WEKELO 19
Ewakɛ wɛ Yehova walekɔ Akristo wa nsɔsɔlɔ?
Etengo oyɛso Ewakɛ wɛ Yehova, iso ndjawolaka ente tolekɔ Akristo wa nsɔsɔlɔ. Ladjikɛnge? Tokoshishima edjena kepikama djawo djɛso, djiina djetotshikitanyɛ l’anto ankina, edjinge ngandji k’okanaso l’anteyi kɛso.
1. Djawo dj’Ewakɛ wɛ Yehova yombopikama lampe?
Yeso atepelaka ante: ‘Otepela wɔ Ndjambe wolekɔ ngo nsɔsɔlɔ.’ (Djɔanɛ 17:17) Lá nkilika ndjɔmbɔmba kɛ Yeso, djawo dj’Ewakɛ wɛ Yehova mpikamaka mfu inkfumɔ ngo m’Otepela wɔ Ndjambe. Tokolenda ɔkɔndɔ wɔso wɔ l’etsho wɛnɛ. L’ekomo k’ɛtɛndɔ kɛ 19, iloyi imɔtshi y’ambeki wa Bible wawangaka nshishima wayi welá Bible la nkɔmɛ nkfumɔ. Iwɔ wayalaka la djawo t’akambo wa Bible otepelande, kaanga elakanyelo wɛkɔ yatshikitana l’elakanyelo wɛ nkɛlɛsiya nkina. Ko masɔ, iwɔ wawangaka nshimela anto ankina akambo wa nsɔsɔlɔ wemá Bible wasɔ. a
2. Lamo etamaso Ewakɛ wɛ Yehova?
Yehova ndjetaka antɛmɔdji yɛnde ante ewakɛ wɛnde ladjikɛnde iwɔ ndakanyɛka akambo wa nsɔsɔlɔ walendana lande. (Hebero 11:4–12:1) Ndjɔmbɔmba, l’etsho wɛ ntondo, Ndjambe ashimelaka owila wɔnde ante: ‘Nyo ndeke ewakɛ wɛmi.’ (Wala Izaya 43:10.) Wangetake Yeso ambɔ: ‘Owakɛ wɔ nkɔmano.’ (Ndjiso 1:5) Djɛkondeke, l’ɔnɔnyi wɔ 1931 tɔsaka djiina djɛ Ewakɛ wɛ Yehova. Tolekɔ l’ofuno wɔ ndjetama lá djiina djɛsɔ.
3. Wopo wɔkɔnge Ewakɛ wɛ Yehova okolawɔ ngandji kɛ Yeso?
Yeso akɔpaki ambeki wande lombombe edjinge awɔsaki etengo ase nkfumbo kɛnde. (Wala Marko 3:35.) Wopo wɔk’ɔmɔ ndeke, Ewakɛ wɛ Yehova walekɔ nkfumbo k’osanga kel’andja w’otondo. Djɛkondeke etanaso wananyɔ la ankaana. (Filɛmɔ 1, 2) Lonkina, iso nɛmɛyɛka ɔlɛmbɛ w’otepela ante: ‘Nyɔkɔpɛ nkfumbo k’otondo kɛ wananyɔ.’ (1 Pɛtɛlɔ 2:17) Ewakɛ wɛ Yehova nyɛnyɛka ngandji kɛsɔ lá topo totshikitanyi, ndjɔmbɔmba, wangokotshɛke wananyɔ wawɔ walekɔ́ la djonyi dj’okotshɔ l’andja w’otondo.
TSHIMOLA
Eka akambo efula walendana l’ɔkɔndɔ w’Ewakɛ wɛ Yehova, edjinge lenda donga nkina djɛnyɛ ente tolekɔ Akristo wa nsɔsɔlɔ.
Akristo wa nsɔsɔlɔ mposɛka elakanyelo wɛwɔ ngo má Bible la wangoshimelake anto ankina elakanyelo wɛkɔ
4. Djawo djɛso opikamawɔ nde lá Bible
Yehova ewoyɛka ante wangotisola akambo wa nsɔsɔlɔ welá Bible. Wala Danyɛlɛ 12:4 la nɔtɛ, ko kadjimola lá woopó wɔnɛ:
-
Kɛkɔnge keyalisá ladjɛ ‘ndjala efula l’anteyi’ k’enkambi wɛ Ndjambe winá wɔ yongokindjɛka ndjeka Bible?
Tokolenda wopo wɔ iloyi y’ambeki wa Bible la wɔnanyɔ Charles Russell iyekaka Otepela wɔ Ndjambe. Lenda VIDEO, ko kadjimola lá woopó wɔwɔlamá.
-
Lá video djɛnɛ, wopo wɔkɔnge wɔnanyɔ Charles Russell ny’ambeki wa Bible yekaka Bible?
Ongewake?
Lá winá ɛmɔtshi, tontshikitanyɛka elakanyelo wɛso ɛmɔtshi. Ladjikɛnge? Ngo ngete winá wɔ winá yotapose ndeke nkete yotɛnamá ndambo ndambo, ndeke Ndjambe ɔtɔpɛyɛkande looka l’Otepela wɔnde ndambo ndambo. (Wala Woongo 4:18.) Djɛkondeke kaanga Bible iyopatshikitana, iso ntshikitanyɛka elakanyelo wɛso ɛmɔtshi winá wotafule looka lɔso lɔ Bible.
5. Iso mbikaka lá yopo y’okana la djiina djɛso
Lamo isɔshi djiina dj’Ewakɛ wɛ Yehova? Lenda VIDEO, ko kadjimola lá woopó wɔwɔlamá.
-
Ladjikɛnge oyɛwɔ wɔlɔ iso ndjetama má djiina djɛ Ewakɛ wɛ Yehova?
Ladjikɛnge Yehova ndasɔnɛ anto djɛ ndjala ewakɛ wɛnde? Ladjikɛnde iwɔ ndeke loyalisá ladjɛ ndowewanyɛ etengo Ndjambe kɛ nsɔsɔlɔ, mande watepelaka wayi w’ongolo efula lá nkambo djɛnde. Tokotepela engolo epe l’anteyi k’engolo wɛsɔ.
Nkɛlɛsiya mɔtshi ndakanyɛka andjawodji yɛwɔ ambɔ Ndjambe nkɔpaka iwɔ nkamba la tosakandole winá wɔtɛmɔlawɔ. Koko, wala Ase lewi 26:1, ko kadjimola lá weepó wɛnɛ:
-
Kɛkɔnge kelekɔ nsɔsɔlɔ lá nkambo djɛ tosakandole? Yehova oyawokande mo lá nkambo djɛ tosakandole?
Ewandji wɛ nkɛlɛsiya ɛmɔtshi ndakanyɛka ambɔ Yeso ndeke Ndjambe. Wala Djɔanɛ 20:17, ko kadjimola lá weepó wɛnɛ:
-
Kɛkɔnge kelekɔ́ nsɔsɔlɔ lá nkambo djɛ Ndjambe nya Yeso? Ndjambe nya Yeso walekɔ ngo onto ɔmɔ?
-
Wopo wɔkɔnge w’oyawokɛ winá wɔ ngombewa ente Yehova atomaka Ewakɛ djɛ mpoposanyɛ akambo wa nsɔsɔlɔ lá nkambo djɛnde edjinge djɛ Wɔnande?
6. Iso ndjokanaka ngandji l’anteyi kɛso
Bible ndjɛdjɛka Akristo la ntenyi djetshikitanyi djɛ demba dj’onto. Wala 1 Kɔrɛtɔ 12:25, 26, ko kadjimola lá weepó wɛnɛ
-
Kɛkɔnge kɛ Akristo wa nsɔsɔlɔ onanghakawɔ winá wɔ Akristo ankina ɛnawɔ ndjolo?
-
Kɛkɔnge k’ɛnɛ lá nkambo djelendana la ngandji kelekɔ́ l’anteyi k’Ewakɛ wɛ Yehova?
Winá wɔ Ewakɛ wɛ Yehova wela ntshuku mɔtshi djɛ looko ɛnawɔ ndjolo, winawɔ Ewakɛ enkfumɔ wel’andja w’otondo ndakotshɛka ipa la ntshatshimba. Djɛ nyɛna ndjɔmbɔmba kɛmɔtshi, lenda VIDEO. Ko kadjimola lá woopó wɔwɔlamá.
-
Wopo wɔkɔnge welo wenangha Ewakɛ wɛ Yehova djɛ nkotshɛ́ anto ankina oyɛwɔ ilembetelo yɛ ngandji?
Akristo wa nsɔsɔlɔ nkotshɛka anto wɛna ndjolo má ngandji kawokawɔ
ANTO EFULA NTEPELAKA AMBƆ: “Ewakɛ wɛ Yehova oyɛwɔ nde etolo kɛ bango.”
-
Ntateyɛ má winá wɔkɔnge Yehova ndete antɛmɔdji yɛnde ante ewakɛ?
LÁ YOPASƐ
Iso Ewakɛ wɛ Yehova tolekɔ Akristo wa nsɔsɔlɔ. Tolekɔ nkfumbo ke l’andja w’otondo kɛ wananyɔ l’ankaana, elakanyelo wɛso mposoka má Bible edjinge iso ndakanyɛka anto akambo wa nsɔsɔlɔ lá nkambo djɛ Yehova.
Mvungo
-
Ladjikɛnge isawola ndɔsa djiina dj’Ewakɛ wɛ Yehova?
-
Wopo wɔkɔnge w’onanghelanakaso akambo?
-
Okanelɛ ente mo, Ewakɛ wɛ Yehova walekɔ Akristo wa nsɔsɔlɔ?
TOKANYI TONKINA
Eka akambo walendana l’ɔkɔndɔ wɔso.
Ewakɛ wɛ Yehova—Djawo djɛwɔ nyɛnamaka má nanghedji, Etenyi 1: Iwɔ wamboposa má widjima (1:01:27)
Lenda ndjɔmbɔmba kɛnyɛ wopo w’Ewakɛ wɛ Yehova yaposɛ elakanyelo w’engolo lá bandja.
Waka nsakiso lá weepó w’opolɛ winá la winá lá nkambo dj’Ewakɛ wɛ Yehova.
“Weepó w’anto olekawɔ ndjopola lá nkambo dj’Ewakɛ wɛ Yehova” (Djamba djelá jw.org)
Stephen ayalaki la lotono l’efula te anto walekɔ la mposo y’alemba inkina edjinge aananyɛki. Lenda akambo wa ndɛnyi m’Ewakɛ wɛ Yehova wotshindisá djɛ nde ntshikitanyɛ ikanyi yɛnde.
‘Lowiko lɔmi lotatshitanaki ngo tshitana’ (Etange k’Olami, Ngɔndɔ k’esambele 1, 2015 lá Otetela)
a Etange k’Olami, periodikɛ keleka nkamba laso, kewangaka mposɛ akambo wa nsɔsɔlɔ wemá Bible ipa la nyemɛ, ntateyɛ m’ɔnɔnyi wɔ 1879.
