Ngo ngete isɛnyi lá wekelo womboheta, ape nkɛlɛsiya nkfumɔ ndeke losasangɛ Ndjambe. Koko, iso nkoka ntɛmɔla Otongi wɔso lá wopo woosasangɛ. Ya ko “ɔtɛmwɛlɔ [kana, etolo]” kɛkɔnge koosasangɛ? (Djakɔbɔ 1:27, nɔtɛ) Tokoshishima kɛnɛ kɛ Bible otepelande lá nkambo djɛsɔ.

1. Ɔtɛmwɛlɔ wɔso ladjɛ mpikama lampe?

Ɔtɛmwɛlɔ wɔso ladjɛ mpikamá nde lá Bible. Yeso ashimelaka Ndjambe ante: ‘Otepela wɔko wolekɔ nsɔsɔlɔ.’ (Djɔanɛ 17:17) Nkɛlɛsiya mɔtshi wangɔnyɔlake akambo wa nsɔsɔlɔ walekɔ́ l’Otepela wɔ Ndjambe, Bible. Iwɔ mpɛnyɛka akambo wa nsɔsɔlɔ wemá Bible l’elakanyelo edjinge la nkfumbo dj’anto. Koko Yehova apakɔpaka anto ‘wɔnyɔla ɛlɛmbɛ wɛnde.’ (Wala Marko 7:9.) L’onkoko onkina, iso nsasangɛka oloko wɔ Ndjambe winá wopikaso ɔtɛmwɛlɔ wɔso lá Bible la w’okilikaso alako wem’eteyi.

2. Wopo wɔkɔnge w’oyɛso ladjɛ ntɛmɔla Yehova?

Ladjikɛnde Yehova ndeke Ontongi wɔso, ngo nde toko ndeke oyɛso ladjɛ ntɛmɔla. (Ndjiso 4:11) Nkambo djɛsɔ nsakisolaka ente iso ladjɛ ndɔɔkɔpa la ndɔɔtɛmɔla ngo nde nyɔmɛlɛ, ipa nkamba la mpengu kana la tosakandole.—Wala Izaya 42:8.

Ɔtɛmwɛlɔ wɔso ladjɛ ndjala ‘w’ekina la w’awolama’ me Yehova. (Ɔrɔma 12:1) Nkambo djɛsɔ nsakisolaka ente iso ladjɛ nɛmɛyɛka ɛlɛmbɛ wɛnde welendana la nanghedji. Ndjɔmbɔmba, waakɔpa Yehova nkɔpaka la nkilikaka ɛlɛmbɛ wɛnde lá nkambo djɛ bala. Edjinge iwɔ ndotaka nanghedji djɛ nyɛtshi dj’etengo nnɔ ikaya, nkete djetshimbɛ yimba kana mvɔ waná. a

3. Ladjikɛnge oyɛso ladjɛ ntɛmɔla Yehova esanga la winaso Akristo?

Nsanghanyɛ yɛso yingelakaso lobengo la lobengo ntɔpɛyɛka mbamba kɛ ‘numɛ Yehova l’otshumano.’ (Yeembo 111:1, 2) Yopo imɔtshi y’onanghakaso nkambo djɛsɔ nde má ntshumbela Ndjambe teembo tɔ lomo. (Wala Yeembo 104:33.) Yehova ntɔlɔmbaka dj’iso ntshɔka tá nsanghanyɛ ladjikɛnde nde ntɔkɔpaka edjinge ndjewaka ante nsanghanyɛ yɛkɔ ingotokotshɛ dj’iso nsasanga la lowiko lotshinda lotshinda. Lá nsanghanyɛ, iso nkembɛka anto ankina la iwɔ koko ntokembɛka.

 TSHIMOLA

4. Topakoke nkamba la tosakandole l’ɔtɛmwɛlɔ wɔso

5. Ntɛmɔla ngo Yehova toko ntotshungolaka á tokanyi tɔ nyɛtshi

 6. Iso ntɛmɔlaka Ndjambe lá nsanghanyɛ yel’otshumano

Iso numɛka Yehova edjinge nkembɛnaka l’anteyi kɛso má ntshumba teembo la má mpɛyɛ kɔmantɛrɛ lá nsanghanyɛ yel’otshumano. Wala Yeembo 22:22, ko kadjimola lá weepó wɛnɛ:

• Ɔngɔkɔpake ndjoka kɔmantɛrɛ ipɛyama lá nsanghanyɛ?

• Wɛ nkɔpaka ndalɔngɔsɔla djɛ ntɔpɛyɛ kɔmantɛrɛ kɛmɔtshi?

7. Yehova nsasangaka winá woshimelaso anto ankina akambo w’ekaso

Topo tolekɔ efula t’okokaso nshimela anto ankina akambo wa nsɔsɔlɔ wimá Bible. Wala Yeembo 9:1 edjinge 34:1, ko masɔ kadjimola lá woopó wɔnɛ:

• Nkambo mɔtshi djɛkɔnge djɛ ngombeka má Bible dj’ɔkɔpɛ nshimela anto ankina?

 LÁ YOPASƐ

Iso nsasangɛka Ontongi wɔso winá wɔɔtɛmɔlaso ngo nde, woolumɛso lá nsanghanyɛ yel’otshumano, la woshimelaso anto ankina akambo w’ekaso.

Mvungo

• Lámpe Ndjambe otoshimelande wopo wɔ ndɔɔtɛmɔla?

• Ladjikɛnge oyɛso ladjɛ ntɛmɔla ngo Yehova toko?

• Ladjikɛnge oyɛso ladjɛ ntɛmɔla Ndjambe esanga l’anto ankina wakɔpa ndoosasangɛ?