Iso nanghaka mpekanto, nyɛnaka ndjolo la mvɔka ladjikɛnde antshukami yɛ ntondo Adama nya Eva wapendolaka Ndjambe. a Koko nkambo djɛsɔ mpasakisola ente tombosamba nkongi. Yehova alonghanyɛka yopo imɔtshi djɛ ntotshungola má dɔki djɛ mpekanto la nyɔyi, má lotshimbo lɔ Wɔnande, Yeso Kristo. Bible ntolakanyɛka ante má nyɔyi kɛnde, Yeso afutaka oshinga wɔ mbendo. Oshinga wɔ mbendo alekɔ ekete kana mfalanga yefutama djɛ ntshungola onto ɔmɔtshi. Oshinga wɔ Yeso ndafute nde lowiko lɔnde l’onto wɔ djɔ. (Wala Mateo 20:28.) Winá wɔ ndawola ntshutshɛ lotshungɔ lɔnde lɔ mbika lotshinda lotshinda lanɛ lá looko, Yeso atodjipwelaka mboka kɛ nkalɔ mba kenkfumɔ kɛ Adama nya Eva iyatshutshɛ. Yeso ɛnyɛka lonkina ante nde nya Yehova ntɔkɔpaka lombombe. Wekelo wɔnɛ wongokokotshɛ́ djɛ mfudjɛ djedjɛ djɛko t’opapɛyɛ wɔ Yeso.

1. Wɛlɔ wɛkɔnge w’okokaso mba má nyɔyi kɛ Yeso?

Ladjikɛnde tolekɔ anto wa ntshamba djɛ djɔ, iso nanghaka akambo efula wapasasangɛ Yehova. Koko ntsha iso ndapɛla lá lɛdji lɔ nsɔsɔlɔ lá mpekanto yɛso la ndɔmba Yehova djɛ nde ntimeyɛ má lotshimbo lɔ Yeso Kristo edjinge nangha la wolo dj’ipa nkalɔ l’evunga wɛkɔ lonkina, mbɔkoko tokoka ndjala la djokanelo djɛ ma ma la Ndjambe. (1 Djɔanɛ 2:1) Bible ntepelaka ante: ‘Mande Kristo avɔka mbalá 1 lotshinda lá nkambo djɛ mpekanto, onto wɔ wɔlɔ avwelaka anto wapɔlɔ djɛ nyɔlɔndjɛ te Ndjambe.’—1 Pɛtɛlɔ 3:18.

2. Wɛlɔ wɛkɔnge w’isongowa l’etsho weyaye má nyɔyi kɛ Yeso?

Yehova atomaka Yeso lanɛ lá looko djɛ ndolambola lowiko lɔnde l’onto wɔ djɔ, ‘djɛ onto onkfumɔ wɛnyɛ djawo te nde atavɔke, koko awa lowiko l’etshinda.’ (Djɔanɛ 3:16) Mpeyi l’olambo wɔ Yeso, lako ilá Yehova imɛ akambo wa nyɛtshi ankfumɔ waposisá má mpendo k’Adama. Nkambo djɛsɔ nsakisolaka ante, ntsha iso ndjala la djawo t’olambo wɔ Yeso, tongoyala la mbamba kɛ mbika lotshinda lotshinda lanɛ lá paradiso kelá looko!—Izaya 65:21-23.

 TSHIMOLA

3. Nyɔyi kɛ Yeso kembótotshungola má mpekanto la nyɔyi

1. Adama ayalaka onto wɔ djɔ wopendolisá Ndjambe edjinge má nkambo djɛsɔ, anto wakomaka ananghi yɛ mpekanto la wa mvɔ

2. Yeso ayalaki onto wɔ djɔ wɔlɛmɛyisá Ndjambe. Mpeyi la ntshunamo djɛnde anto wangokoma djɔ edjinge wangowa lowiko l’etshinda

4. Anto ankfumɔ nkoka mba wapɔ má nyɔyi kɛ Yeso

 5. Oshinga wɔ mbendo wolekɔ opapayɛ wɔ Yehova ndakɔpɛyɛ

Tolongo tɔ Yehova ndɔsaka oshinga wɔ mbendo etengo ɔpapɛyɛ w’onto nyɔmɛlɛ. Ndjɔmbɔmba, wala Ngalatiya 2:20, ko kadjimola lá woopó wɔnɛ:

• Wopo wɔkɔnge ɔpɔstɔlɔ Poolo ndɛnyɛ ante nde ɔsaki oshinga wɔ mbendo etengo opapɛyɛ w’onto nyɔmɛlɛ?

Winá wɔ Adama ndananghe mpekanto, nde nya tonkanola tɔnde tonkfumɔ wawaka dilanyɛ djɛ nyɔyi. Koko Yehova atomaka Wɔnande djɛ ndokovwela djɛ wɛ mba lowiko l’etshinda.

Winá wɔ ngotawale avɛrse wanɛ, kanela wopo wɔ Yehova ndoke winá wɔ ndɛnaka Wɔnande ɛna ndjolo. Wala Djɔanɛ 19:1-7, 16-18, ko kadjimola lá woopó wɔnɛ:

• Winá w’okanelɛ akambo wambokonanghela Yehova nya Yeso, oyawokɛ ngete mo?

 LÁ YOPASƐ

Mpeyi la nyɔyi kɛ Yeso, Yehova nkoka ntimeyɛ mpekanto yɛso, edjinge tolekɔ la nkongi djɛ mbika lotshinda lotshinda.

Mvungo

• Ladjikɛnge Yeso ndavu?

• Lá wopo wɔkɔnge Bible otepelande ante lowiko lɔ Yeso lolekɔ oshinga wɔ mbendo wɛlama?

• Wopo wɔkɔnge w’okokɛ mba wapɔ má nyɔyi kɛ Yeso?