WEKELO 18
Wopo wɔ ndembetela Akristo wa nsɔsɔlɔ
Miliyara y’anto ntepelaka ambɔ oyɛwɔnde Akristo. Koko wapalekɔ la djawo mmɔ, edjinge wapakilika ɛlɛmbɛ wɛkɔ ɛmɔ. Iya wopo wɔkɔnge w’okokaso ndembetela Akristo wa nsɔsɔlɔ?
1. Etawɔ Okristo na?
Akristo oyɛwɔ nde ambeki, kana anto wakilika Yeso Kristo. (Wala Elemo 11:26.) Wopo wɔkɔnge wɛnyɛkawɔ ambɔ walekɔ ambeki wa Yeso? Yeso atepelaka ante: ‘Ntsha nyombotshikala lá elakanyelo wɛmi, mbɔkoko nyo nyolekɔ nsɔsɔlɔ ambeki wami.’ (Djɔanɛ 8:31) Nkambo djɛsɔ nkɔpaka nsakisola ente Akristo wa nsɔsɔlɔ ladjɛ nɛmɛyɛ elakanyelo wɛ Yeso. Edjinge ngo ngete elakanyelo wɛ Yeso yapikama ngo l’Afunelo, Akristo wa nsɔsɔlɔ ndakanyɛka mfu inkfumɔ ngo wayi watepelá Bible.—Wala Luka 24:27.
2. Wopo wɔkɔnge Akristo wa nsɔsɔlɔ ɛnyɛwɔ ngandji kɛwɔ?
Yeso ashimelaka ambeki wande ante: ‘Nyokane ngandji ngo ngete manyoke ngandji.’ (Djɔanɛ 15:12) Wopo wɔkɔnge Yeso ndɛnyɛ ante nde ndjokaka ambeki wande ngandji? Nde ahetshɛki winá esanga nyawɔ, ákembɛki edjinge ákotshɛki. Nde alambolaka kaanga lowiko lɔnde lá nkambo djɛwɔ. (1 Djɔanɛ 3:16) Wopo wɔk’ɔmɔ ndeke, Akristo wa nsɔsɔlɔ wapakome ngo lá ntepela nkambo djɛ ngandji. Iwɔ nyɛnyɛka ngandji k’okanawɔ má etepela la má djalelo djɛwɔ.
3. Olemo wɔkɔnge Akristo wa nsɔsɔlɔ okambawɔ?
Yeso apɛyɛka ambeki wande olemo wɔ nkamba. ‘Nde átomaka djɛ ntopoposanyɛ losango l’Onkfumi wɔ Ndjambe.’ (Luka 9:2) Akristo wal’ɛtɛndɔ kɛ ntondo wapoposanyɛki, ape ngo lá djena dj’iyatɛmɔlaka toko, koko edjinge lá djena djɛ ntshandjawala la lá mvulu la mvulu. (Wala Elemo 5:42; 17:17.) Wopo wɔk’ɔmɔ ndeke lɔɔko kɛnɛ, Akristo wa nsɔsɔlɔ mpoposanyɛka akambo wa nsɔsɔlɔ welá Bible lá djena nkfumɔ djotanawɔ anto. Iwo nkɔpaka winawɔ anto, djɛkondeke oyɛwɔ l’osasa wɔ nkamba la winá wɛwɔ edjinge la wolo wɔwɔ djɛ ndaashimela losango l’imá Bible lɔpɛyɛ nkongi la ekembelo.—Marko 12:31.
TSHIMOLA
Lenda wopo wokokɛ ntshikitanyɛ Akristo wa nsɔsɔlɔ l’anto wapakilika elakanyelo la ndjɔmbɔmba kɛ Yeso.
4. Iwɔ mponaka akambo wa nsɔsɔlɔ welá Bible
Akristo wal’ɛtɛndɔ kɛ ntondo wakɔpaki Otepela wɔ Ndjambe
Ape anto ankfumɔ watepela ambɔ walekɔ Akristo ndeke lɔsa akambo wa nsɔsɔlɔ wemá Bible la ntshina. Lenda VIDEO, ko kadjimola lá woopó wɔwɔlamá.
-
Kɛkɔnge kenanghisá nkɛlɛsiya djetepela ambɔ walekɔ Akristo djɛ nshimba anto djɛ ndjawola elakanyelo wɛ Yeso?
Yeso alakanyɛka anto akambo wa nsɔsɔlɔ wem’Otepela wɔ Ndjambe. Wala Djɔanɛ 18:37, ko kadjimola lá woopó wɔnɛ:
-
Lá nkilika Yeso, wopo wɔkɔnge w’okokaso ndembetela Akristo walekɔ́ lá ‘djeke dj’akambo wa nsɔsɔlɔ’?
5. Iwɔ mpoposanyɛka akambo wa nsɔsɔlɔ welá Bible
Akristo wal’ɛtɛndɔ kɛ ntondo wapoposanyɛki le anto ankina
Lá ntondo kɛ nde nkalɔ t’olongo, Yeso apɛyɛka ambeki wande olemo wokambema tii lɔɔko kɛnɛ. Wala Mateo 28:19, 20 edjinge Elemo 1:8, ko kadjimola lá woopó wɔnɛ:
-
Tii lá lɛdji lɔkɔnge olemo w’ipoposanyɛ yongokambema?
6. Iwɔ nkambaka l’akambo w’opoposanyɛwɔ
Kɛkɔnge k’eshikikisá mpame k’etawɔ Tom ante ambisola etolo k’Akristo wa nsɔsɔlɔ? Lenda VIDEO, ko masɔ kadjimola lá weepó wɛwɔlamá.
-
Lá video djɛnɛ, kɛkɔnge ketshindisá Tom dj’ipa ndapɛyɛ lá wayi wa nkɛlɛsiya?
-
Ladjikɛnge ndomboyashikikɛ ante ambisola akambo wa nsɔsɔlɔ?
Nanghedji djɛso ndeka etepela wɛso. Wala Mateo 7:21, ko kadjimola lá woopó wɔnɛ:
-
Kɛkɔnge keleka djonyi le Yeso: Ntepela ente olekɔ ondjawodji ndo koko nyɛnyɛ nkambo djɛsɔ má nanghedji?
7. Iwɔ nkɔpanaka l’anteyi kɛwɔ
Akristo wal’ɛtɛndɔ kɛ ntondo wakɔpanaki
Nsɔsɔlɔ Akristo wawolaki ndjila mbiko yɛwɔ lá mbalaka lá nkambo djɛ winawɔ Akristo? Lenda VIDEO, ko kadjimola lá woopó wɔwɔlamá.
-
Lá video djɛnɛ, kɛkɔnge ketshindisá wɔnanyɔ Lloyd djɛ ndjila lowiko lɔnde lá mbalaka lá nkambo djɛ Johansson?
-
Okanelɛ ente mo, nde ananghaka akambo ente ngo Okristo wɔ nsɔsɔlɔ?
Wala Djɔanɛ 13:34, 35, ko kadjimola lá weepó wɛnɛ:
-
Wopo wɔkɔnge ambeki wa Yeso (ntepela ente Akristo wa nsɔsɔlɔ) onanghelawɔ anto walekɔ la mposo y’alemba yetshikitanyi kana ewila enkina akambo?
-
Wopo wɔkɔnge onanghakawɔ nkambo djɛsɔ lá winá wɔ mbandji?
ANTO EFULA NTEPELAKA AMBƆ: “Akristo wambonanghá akambo wa nyɛtshi efula, wopo wɔkɔnge w’okokawɔ ndjalá l’etolo kɛ nsɔsɔlɔ?”
-
Vɛrse djɛkɔnge dj’okokɛ ndaawalela djɛ nyɛnyɛ wopo w’okokaso ndembetela Akristo wa nsɔsɔlɔ?
LÁ YOPASƐ
Akristo wa nsɔsɔlɔ nkilikaka elakanyelo welá Bible, nkɔpanaka l’anteyi kɛwɔ edjinge mpoposanyɛka akambo wa nsɔsɔlɔ welá Bible.
Mvungo
-
Djawo dj’Akristo wa nsɔsɔlɔ yombopikamá lampe?
-
Djekeka djɛkɔnge djetokotshɛ́ djɛ ndembetela Akristo wa nsɔsɔlɔ?
-
Olemo wɔkɔnge wokamba Akristo wa nsɔsɔlɔ?
TOKANYI TONKINA
Eka akambo ankina walendana l’iloyi y’anto wanangha la wolo djɛ nkilika ndjɔmbɔmba la elakanyelo wɛ Yeso Kristo.
Lenda wopo wɔ omoto ɔmɔtshi woyalaki masɛrɛ ndisola “nkfumbo kɛ nsɔsɔlɔ kelá nyuma.”
Lenda wopo wɔ Akristo wa nsɔsɔlɔ ɛnyɛkawɔ winawɔ antɛmɔdji walekɔ́ la djonyi dj’okotshɔ ngandji.
Tokoshishima wopo wɔ Akristo wal’etsho wɛ ntondo la Akristo wa nsɔsɔlɔ wal’etsho wɛnɛ onanghawɔ akambo wa Yeso ndatepela ante wangaakotshɛ dj’anto ndalembetela ambɔ oyɛwɔ nde ambeki wande.
‘Okokɛ ndembetela Akristo wa nsɔsɔlɔ ngete mo?’ (Etange k’Olami, Ngɔndɔ k’asato 1, 2012 lá Lingala)
