɔdji wawɔ mfalanga. Nanghedji djɛwɔ djɛsɔ nyɛnyɛka ente iwɔ wapewe Ndjambe edjinge ladjikɛnde iwɔ wapewe Ndjambe, wapɛlama ndjetama ambɔ enkambi wɛ Ndjambe.—Wala 1 Djɔanɛ 4:8.
3. Wopo wɔkɔnge Ndjambe oyawokande lá nkambo djɛ nkɛlɛsiya dj’engolo?
Ntsha wayi wananghá nkɛlɛsiya dj’engolo nkomadjɛka, okanelɛ ente Yehova oyawokande ngetemo? Nde nkɔpaka anto, koko nde alekɔ la nkɛlɛ te ewandji wɛ nkɛlɛsiya dj’engolo w’ɔwɔnyɔla la wɛnyɛ andjawodji yɛwɔ ndjolo. Nde ndakaka ante nkɛlɛsiya dj’engolo ngotshitana edjinge ‘djepangɛnama lonkina lotshinda lotshinda.’ (Ndjiso 18:21) Lako ilá, Ndjambe akɔpa nkomɛ nkɛlɛsiya nkfumɔ dj’engolo.—Ndjiso 18:8.
TSHIMOLA
Tokoshishima lonkina wopo wɔ Ndjambe oyawokande lá nkambo djɛ nkɛlɛsiya dj’engolo. Tolende akambo ankina wa nkɛlɛsiya dj’engolo yombonangha, edjinge lamo akambo wasɔ yopakoke nkoshimba djɛ wɛ ndjeka djɛ ndjewa Yehova.
4. Ndjambe apawola nkɛlɛsiya nkfumɔ
Anto efula mfɛnyɛka ambɔ, nkɛlɛsiya oyɛwɔ ngo ngete amboka yetshikitanyi, koko inkfumɔ yɛkɔ ntɔlaka ngo te Ndjambe. Ikanyi yɛsɔ ilekɔ nsɔsɔlɔ? Wala Mateo 7:13, 14, ko kadjimola lá woopó wɔnɛ:
-
Bible otepelande nge lá nkambo djɛ mboka kɛtɔla tá lowiko?
Lenda VIDEO, ko kadjimola lá woopó wɔwɔlamá wɔnɛ.
-
Bible olakanyɛnde nde ante nkɛlɛsiya efula ndeke losasangɛka Ndjambe?
5. Nkɛlɛsiya dj’engolo wapokola ngandji kɛ Ndjambe
Nkɛlɛsiya dj’engolo wangɔnyɔlake Ndjambe lá topo efula. Yopo yeleka ndjewama nde wopo woyawingeyewɔ l’ambandji, lenda VIDEO. Ko kadjimola lá weepó wɛwɔlamá wɛnɛ.
-
Akambo wakɔnge nkɛlɛsiya efula yananghe lá mbandji k’ape kel’andja w’otondo?
-
Okanelɛ mo lá kɛnɛ kɛ nkɛlɛsiya dj’engolo djɛsɔ yananghe?
Wala Djɔanɛ 13:34, 35 edjinge 17:16. Ko masɔ kadjimola lá weepó wɛnɛ:
-
Ngete le wɛ, Yehova oyawokakande ngete mo winá wɔ nkɛlɛsiya oyawingeyɛwɔ lá wayi w’ambandji?
-
Nkɛlɛsiya dj’engolo walekɔ l’ikɔkɔ yɛ akambo wa nyɛtshi efula. Lá akambo amɔtshi wakɔnge wɛnɛ ente nkɛlɛsiya dj’engolo wapokola ngandji kɛ Ndjambe?
Nkɛlɛsiya dj’engolo wapokola ngandji kɛ Ndjambe
6. Ndjambe nkɔpaka ntshungola anto má nkɛlɛsiya dj’engolo
Wala Ndjiso 18:4, a ko kadjimola lá woopó wɔnɛ:
-
Oyawokɛ ngete mo má ndjewa ente Ndjambe nkɔpaka mbikɛ anto ankfumɔ wadjimbamisá me nkɛlɛsiya dj’engolo?
7. Kindjɛ ndjeka akambo walendana la Ndjambe kɛ nsɔsɔlɔ
Akambo wa nyɛtshi watepelá la wananghá nkɛlɛsiya dj’engolo nkotshindaka djɛ wɛ ntona Ndjambe? Kɔsá djɛ wɔna mpame ɔmɔtshi ambotona nɛmɛyɛ papa kɛnde, ko amboposa má mvulu edjinge ambowanga nangha akambo efula wapɔlɔ. Papa apakɔpɛ akambo wa wɔnande onanghande wasɔ. Ladjikɛnge yopangoyala djoyi djɛ wɔlɔ mámá ombotshi wɔsɔ lowo lá ɛsɔnɛlɔ wɛ wɔnande wɔmbɔtɔmbɔkɔ wɔsɔ?
-
Angoyala wɔlɔ mámá Yehova lowo edjinge ntshika ndjeka djɛ ndowewa m’ɔtɛ w’akambo wa nyɛtshi wanangha nkɛlɛsiya dj’engolo?
ANTO EFULA NTEPELAKA AMBƆ: “Mpayapɛyɛka l’akambo wa Ndjambe ladjikɛnde nkɛlɛsiya wambonanghá akambo wa nyɛtshi efula.”
-
Edjinge wɛ ndeke lokanelaka nghɔsɔ?
-
Ladjikɛnge akambo wanangha nkɛlɛsiya dj’engolo yopakoke ntotshinda djɛ ntona Yehova?
LÁ YOPASƐ
Nkɛlɛsiya dj’engolo nyɔnyɔlaka Ndjambe má elakanyelo wɛwɔ w’engolo la má nanghedji djɛwɔ djɛ nyɛtshi. Ndjambe angotshita nkɛlɛsiya dj’engolo.
Mvungo
-
Wopo wɔkɔnge woyawokɛ lá wayi walakanyɛ la wanangha nkɛlɛsiya dj’engolo?
-
Yehova oyawokande ngete mo lá nkambo djɛ nkɛlɛsiya dj’engolo?
-
Ndjambe ndonghonanghela nkɛlɛsiya dj’engolo nge?
TOKANYI TONKINA
Eka topo tope tɔ nkɛlɛsiya efula okiyanyɛwɔ Ndjambe.
“Nkɛlɛsiya nkfumɔ dekɔ ngo wopo ɔmɔ? Nkfumɔ djɛkɔ ntɔtɔlaka te Ndjambe?” (Djamba djelá jw.org)
Ladjikɛnge Yehova ɔkɔpande iso ndɔtɛmɔlaka esanga l’anto ankina?
“Alekɔ djonyi ndjala l’ɔtɛmwɛlɔ ɔmɔtshi kɔɔ?” (Djamba djelá jw.org)
Abe amɔtshi atshimbaka yimba má akambo wa ɛkɛlɛsiya kɛnde yananghaka. Koko nkambo djɛsɔ lako ndoshimba djɛ ndjeka akambo wa nsɔsɔlɔ walendana la Ndjambe.
“Abe amɔtshi aposaka m’etolo kɛnde” (Wetshɔ!, 2 2015 lá Falase)
L’ilá kɛ nsɔkɛ efula, nkɛlɛsiya wangolakanyɛke anto akambo w’engolo ko djoyi djɛsɔ mbokomɛ anto djɛ ndɔsa etengo Ndjambe ambowangɔ otale nyawɔ edjinge alekɔ kanga wayi wolo. Eka kɛnɛ kelekɔ́ nsɔsɔlɔ lá nkambo dj’engolo esato wel’anteyi k’akambo w’engolo wasɔ.
a Djɛ ndjewa ladjikɛnge onkanda wɔ Ndjiso ɔsande nkɛlɛsiya dj’engolo etengo omoto w’etewɔ ambɔ Babilɔnɛ dj’Ekekete, lenda Nɔtɛ kɛ l’ekomo 1.
