WEKELO 24

Kɛkɔnge kelekɔ́ nsɔsɔlɔ lá nkambo djɛ andjelo?

NDJOKA LÁ

Yehova nkɔpaka dj’iso ndjewa akambo walendana la nkfumbo kɛnde kel’olongo. Nkfumbo kɛkɔ kelekɔ lá andjelo w’etawɔ ambɔ ‘wana wa Ndjambe.’ (Djɔbɔ 38:7) Kɛkɔnge kɛ Bible otepelande lá nkambo djɛ andjelo? Wopo wɔkɔnge w’onanghelawɔ anto akambo? Andjelo ankfumɔ ndeke lolekɔ́ l’anteyi kɛ nkfumbo kɛ Ndjambe?

1. Andjelo, oyɛwɔ wa na?

Yehova atongaka andjelo lá ntondo kɛ ntonga looko. Etengo oyɛnde, iwɔ walekɔ l’alemba wapɛnama la intasɛkawɔnde l’olongo. (Hebero 1:14) Andjelo walekɔ wa miliyɔ, koko ondjelo l’ondjelo alekɔ lá l’onto lɔnde. (Ndjiso 5:11) Iwɔ ‘ndjalaka la ntshunamo te Yehova la nɛmɛyɛka otepela wɔnde.’ (Yeembo 103:20) L’etsho wɛ ntondo, lá mbamba imɔtshi, Yehova atomaki andjelo djɛ ntewoyɛ nsango la djɛ ntokotshɛ edjinge nama enkambi wɛnde. Lɔɔko kɛnɛ, andjelo ndɔndjɛka Akristo te anto ankina wakɔpa ndjeka akambo wa Ndjambe.

2. Satana nya ɛdjɛngɛ wɛnde, oyɛwɔ wa na?

Andjelo amɔtshi watátshikalá la nkɔmano te Yehova. Ondjelo wɔ ntondo wɔtɔmbɔkwisá nde: ‘Djabolo la Satana, kanga lodjimba looko l’otondo.’ (Ndjiso 12:9) Etengo ndayalaka la mposɛ kɛ ndɔdjɛ, Satana adjimbolaka anto wa ntondo edjinge andjelo ankina djɛ nkilika lokolo lɔnde. Andjelo w’antɔmbɔki wasɔ ndeke etawɔ ɛdjɛngɛ. Yehova ákilikaka m’olongo lá looko, ko iwɔ wangoyakema.—Wala Ndjiso 12:9, 12.

3. Wopo wɔkɔnge Satana nya ɛdjɛngɛ wɛnde otodjimbawɔ?

Satana nya ɛdjɛngɛ wɛnde ndjimbaka anto efula má wayi w’ɛdjɛngɛ. Ntepela la nyuma yɛ nyɛtshi alekɔ enanghedji kɛ pɔlɔ. Ndjɔmbɔmba anto amɔtshi wangotshɔke te anto wewa akambo wa tɔɔtɔ, wa wetshi, wetama tɔwɔlɛ edjinge le ase alɔka. Anto amɔtshi mponaka bɔki djelekɔ́ la djokanelo l’ɛdjɛngɛ. Anto ankina ndjimbamaka má ndjawola dj’iwɔ nkoka ntepela l’anto wambovɔ. Koko Yehova ntewolaka ante: ‘Nyotatshɔke te waatepedjɛ ndjimo edjinge nyotahonake wetshi.’ (Ase lewi 19:31) Nde ntɔpɛyɛka ndjewo kɛsɔ ngo djɛ ntolama me Satana la ɛdjɛngɛ. Iwɔ walekɔ́ antonyi wa Ndjambe la iwɔ nkɔpaka ntonanghela nyɛtshi.

TSHIMOLA

Eka djɛ ndjewa akambo ankina wá wɔlɔ wanangha andjelo, mbalaka keyɛ má ndjalá la djokanelo l’ɛdjɛngɛ la wopo w’okokaso ndaalama me Satana l’ɛdjɛngɛ.

4. Andjelo nkotshɛka anto djɛ ndjewa akambo wa Yehova

Andjelo wa Ndjambe wapapoposanyɛ mbala kɛkɔ kɛmɔ le anto. Koko iwɔ ndɔndjɛka enkambi wɛ Ndjambe djɛ mpomana l’anto wakɔpa ndjeka akambo wa Ndjambe. Wala Ndjiso 14:6, 7, ko kadjimola lá weepo wɛnɛ:

Ladjikɛnge oyɛso la djonyi dj’okotshɔ wɔ andjelo winá w’opoposanyɛso?
Ekembelo kɛkɔnge k’owɛ winá w’ewɛ ente andjelo nkoka nkɔlɔndjɛ te anto walekɔ la djonyi djɛ ndjewa losango lolekɔ́ lá Bible? Lamo?

5. Opa losambi nya ɛdjɛngɛ

Satana l’ɛdjɛngɛ walekɔ antonyi wa Yehova. Iwɔ walekɔ edjinge antonyi waso. Wala Luka 9:38-42, ko kadjimola lá woopó wɔnɛ:

Kɛkɔnge k’ɛdjɛngɛ onanghelakawɔ anto?

Totawolake dj’ɛdjɛngɛ ntodjimbola. Wala Mvungo K’ɛlɛmbɛ 18:10-12, ko kadjimola lá weepó wɛnɛ:

Lá topo tɔkɔnge ɛdjɛngɛ ɔsɛsawɔ djɛ ntodjimbola kana djɛ djamba laso? Nanghedji djɛkɔnge djenanghema l’edjena k’oyalɛ?
Etengo le wɛ, alekɔ nkambo djɛ balo djɛ Yehova ntoshimba dj’ipa iso ndjala la djokanelo l’ɛdjɛngɛ? Lamo?

Lenda VIDEO, ko kadjimola lá weepó wel’anse.

VIDEO: “Nyonane la Djabolo” (5:02)

Okanelɛ ente mo, onghina wɔlɔtaki wɔna Palesa w’omoto djɛ ndalama woyalaka mbalaka? Ladjikɛnge?
Kɛkɔnge kɛ Palesa ndayale ladjɛ nangha djɛ namema me ɛdjɛngɛ?

Akristo wa nsɔsɔlɔ wangonanake mbandji winá enkfumɔ l’ɛdjɛngɛ. Wala Elemo 19:19 edjinge 1 Kɔrɛtɔ 10:21, ko kadjimola lá woopó wɔnɛ:

Ntsha olekɔ l’ekete kenkfumɔ kelekɔ́ la djokanelo l’ɛdjɛngɛ, lamo oyɛwɔ wɔlɔ wɛ ntshita?

6. Longa lá mbandji k’onanɛ nya Satana la ɛdjɛngɛ wɛnde

Ɛdjɛngɛ walekɔ l’anse k’ɛlɔndjɛlɔ kɛ Satana. Koko andjelo wa nkɔmano walekɔ l’anse k’ɛlɔndjɛlɔ kɛ Mikayɛlɛ arkandjelo, djiina nkina djɛ Yeso. Nkfulu kɛkɔnge kelekɔ́ la Mikayɛlɛ? Wala Ndjiso 12:7-9, ko kadjimola lá weepó wɛnɛ: