Yeso alakanyɛka ante Akristo ladjɛ ndongola batisimo. (Wala Mateo 28:19, 20.) Ya etawɔ batisimo nge? Edjinge kɛkɔnge kɛ onto oyɛnde ladjɛ nangha djɛ nkotshɛ okoma wɔsɔ?

1. Etawɔ batisimo nge?

Itepela “mbatizɛ” ndjɛ má itepela yɛ Grɛkɛ yesakisola “ndjindjɛ” onto tá washi. Winá wɔ Djɔanɛ ndalongoyɛka Yeso batisimo, nde ooluwaka otondo wɔnde onkfumɔ lá Ndjale kɛ Jɔrɔdana, ko masɔ nde ‘aposaka má washi.’ (Marko 1:9, 10) Wopo wɔk’ɔmɔ ndeke, Akristo wa nsɔsɔlɔ ndongolaka batisimo má nduwama ntepela ente ndjinda tshɛ lá washi.

2. Kɛkɔnge k’onto ndɛnyɛka winá w’olongolande batisimo?

Winá w’onto olongolande batisimo, nde nyɛnyɛka ante amboyalambola te Yehova Ndjambe. Wopo wɔkɔnge onto oyálambolakande? Lá ntondo kɛ ndongola batisimo, onto nanghaka dɔmbɛlɔ nyɔmɛlɛ, djɛ nshimela Yehova ante ambawola ndookambela lá lowiko lɔnde l’otondo. Nde ndakaka Yehova ante agɔɔtɛmɔlaka ngo nde edjinge nangha ɛkɔpa kɛ Ndjambe ndeke nkambo deki djonyi lá lowiko lɔnde. Nde angɔsake nkano djɛ ‘ndaatona nyɔmɛlɛ edjinge nkindjɛ nkilika’ elakanyelo la ndjɔmbɔmba kɛ Yeso. (Mateo 16:24) Ndaalambola edjinge batisimo djɛnde ndɔɔpɛyɛka mbamba kɛ ndjala la djokanelo djɛ ma ma la Yehova edjinge la winande antɛmɔdji.

3. Wopo wɔkɔnge onto okokande mfula tii tá batisimo?

Lá ntondo kɛ wɛ ndongola batisimo, wɛ ladjɛ ndjeka djɛ ndjewa Yehova edjinge ndjala la djawo djɛ wolo tende. (Wala Hebero 11:6.) Ntsha balo la djawo djɛko mbofula, edjinge ngandji kɛko te Yehova kengoleka mfula. Ipa l’ehamo, ongoyala la mposɛ kɛ mpoposanyɛ akambo wande edjinge mbika lá wopo wokaná l’ɛlɛmbɛ wɛnde. (2 Timɔte 4:2; 1 Djɔanɛ 5:3) Winá w’onto owikande ‘lá yopo yɛ Yehova ɔkɔpande djɛ ndoosasangɛ l’akambo ankfumɔ,’ nde nkoka ndɔsa nkano djɛ ndaalambola te Ndjambe la ndongola batisimo.—Kɔlɔsɛ 1:9, 10. a

 TSHIMOLA

4. Elakanyelo w’okokaso mba má batisimo djɛ Yeso

Wala Mateo 3:13-17 djɛ ndjewa akambo efula walendana lá batisimo djɛ Yeso. Ko masɔ kadjimola lá weepó wɛnɛ:

• Yeso ndalongola batisimo nde winá wɔ ndayalaka wɔna wɔ daambi?

• Wopo wɔkɔnge ndalongola batisimo djɛkɔ? Iyovutela ngo ndambo kɛ washi l’ɔtɛ toko?

M’ɔkɔngɔ wɔ batisimo djɛnde, Yeso atateyɛka nkotshɛ olemo wɔ djonyi wɔ Ndjambe ndɔɔpɛyɛ. Wala Luka 3:21-23 edjinge Djɔanɛ 6:38, ko kadjimola lá woopo wɔnɛ:

• M’ɔkɔngɔ wɔ Yeso ndongola batisimo, olemo wɔkɔnge wɔ ndahetshɛ l’edjena kɛ ntondo lá lowiko lɔnde?

5. Batisimo dekɔ okoma wokokɛ ndawilela

lkanyi yɛ ndaalambola la ndongola batisimo nkoka nkɔpɛyɛ wɔma má bango. Koko winá wɔ ngotananghe etshikitano ndambo ndambo, ɔngɛna ente ombokoka ndɔsa nkano djɛ djonyi ntshɔ. Djɛ ndjewa wopo wɔ anto amɔtshi yalonge djɛ ndɔsa nkano djɛsɔ, lenda VIDEO.

Wala Djɔanɛ 17:3 edjinge Djakɔbɔ 1:5, ko kadjimola lá woopó wɔnɛ:

• Kɛkɔnge kekoka nkotshɛ́ onto djɛ ndjala entshupa djɛ ndongola batisimo?

1. Iso ndaalambolaka te Yehova má ndooshimela lá lɔlɔmbɔ ente tombawola ndookambela lowiko lɔso l’otondo

2. Lá batisimo djɛso, iso nyɛnyɛka anto ankfumɔ watolenda ente tomboyalambola te Ndjambe

 6. Winá w’olongolaso batisimo, iso nkomaka ase nkfumbo kɛ Yehova

Winá w’olongolaso batisimo, iso ndjingelaka lá nkfumbo k’osanga kel’andja w’otondo. Ayale kaanga mámpe isaye kana weepo w’anto wakɔna w’oyɛso, isankfumɔ tolekɔ ngo la djawo mmɔ edjinge nɛmɛyɛka ɛlɛmbɛ ngo wɛkɔ ɛmɔ welendana la djalelo. Wala Yeembo 25:14 edjinge 1 Pɛtɛlɔ 2:17, ko kadjimola lá woopó wɔnɛ:

• Ntsha onto ambolongola batisimo, djokanelo djekɔnge djengoyala lande nya Yehova la winande antɛmɔdji ankina?

 LÁ YOPASƐ

Yeso alakanyɛka ante djɛ onto nkoma Okristo, ngo nde ndongola batisimo. Djɛ nkotshɛ okoma wɔsɔ, ngo ndjala la djawo djɛ wolo te Yehova, mbika lá wopo wokana l’ɛlɛmbɛ wɛnde, edjinge ndaalambola tende.

Mvungo

• Etawɔ batisimo nge, edjinge lamo oyɛwɔ djonyi mbatizama?

• Djokanelo djɛkɔnge djelekɔ́ l’antenyɛ ndongola batisimo la ndaalambola?

• Akambo wakɔna wakotshɛ́ onto djɛ nde ndaalambola la mbatizama?