WEKELO 25
Oye ikanyi yɛ Ndjambe lá nkambo djɛso?
Bible ntepelaka ante lowiko l’anto lolekɔ ‘itenyi edjinge ndola kfu l’ekakasano.’ (Djɔbɔ 14:1) Ɔsɔ ndeke lowiko lɔ Ndjambe ɔkɔpande iso ndjala la lɔkɔ? Ntsha lako, ikanyi yɛ Ndjambe lá nkambo djɛso oyɛwɔ mo? Ingokotshama lofu lɔmɔtshi? Tolende nsakiso yekembɛ yɛtɔpɛyɛ Bible.
1. Yehova ɔkɔpande iso ndjalá la lowiko lɔ ngete mo?
Yehova nkɔpaka iso ndjala la lowiko lɔ wɔlɔ. Winá wɔ ndatonge anto wa ntondo Adama nya Eva, nde átshikaka lá paradiso kɛ wɔlɔ lombombe, ntepela ente bedji dj’Ɛdɛna. Masɔ ‘Ndjambe ásakolaka edjinge Ndjambe áshimelaka ante: ‘Nyowote, nyoyale efula, nyolodjɛ looko la nyowapamele.’’ (Ewangelo 1:28) Yehova ndakɔpɛ nde iwɔ mbota wana, nkadjimola looko l’otondo paradiso la namaka anyama. Inkanyi yɛnde yayale nde anto ndjala l’alemba wa wɔlɔ edjinge mbika lotshinda lotshinda.
Kaanga akambo yotananghemá etengo ndakombola, a ikanyi yɛ Ndjambe itatshikitana. (Izaya 46:10, 11) Ɛkɔpa kɛ Yehova oyɛwɔ ngo djɛ anto walekɔ́ la ntshunamo ndjala la lowiko lɔ wɔlɔ edjinge mbika lotshinda lotshinda.—Wala Ndjiso 21:3, 4.
2. Wopo wɔkɔnge w’okokɛ ndjalá la lowiko lolekɔ́ l’okoma lɔɔko kɛnɛ?
Yehova atotongaka la ‘mposɛ k’akambo wa nyuma,’ ntepela ente mposɛ kɛ ndowewa la ndɔtɛmɔla. (Wala Mateo 5:3-6.) Nde nkɔpaka dj’iso ndjala tolongo tɔnde, ‘nkilika amboka yɛnde inkfumɔ, ndoowoka ngandji,’ edjinge ndokambela ‘l’oloko wɔso onkfumɔ.’ (Mvungo K’ɛlɛmbɛ 10:12; Yeembo 25:14) Ntsha iso nangha nghɔsɔ, tongoyala l’osasa wɔ nsɔsɔlɔ kaanga l’anteyi k’ekakasano. Lowiko lɔso ndjalaka l’okoma winá w’ɔtɛmɔlaso Yehova la w’ɔlɛmɛyɛso ɛlɛmbɛ wɛnde.
TSHIMOLA
Eka akambo walendana la ngandji k’efula kɛ Yehova ndɛnyɛ winá wɔ ndatɔlɔngɔsɔlaka looko edjinge hona djɛ ndjewa akambo walakanyɛ Otepela wɔnde lá nkambo djɛ okoma wɔ lowiko.
3. Yehova alekɔ l’ikanyi yɛ wɔlɔ efula lá nkambo dj’anto
Lenda VIDEO, ko kadjimola lá woopó wɔwɔlamá.
-
Ladjikɛnge Ndjambe ndatonge looko lɔ wɔlɔ lombombe lɔnɛ?
Wala Losanghanyɛ 3:11, ko kadjimola lá woopó wɔnɛ:
-
Kɛkɔnge kekolakanyɛ vɛrse djɛnɛ lá nkambo djɛ Yehova?
4. Ikanyi yɛ Yehova lá nkambo dj’anto itatshikitana
Wala Yeembo 37:11, 29 edjinge Izaya 55:11, ko kadjimola lá woopó wɔnɛ:
-
Wopo wɔkɔnge w’ewaso ente ikanyi yɛ Yehova lá nkambo djɛso itatshikitana?
Mvulu kembotshitaná efula nkoka ndɔngɔswamá. Wopo wɔk’ɔmɔ ndeke looko lombotshitaná efula lɔnɛ, lɔngɔlɔngɔswama me Ndjambe lá nkambo dj’anto wowoka ngandji
5. Lowiko lɔso ndjalaka l’okoma winá w’ɔtɛmɔlaso Yehova
Ndjewa okoma wolekɔ́ la lowiko nkoka ntokotshɛ́ djɛ ndjalá l’osasa. Lenda VIDEO, ko kadjimola lá woopó wɔwɔlamá.
-
Wɛlɔ wɛkɔnge wewisá Terumi winá wɔ ndewe okoma wolekɔ́ la lowiko?
Wala Losanghanyɛ 12:13, ko kadjimola lá woopó wɔnɛ:
-
Ladjikɛnde Yehova atonanghelaka akambo efula, kɛkɔnge k’oyɛso ladjɛ ndoonanghela?
ONTO ƆMƆTSHI NKOKA NKOPOLA ANTE: “Okoma wɔkɔnge wolekɔ́ la lowiko?”
-
Okokɛ nkadjimola ente mo?
LÁ YOPASƐ
Yehova nkɔpaka dj’iso nsasanga la lowiko lɔ djɔ lanɛ lá looko lotshinda lotshinda. Winá w’ɔtɛmɔlaso l’oloko wɔso onkfumɔ, lowiko lɔso longoyala l’okoma wɔ kɔɔ, kaanga má win’ɔsɔ.
Mvungo
-
Ikanyi yɛkɔnge yeyalaki la Yehova má bango lá nkambo djɛ Adama nya Eva?
-
Wopo wɔkɔnge w’ewaso ente ikanyi yɛ Ndjambe lá nkambo dj’anto itatshikitana?
-
Kɛkɔnge k’okokɛ nangha djɛ ndjalá la lowiko lɔ wɔlɔ?
TOKANYI TONKINA
Hona djɛ ndjewa akambo wɛnyɛ ente nsɔsɔlɔ bedji dj’Ɛdɛna djalaka.
Ladjikɛnge okokaso ndjawola ente looko longotshikala lotshinda lotshinda.
Lenda akambo watepela Bible lá wopo w’okokɛ ndjala la lowiko l’osasa lolekɔ́ l’okoma.
Kolenda ɔkɔndɔ wɔ mpame kɛmɔtshi kekanelaki ante nde alekɔ la nkete nkfumɔ, koko ayɛka ndisola ante nde asambaki ekete kɛmɔtshi lá lowiko lɔnde.
a Lá wekelo wɔwɔlamá, ongeka ladjikɛnge akambo yotananghemá etengo Yehova ndalonghanyɛ.
